Warning: include_once(/home/content/10/8095610/html/wp-content/plugins/wp-super-cache/wp-cache-phase1.php): failed to open stream: No such file or directory in /home/content/10/8095610/html/wp-content/advanced-cache.php on line 8

Warning: include_once(): Failed opening '/home/content/10/8095610/html/wp-content/plugins/wp-super-cache/wp-cache-phase1.php' for inclusion (include_path='.:/usr/local/php5_6/lib/php') in /home/content/10/8095610/html/wp-content/advanced-cache.php on line 8
Coca Cola leh Ronaldinho inkar titâwptu Pepsi – ZoFooty

Coca Cola leh Ronaldinho inkar titâwptu Pepsi

Brazilian footballer Ronaldinho chuan a club thar Atletico Mineiro a zawm tirhin chanchinthar lakhawmtute kawmna (press conference) a nei a, hetah hian Pepsi bur nen a inlan avangin amah sponsor tu Coca Cola chuan an inzawmna a tichat nghal. Ronaldinho hian thla hmasa mai khan Flamengo chhuahsanin Atletico Meneiro a zâwm a, Flamengo a chhuahsan chhan hi club in hlawh an pek ṭhat loh vangah puhin, dollar maktaduai 19.7 chawi turin a club hlui hi a khing nghe nghe a ni.

Press conference-a Pepsi bur nen a inlan hnu lawk hian Coca-Cola Brasil chuan thuchhuah an siam nghal a, Ronaldinho chu contract inremna bawhchhia-ah puhin, sponsorship hi an titawp nghal a ni. Coca-Cola leh Ronaldinho inremna hi kumkhatah $737,400 a ni a, 2014 World Cup thleng thawkdun tura contract an ziah chu a tâwp an thlenpui loh tur thu an puang. Coca-Cola hi a thiam zawk an nih avangin contract tihtawp man fine engmah pek a ngai dawn lo a, Ronaldinho hi a mai par thlawn tawp mai dawn a ni.

A kaikuang chu Ronaldinho tho

Khawvela footballer ṭha ber lo ni tawh ṭhin Ronaldinho hi a vanduai ve reng reng a tih theih. Atletico Mineiro club drinks sponsor tu hi Pepsi a ni a, press conference a Pepsi bur tlemte hûn lan leh lan loh hi Ronaldinho thu a ni kher lo maithei. Engpawhnise, Pepsi leh Coca-Cola hi company inel leh inhal ve tak an nih avangin Coca-Cola hotute tân chuan thinurthlak tak a ni dawn hrim hrim a, tunhnaiah ‘Dinho hi a lo che chhe tluang bawk nen, contract an tihtawpsak a ni hi âwm lo lutuk pawh a ni lo e.

Coca-Cola hian ‘Pepsi case’ hi Ronaldinho contract an tihtawp chhan ber a ni lo a, tunhnaia thil thleng duhawm lo tak tak vanga titâwp an nih thu an puang zui nghal a. Football field chhungah a che ropui lo a, field pawnah phei chuan a chhe lailet der a ni ber. Brazil football club zinga fans ngah ber Flamengo a chhuahsan a, a chhuahsan satliah mai ni lovin court ah a khing zui a. Hei hian Flamengo fans te leh ‘Dinho inkar a tichhe hneh hle tura ngaih a ni. Hemi hnu hian team hotel-a hmeichhia a hruai lai video chu Flamengo in an ‘release’ a, November 2011 khan a tisa châkna hrithla lai, webcam-a a lak chu a darh chiam tawh bawk. Coca-Cola hotute hian heng zawng zawng hi an hre ve kar ang a, contract tihtâwp an hreh dawn loh tehlul nen, Pepsi nen kher kher camera hma-ah a lang leh bawk si a, a hun hmaa contract tihtawp nan hei lo liama hun rangkachak a awm awm lo e.

