Transfer thu thar, a chiang tawh ho zinga ngaihven hlawh deuh ho kan rawn thurchhuak leh e.
Atletico Madrid ah Chelsea keeper thar
Chelsea keeper thar, kum 19 leka upa Thibaut Courtois chu season thar atan Atletico Madrid ah loan in a chhuak. Genk atanga Chelsea záwm ta Courtios hi Europe-a goalkeeper hmabak éng ber pawl a ni a, mahse Chelsea-ah Petr Cech a
awm miau avangin first team a chang pha rih kher lo ang. Hei vang hian khelhna hun tam zawk neia hma a sâwn zawk beiseiin Madrid lam ah a chhuak rih ta a ni.
Chelsea-a a luh hma khan Atletico Madrid hian lei an lo tum ve char char tawh a, mahse sum ngah zawk Chelsea in an chang ta a ni. Tunah loan in an la a, Chelsea in an la mamawh lutuk rih lo bawk a, player in game tam zawk a khelh theih phah dawn bawk nen, loan-a a chhuak hi tute tan pawh a hlawk vel vek a tih theih awm e.
Benfica ah World Cup champion Capdevila
Spainish defender Joan Capdevila chuan kum 4 chhung a lo khelh tawhna Villarreal chhuahsanin Portuguese club Benfica a zawmfel. Contract hi kum 2 chhung atan a ziak a, Benfica hian thuchhuah siam nghalin a contract zawh hmaa lei duh an awm chuan euro maktaduai 20 tal an pek a ngaih tur thu an tarlang a ni.
Kum 33 a upa Capdevila hi Valencia left back rinrawl a ni reng thin a, Euro 2008 leh FIFA World Cup 2010 a champion Spain team-ah a tel ve ve bawk. Benfica-ah hian Emerson nen left back position hi an inchuh ang.
Brazil ah Brazilian Jo a hâw
South American tan English Premier League-a hlawhtlin a harsat thu hi sawi a ni teh fo a, a dik tlangpui bawk niin a lang. Tevez, Mascherano, Suarez te ho chu an awm ngei mai a, mahse a hlawhtling pakhat zel ah hlawhtling lo pathum tal an awm äwm e. Brazilian striker Jo pawh hi a hlawhtling lo zing ami a ni.
Jo hian a club Manchester City chhuahsanin Brazilian club Internacional a zawm a, a man zat hi club pahnih ten an puangzar lo. Kum 2008 ah CSKA Moscow atangin £18 million in City a zawm a, kum 3 chhungin game 41 a khel a, goal 6 a thun. City-a a awm lai hian Everton leh Galatasaray ah loan in a lo khel tawh bawk a ni.
canadian cialis
cialis walmart
5 mg cialis
Buy real cialis
Cech a luahlan tur chuan a nghah rei a va ngai awm ve le… Courtois tan chuan lehh……
Jo chu English Football ah chuan a Nil ve kher mai maw!
Next Cech chu Next De Gea ani leh daih dawn nimo?? hmuh a chakawm tawh hle mai