Chhum zing karah BVT-in Chanmari West hneh – Rooney Opa

Estimated read time 3 min read

bethlehem-vt-1-0-chanmari-west
Mizoram Premier League Season 5 hmahruaitu ni leh turin Bethlehem Vengthlangin October 27 tlai inkhelah Lalnunmawia goal hmangin Chanmari West FC chu 1-0 in an hneh.

Chhum zing vangin inkhelh lai lai chawlh a ni a, zan lama Ramhlun North leh Aizawl FC inkhel phei chu chhum zin vangin second half khelh zawh theih a ni lo. Ocotber 29 tlaiah MPL kaithar leh I League club hi an khel chhunzawm dawn a, zanin bikah erawh Ramhlun North-in foreigner striker Onyeama Francis hmangin si khat hmangin hma an hruai mek.

Goal khungtu Mawitea
Chanmari West leh Bethlehem Vengthlang inkhel hi mi tam takin an nghahhlelh niin inkhel hmuhnawm tak tura beisei a ni a, rin ang ngei ngeiin tan atangin game a tangin a hmuhnawm hle. Team pahnihte an innawr tawkin goal hlauhawm kan hmu nual a, minute 24-naa Chanmari West tana Reuben Zosangpuia freekick pet chu mipui au tir hmasa bertu a ni.

Hemi hnu lawk hian BVT tan H. Lalhlimpuia chuan tha taka petin Chanmari West lamin an lo dang per hman hlauh a, goal-ah a lut lo hlauh. A hnu lawkah Chanmari West tan Lalmuanzuala chuan R. Laldanmawia tan pass tha tak a pe a, MPL1 best player shot chu a goal dawn emaw tih hnuah post pawn lamah a kal hlauh.

BVT lam hian an nawr chhunzawm zel a, Vanlalzuaia Hnamte chuan an box chhunga cross tha rawn lut chu a clear thei lo a, Mawitea chuan tha taka la in a ke vei lamin mawi takin a pet lut. Goal a luh hnuah Lalbiakhlua chuan Chanmari West tan goal ban a pet per a, mual lehlamah Lalhlima freekick a hlauhawm leh hle bawk.

Chanmari West an khel tha a, goal hlauhawm tak tak pawh an ngahin an vanneih ni nise chuan goal li lai pawh an thun thei ngei ang. Hemi tichiang tur hian Dampuia freekick hlauhawm chu BVT keeper Malsawmdawngzela tan buaina tham a tling a, Muanzuala pawhin a tauh lut teuh hle. Hemi hnu lawk hian Dampuia’n goal ban a pet per a; BVT goalkeeper tihsual zarah Lallianzama’n ball chang fuhin Dampuia a pe nghal a, mah se West Warrior captain vanneih ni a ni lo.

Minute 70-naah BVT tan Mawitea chuan shot hlauhawm tak a nei a, minute 72-naah chhum zin vanga inkhel tihtawp niin a hma lawka PC Zosangliana tauh, Mawitea’n a lo tauh luh, offside vanga an pawm lohte chu an ui ngei ang.

Chhum zing a kian hnuah Chanmari West hian nawr viau mah se goal an thun thei si lo a, Bethlehem Vengthlangin point thum hlu tak an hlawh chhuak ta a ni.

ZoFooty Statistics:
Bethlehem VT 1 – 0 Chanmari West
BVT : Lalnunmawia 33′
MoM : Lalnunmawia, BVT
42% Ball Possession 58%
16 Shots 23
6 On Target 7
2 Yellow Cards 0
0 Red Cards 0
Powered by Rainbow Multibrand Mobile Showroom.

Tute nge khel?
Bethlehem Vengthlang : Malsawmdawngzela, R. Lalrinsanga, H. Lalhlimpuia, K.Lalmalsawma, Zosangkima, Lalrintluanga, Lalmawizuala, PC Zosangliana, PC Laldinpuia, Lalnunmawia, Lalzatluanga.
Subs: Lalmuansanga, Lalnghinglova, Lalrammuanpuia, Hmingthanmawia, PC Laltlanhlua, Joel Lalmuanpuia, Lalvenkima.
Chanmari West FC: Lalruatpuia, Racy K Lalremmawia, Vanlalzuia Hnamte, Toky Zomuanpuia, K. Lalnunzama, K. Lalnunzama, Lalbiakhlua, Lalmuanzuala, R. Laldanmawia, Laldampuia, H. Lallianzama, Reuben Zosangpuia.
Subs: Lalmalsawma Hmar, Calvin Zosiamliana, JH Lallawmkima, Lalmuansanga, R. Lalremruata, Ramengmawia, PC Lalawmpuia, Lalnunfela.

You May Also Like

More From Author

4Comments

Add yours

+ Leave a Comment