Chris Smallinga’n Euro 2012 a khel thei dawn lo.

Europe ram hrang hrang players ten Euro 2012 a mahni ram tana khel thei nih tumin theih tawp an chhuah mek zel a, thenkhat erawh inhliam vangin an khel thei dawn lo tih kan hriat belh zel mai. Thawhlehni kal ta khan inhliam vangin Spanish defender Carles Puyol chu Spain ram tan a khel thei dawn lo tih kan hre tawh a, inhliam vang bawkin  Manchester United leh England defender Christ Smalling chu England tan a inlan thei dawn ta lo.

England Manager thar Roy Hodgsona chuan Euro 2012-a ram tana khel tur ala puang lo a, tun thla ni 16 hian England ram tana  khel turte hi a puang dawn chauh a ni. Hodgson hian defender tute nge a thlan ang tih an inrin siak mek a, hetih lai hian tun season Premier League a Manchester United tana khel tha tak, mi tam takin Hodgson-a hian squad tur puang pawh nise, England team a tel ngei tura an ngaih kum 22 mi, Chris Smalling erawh a kap(thal) lam inhliam avangin a hmel kan hmu thei dawn ta lo. Vawiin khan Manchester United Manager Sir Alex Ferguson chuan,”Vanduaithlak takin Chris hian a kap lamah hliam a tuar tlat mai a, tunah hian a dinhmun kan enfiah mek a, mahse a hliam hi a na hle niin a lang a, Euro 2012 pawh a khel thei lo ang.” tiin thuchhuah a siam a ni.

Mi tam takin England Squad a tel ngei tura an ngaih, Chris Smalling a tel theih dawn si loh chuan England Manager Roy Hodgson hian defender tute nge a thlan ang tih mi tam takin an ngaihven thar zel a, he tih lai hian Chelsea Defender John Terry leh Rio Ferdinand te pawh an hming a la lang lian hle a, amaherawhchu an pahnih hian Roy Hodgson hian a thlang kher lo ang tih hi mitam tak ngaih dan a ni mek bawk a, pakhat zawk zawk hi chu a telh loh mai an ring hle. England defender, squad a tel thei tur a  zingah Manchester United a Chris Smalling khelhpui, Phil Jones te, Phil Jagielka, Gary Cahill leh Joleon Lescott te pawh an hming a langsar hle.

Kum 22 chauh a upa, Chris Smalling hi a vawikhat nan September ni 2, 2011 khan England leh Bulgaria ten Euro 2012 qualifier an khelh dawnin  senior team-ah koh a ni a, ram tan la khel tam lo mah se, premier league lamah Manchester United tan a khelh that em avangin mi tam takin tun kum Euro 2012 pawh hian England tan a khelh leh ngei an beisei a, amaherawhchu a hmel kan hmu thei dawn ta lo a ni.

 

7 thoughts on “Chris Smallinga’n Euro 2012 a khel thei dawn lo.

  1. Cleverley VRT

    Terry ai fe chuan Rio tha zawk, Terry te ang racist ho hi chu kei chuan ka hmu peih vak lo khawp mai.

  2. Lalthanzama Vanchhawng

    A va pawi ve aw..SPortsmen te hi chuan inhliam an hlau ber a, an hlauh ber an tawn hi chuan an career thlengn a khawihpawi thei tlat ! Expi neih nan squad ah hian awm se tha sin le. Good post

  3. Lalte langel

    Smalling hi dam tra pawh nise England tana a khelhphak ka ring hlawl lo, Terry, Cahil, Ferdinand etc..a ma ai a tra leh experience ngah duh thlan tur an la tam em mai…

  4. Xavi fanai

    An nghahfak ve majore tournament dwna an han inhliam tlat zel hi cu aw..mahse,united player ani hlauh a,a zia tak ala wm e..cuan,rio ai cuan terry kwng egkimah ala tha zwk..

Leave a Reply

Chris Smallinga’n Euro 2012 a khel thei dawn lo.

Europe ram hrang hrang players ten Euro 2012 a mahni ram tana khel thei nih tumin theih tawp an chhuah mek zel a, thenkhat erawh inhliam vangin an khel thei dawn lo tih kan hriat belh zel mai. Thawhlehni kal ta khan inhliam vangin Spanish defender Carles Puyol chu Spain ram tan a khel thei dawn lo tih kan hre tawh a, inhliam vang bawkin  Manchester United leh England defender Christ Smalling chu England tan a inlan thei dawn ta lo.

England Manager thar Roy Hodgsona chuan Euro 2012-a ram tana khel tur ala puang lo a, tun thla ni 16 hian England ram tana  khel turte hi a puang dawn chauh a ni. Hodgson hian defender tute nge a thlan ang tih an inrin siak mek a, hetih lai hian tun season Premier League a Manchester United tana khel tha tak, mi tam takin Hodgson-a hian squad tur puang pawh nise, England team a tel ngei tura an ngaih kum 22 mi, Chris Smalling erawh a kap(thal) lam inhliam avangin a hmel kan hmu thei dawn ta lo. Vawiin khan Manchester United Manager Sir Alex Ferguson chuan,”Vanduaithlak takin Chris hian a kap lamah hliam a tuar tlat mai a, tunah hian a dinhmun kan enfiah mek a, mahse a hliam hi a na hle niin a lang a, Euro 2012 pawh a khel thei lo ang.” tiin thuchhuah a siam a ni.

Mi tam takin England Squad a tel ngei tura an ngaih, Chris Smalling a tel theih dawn si loh chuan England Manager Roy Hodgson hian defender tute nge a thlan ang tih mi tam takin an ngaihven thar zel a, he tih lai hian Chelsea Defender John Terry leh Rio Ferdinand te pawh an hming a la lang lian hle a, amaherawhchu an pahnih hian Roy Hodgson hian a thlang kher lo ang tih hi mitam tak ngaih dan a ni mek bawk a, pakhat zawk zawk hi chu a telh loh mai an ring hle. England defender, squad a tel thei tur a  zingah Manchester United a Chris Smalling khelhpui, Phil Jones te, Phil Jagielka, Gary Cahill leh Joleon Lescott te pawh an hming a langsar hle.

Kum 22 chauh a upa, Chris Smalling hi a vawikhat nan September ni 2, 2011 khan England leh Bulgaria ten Euro 2012 qualifier an khelh dawnin  senior team-ah koh a ni a, ram tan la khel tam lo mah se, premier league lamah Manchester United tan a khelh that em avangin mi tam takin tun kum Euro 2012 pawh hian England tan a khelh leh ngei an beisei a, amaherawhchu a hmel kan hmu thei dawn ta lo a ni.

 

Leave a Reply