Coaching staff thar hnuaiah Zo United chak lo – Rooney Opa

Zo United-in result tha duhin coaching staff an thlak a, amaherawchu team thlak danglam thei tur player an lak chuang loh avangin Chanmari FC lakah point an hlawh chhuak zo lo.

October 24 zan inkhelah Chanmari FC tan Malsawmfela leh R. Malsawmtluanga ten goal an khung a, Zo United tan substitute Isak Vanlalpeka’n injury time-ah goal khat a khung ve bawk. Lalsangzuala Hmar hote tan midfielder Lalrinchhana a tangkai a, Electric Veng tlangval hi man of the match a thlan a ni.

Inkhel chu
Zo United-in coach thar Remlalthlamuanpuia (Sabito) hnuaiah 3-4-3 formation an rawn hmang a, English Premier League lama Antonio Conte formation hman thiam formation hi Sabito-a’n a hlawhtlin pui teuh hle.

Chawlhlawk hmain Zo United an khel tha a, an formation mila an khelh theih bawk avangin Chanmari tlarhma an dang chat thei a, tactical battle hmuhnawm tak kan hmu. Chawlhlawk zawhah pawh Zo United an chetha zel a, Chanmari hi an draw thei mai dawn nia a lan hnuah penalty an chawi hlauh. Zo United tlarhnung innghahna Malsawma Chhangte chuan Fela Zote titlu in penalty a chawi a, hei hi Malsawmfela’n a thun.

Si an phurh hnuah Zo United-in nawr tumin an inbuatsaih a, an nawr luat tuar loin counter attack hmangin Zo United in an chhu let. Minute 85-ah midfielder Lalrinchhana ball tha tak a lakluh hnuah cross tha tak neiin Msa awlsam takin a khung. Zo United tan hun pek belhah substitute Isak chuan thun mah se goal dang khung leh turin hun a awm tawh lo.

ZoFooty Statistics:
Zo United FC 1-2 Chanmari FC
ZUFC : Isak Vanlalpeka 90’+3
CFC : Malsawmfela 60’ (P); R. Malsawmtluanga 85’
49% Ball Possession 51%
10 Shots 15
6 On Target 4
1 Yellow Cards 1
0 Red Cards 0
Powered by Rainbow Multibrand Mobile Showroom.

Tute nge khel?
Zo United: LK Lalhmangaihzuala, Hmingthanzauva, Lalnunpuia Pachuau, Malsawma Chhangte, Vanlalhmangaiha, Isak Vanlalpeka, Vanlalremsanga, H. Malsawmtluanga (KC Lalruatkima 70’), Lalnunsanga (Vanlalruata 86’), Jesse Laldinpuia (Laldinliana Varte 62’), Malsawmdawnga.
Subs:Lalvenghima, Joel Lalramtleisanga, Rohlupuia, Lalthazuala, Laldinliana Varte, Vanlalruata, Malsawmdawngliana, KC Lalruatkima, Chhanrinpianga.
Chanmari : MS Dawngliana, Ramfangzauva, Lalrinchhana Tochhawng, MS Dawngzela, C. Lalrosanga, Lalrinchhana, Vanlalbiaa Chhangte, Lalruatfela Zote (Rosangliana 89’), Rochhingpuia (R. Malsawmtluanga 73’), Malsawmfela, Lalrammawia (Lalmuanzova 55’).
Subs: F. Lalmuanawma, C. Vanlalhriatpuia, Lalmuanawma, Thasiama, R. Malsawmtluanga, Rosangliana, Lalmuanzova, Lalrinnunga Hnamte, Francis Rambeiseia.