 

 

8 thoughts on “Coca Cola leh Ronaldinho inkar titâwptu Pepsi

  1. @zara:ava rual thawih2 tak ve mle,athiam in ahmuhnwm em ani tiraw hepa hi chu,ka trianpa hyan futbol i tuizia leh in unaua inveng tana in thwhhlwk theihzia te aswi thina,chutiang mi nena kn thiam tih a inang ringwt pwh nuam kati veng2 maia,k’n ti leh duah

  2. Ka chunga mi laipuichhuanga nen khian kan comment rual. Thiam chu kan tih dun hmel asin 🙂

  3. Ronaldinho chu ava che chhe ve le. He pa hi ka lo ngaisang a ni ang, a hming chuanna jersey pahnih ka nei hman. Eng ang pawn hming hliau mahse thiam chu ka la ti reng mai.

Leave a Reply

Or

Coca Cola leh Ronaldinho inkar titâwptu Pepsi

Brazilian footballer Ronaldinho chuan a club thar Atletico Mineiro a zawm tirhin chanchinthar lakhawmtute kawmna (press conference) a nei a, hetah hian Pepsi bur nen a inlan avangin amah sponsor tu Coca Cola chuan an inzawmna a tichat nghal. Ronaldinho hian thla hmasa mai khan Flamengo chhuahsanin Atletico Meneiro a zâwm a, Flamengo a chhuahsan chhan hi club in hlawh an pek ?hat loh vangah puhin, dollar maktaduai 19.7 chawi turin a club hlui hi a khing nghe nghe a ni.

Press conference-a Pepsi bur nen a inlan hnu lawk hian Coca-Cola Brasil chuan thuchhuah an siam nghal a, Ronaldinho chu contract inremna bawhchhia-ah puhin, sponsorship hi an titawp nghal a ni. Coca-Cola leh Ronaldinho inremna hi kumkhatah $737,400 a ni a, 2014 World Cup thleng thawkdun tura contract an ziah chu a tâwp an thlenpui loh tur thu an puang. Coca-Cola hi a thiam zawk an nih avangin contract tihtawp man fine engmah pek a ngai dawn lo a, Ronaldinho hi a mai par thlawn tawp mai dawn a ni.

A kaikuang chu Ronaldinho tho

Khawvela footballer ?ha ber lo ni tawh ?hin Ronaldinho hi a vanduai ve reng reng a tih theih. Atletico Mineiro club drinks sponsor tu hi Pepsi a ni a, press conference a Pepsi bur tlemte hûn lan leh lan loh hi Ronaldinho thu a ni kher lo maithei. Engpawhnise, Pepsi leh Coca-Cola hi company inel leh inhal ve tak an nih avangin Coca-Cola hotute tân chuan thinurthlak tak a ni dawn hrim hrim a, tunhnaiah ‘Dinho hi a lo che chhe tluang bawk nen, contract an tihtawpsak a ni hi âwm lo lutuk pawh a ni lo e.

Coca-Cola hian ‘Pepsi case’ hi Ronaldinho contract an tihtawp chhan ber a ni lo a, tunhnaia thil thleng duhawm lo tak tak vanga titâwp an nih thu an puang zui nghal a. Football field chhungah a che ropui lo a, field pawnah phei chuan a chhe lailet der a ni ber. Brazil football club zinga fans ngah ber Flamengo a chhuahsan a, a chhuahsan satliah mai ni lovin court ah a khing zui a. Hei hian Flamengo fans te leh ‘Dinho inkar a tichhe hneh hle tura ngaih a ni. Hemi hnu hian team hotel-a hmeichhia a hruai lai video chu Flamengo in an ‘release’ a, November 2011 khan a tisa châkna hrithla lai, webcam-a a lak chu a darh chiam tawh bawk. Coca-Cola hotute hian heng zawng zawng hi an hre ve kar ang a, contract tihtâwp an hreh dawn loh tehlul nen, Pepsi nen kher kher camera hma-ah a lang leh bawk si a, a hun hmaa contract tihtawp nan hei lo liama hun rangkachak a awm awm lo e.

 

 

Leave a Reply

Or