Trophy 4 lai chawi thei tur season tawpa eng trophy mah chawi ta lo Arsenal chuan an team siamthat a ngaihzia an hria. Arsene Wenger pawhin sum inhman a inhuam thu a sawi. Transfer hun hawn anih veleh player lut pakhat chiah a awm laiin player pakhat chhuak a awm tawh a. Luh aiin chhuah an sam zawk a ang. Gael Clichy in Manchester City lam a pan hnuin tukin zing The Sun leh Daily Mail chanchinbu ah te Samir Nasri in Clichy chu a zui ve dawn tiin ziah ani!! Cesc Fabregas chu a chhuak ngei dawna rin laiin contract pawtsei duhlo te chu an chhuak zel dawn niin a lang. The Sun in a sawi dan chuan Nasri hian kar khatah 150,000 pound a hlawh dawn niin an ziak. Manchester City hian 19-20 million pound vel Arsenal a pe dawn tihna a ni.

Arsenal ah hian contract thar ziak an awmlaiin ziaklo an awm nual a. Chelh reng ai chuan an hlutna a san laia hralh mai an remti ta zawk a ang. Official website ah tichianglo mahse chanchinbu tam tak te hi an che rang thei hle a. Thudik erawh hriat a la har naa a chhuah chu a rinawm tawh khawp mai. Arsenal hian an kum 125 na tur an lawmnaah hian player te an insiksawi nasa dawn niin a lang ta hle. Hei hi a club tan chhiatna nge thatna ni thei ang?