Copa America boruak a hot chho zel a tukin zing khan Group C ho inkhel match hnuhnung ber ah Uruguay chuan Mexico chu 1-0 in an hneh a Quarter Final an thleng ta.Alvaro Pereira chuan min 14 ah goal awm chhun a pet goal a, hei hi an chakpui ta a ni. An Group ah hian Chile in Peru 1-0 in an lo hneh tawh avang in Chile hian point sangber an hmu a, an Group ah hma an hruai a, Uruguay hian an dawt a Group A runner up Argentina nen quarter final ah an in tum dawn ta a ni.

Argentina leh Uruguay te hi team beisei awm tak mahse a tir ah che tha lo ve ve Draw vawi hnih nei a,vawi khat chak ve ve an ni a, player tha tak tak Europe khawmualpui a khel nei tam ve ve an nih avangin an ram pawh in an beiseina a sang dun ve ve hle a, an ni pahnih in tum tur hian ngaihven a hlawh nghal hle.

Diego Forlan nge ropui ang Gonzalo Higuain?, Messi ropuina in a ram a chhandam ang em? Liverpool striker tha Luis Suarez hian enge a ram tan a tih leh dawn, World Cup ah Zero to Hero a lo ni tawh,Goal line ah a kut in a beng chhuak a,mahse a ram semi final thlenpui na save a ni daih!! chu ai chuan a pet goal theihna leh a chak zia hi an sawi nasa tawh zawk bawk si!!

Naktuk zingah Brazil leh Bolivia in tum tur pawh hi hmuhnawm tak tur a ni Brazil hi an chakloh chuan tla thei dinhmun ah an awm ve tlat mai a, South American team lian Argentina leh Uruguay te an lo tlang tawh avangin tla bik nih an hreh dawn a match hmuhnawm tak a ni nge ang.

Group Standing hre chiang duh tah hetah hian a link : Copa America 2011