South American player te hi European club tam tak te innghahna an ni.Tun tournament ah pawh hian player hlu tak tak an awm a.Han thlir teh ang..

Goalkeeper ah chuan Brazil goalkeeper Julio Cesar hi khawvela goal vengtu tha ber zingah a lang ngei ang.He Inter Milan goalkeeper hi a man a to mai nilovin a hlu ber awm e.

Defender zingah Brazilian an thahnem a.Tunhnaia Chelsea in manto taka an lei David Luiz te, AC Milan defender Thiago Silva te,FC Barcelona full back lar tak Dani Alves te hi an hlu hle awm e.Left back ah chuan Peru leh Fiorentina player Juan Vargas hi a hlut ber a rinawm.

Midfield lamah chuan Argentine in ro an rel a.FC Barcelona player Javier Mascherano leh Lionel Messi te hi an hlu hle ang.Tunlaia midfielder tha leh club lian in an inchuh Javier Pastore leh Alexis Sanchez te hi an hlu hle bawk.

Forward lamah Brazilian star, Santos striker Neymar hi tunlaiah chuan a hming hi a lar hle a.He tournament ah pawh hian beiseina an pe sang bik hle. A dang leh chu Argentine striker Kun Aguero, Atletico Madrid tana khel hi a ni thei ang.Maradona makpa Aguero hi tunhnaiah club lian in an inchuh nasa hle tih chu kan hre lar hle ang.