India coach Savio Medeira chuan Indian football hi ram dang ngaihtuah chuan a la hniam hle a. Kawng engkimah hma kan sawn a pawimawh a, kan system hi kan thlak a ngai a ni tiin a sawi.
Coach chuan “Premier League Soccer (PLS) -ah tikhawp hian sum a tam a, heng sum leh pai zozai te hi ram pum huap hmasawn nan hmang ta zawk ila kan tangkai pui zawk ngei ang le. Tin, Vaibelchhe tam taka foreign player – Crespo, Cannavaro te lei ai chuan heng pawisa te hian ramchhung football promote ni ta zawk se kan thatpui zawk ang” tiin a sawi.
“A hmasa berah chuan Infrastructure leh facilities tha kan mamawh a, hetiang ang PLS thleng thei tur hian kan nei tha tawk em tih hi en a ngai a. Infrastructure leh facilities lamah hma kan sawn phah dawn em tih hi zawhna pawimawh tak a ni bawk. Tin, team tinte hian academy an nei tur a ni tih a ni a, hei hi a dik anih erawh chuan hmasawnna chu a awm ka ring a ni” a ti.
“Coach education-a bul tan hi a pawimawh hle in ka hria. Coach te hian players te hnenah zirtirna dik leh tha an pek a pawimawh a. A ler atanga thuai ringawt lovin, a bul atanga tan hi a pawimawh a ni. I-League club te’n youth academy an nei ringawt hi a tawk lova, nu leh pa te’n an fa te inkhel an rawn en theih nan inzawmna tha leh nghet an neih a pawimawh bawk a ni” a ti a.
Coach chuan I-League khelhdan chu a sawisel a, players te an hah lutuk niin a sawi a. Hemi chungchang hi chu Technical director, Rob Baan hian a la ennawn leh ngeiin ka ring a ti thung.
Tunah hian India team chu March ni 8-a Kathmandu-a tan tur AFC Challenge Cup atan a inpuahchah mek a, India hian tunthla ni 23 hian Muscat-ah Oman nen friendly match an khel dawn a. Ni 27-ah Azerbaijan nen Dubai-ah an inkhel leh thung dawn a ni. Omanhi FIFA ranking-ah 90 na a ni a, Azerbaijan erawh 111-na a ni. India erawh 158-na a ni thung. He friendly match hian nasa takin Challenge Cup an khelh turah hian a puih rin a ni.
Kan ziah fo tawh angin Jeje-a chu a inhliam avangin a tel thei dawn lova, Didika erawh a tel ang. Hei vang hian coach pawh hi a rilru a buai hle a. SAFF Championship final-a goal khat thun ve tu Sushil Singh hi United Sikkim atanga Lajong zawm thar a ni a, Manandeep Singh lah Air India-ah bench-ah a thu tlangpui a. C.S Sabeeth lah hian club tan goal a thun thei bawk si lova, Joaquim Abranches pawh hi a form bawk si lova.
Hei vang hian tu hi nge Chhetri-a’n a dinpui ang tihah hian coach pawh a la buai hle a ni. Coach chuan “Jeje-a awm lo tur hi kan tuar dawn a, a thlaktu tur hi kan nei zo meuh lo a ni. I-League ah lah hian striker tha te hi chu foreigner an ni tlangpui si a, hei hian Indian football hi hma min sawn tir thei lo thin a ni” a ti bawk.
Enge i ngaih ve dan le?
where to buy cialis
buy cialis online
Mail order viagra
viagra online us
@malsawmtluanga : hehe ..iti lawmawm thin e..
@ Lalthanzama, tlangnuam veng sikul pawha kan u nge nge,min chhanga ka lawm lutuk e…:)
a saw dik khop ang le. Jeje inhliam a poi khawp mai. mahse India 1st 11 ah a hmun a sawh nghet ve tawh eawh chu a thlamuan thlak khop mai. A dam leh vat2 beisei phawt ang
“A thlak tu tur an awm meuh lo ani” tih laite khi super like…
@malsawmtluanga : tuaitea hi tunah hian MUmbai ah a awm a, MUMBAI FC tan a khel mek e..
#7 tuaitea sawi takah chuan kha pa kha tunah khawnge a awm ve a, enge a chanchin ni ta zel?
Medeira thusawi khi dik ka ti khop mai.. PLS chungchang a sawi phy khi chu kalo ngaihdan chiah a ni. I-Leaque ah hian sum a tam phot a ngai a ni. Jeje-a thlaktu tur an awm meuhlo a ni a tih lai tak khian ka Mizo hmulthi hi a rawn ding suau mai kati…
Tuaitea te kha tlem lai deuh kha chuan a promising ve viau thin asin mawle…han in tuia thar leh deuh se chu ideal replacement atan a iaawm miah lo tur. Jerry pawh hi a reh ta hle mai.
Manandeep Singh lah hi sa ti tha tul ringawt.. Joaquim hi midfield (wing) ah awm se, Didika Striker se la ka ring zawk daih.. Didika leh Jeje te hi chu ka hnam pui nilo mahse tha ka tih hrim hrim tur an ni..
@ bena : chu2 lawm, Sabeeth hi khel tam ve si, pet goal thei lo ania, a hahthlak tlat..Jeje-a kan mamawh a ni e..
Sushil Singh hi Mahindra United a a khelh lai khan ka beisei sang ru ve viau a. Mahse, a nawi ta tlat mai. Sabeeth lah hi a khelh tam ang huin scoresheet ah a hming a alang khat em em si a..
@ ben : thanks.. NIa, he coach hi India hian kan thatpuiin ka ring tlat a ni.. Striker kan nei theuneu lutuk a, Jeje-a leh CHhetri bak kan nei lo a. Midang rintlak an awm lo..
@koptea : lawmawm tak a ni..
Hetianga coach te meuhin an ring hi lawmawm hle mai….
Coach hian a sawi tha bawk a, Post tha bawk. Jeje & Chhetri tih loh Indian striker te hi an nawi ru khawp mai..