Copa America Quarter Final match hnuhnung zawk pahnih te chu nizan khan khelh zawh a ni a, Brazil in Paraguay penalty shootout ah an hneh lo a, Brazil player pali rawn pen chhuak ten an pet goal lo vek!!! Chak tur a rinkai zawk Chile in Venezuala hnehlo in an tla bawk.
Brazil vs Paraguay :
Brazil tlak dan a na a, inkhel i en a Brazil fans i nih chuan thinrim tak in i mu ngei ang, Brazil i tan lem loh erawh chuan i nui ver ver thung ang!! La Plata khelmual a Quarter Final match 3- na inkhel ah Brazil leh Paraguay te hun pangngai ah goal awmlo in an inhneh tawk a, penalty shoot out hmang a chakzawk zawn na ah Brazil player tha Elano,Silva,Santos leh Fred ten goal an khung lo vek a, an chak loh pui ta a ni!! Game ah pawh Brazil hian an hneh hle a, an pet goal thei lo an tuar ta a ni, Pato in box chhung ah a lak luh Paraguay keeper Villar in vawi hnih a ke a alo pet chhuah te, Goal line ah Paraguay defender in a lo head chhuah te, save ropui tak tak hmang in Paraguay hi an vannei ta zawk a ni. An goal keeper Villar in a chhandam ti ila kan sawisual lovang. Villar hi nikum World Cup ah Spain nen an in tum tum a Xabi Alonso penalty lo save tawh tu ngat kha a ni.
Game boruak pawh a tang hle min 102′ na ah Lucas leh Alcaraz te chu intihbuai avangin hnawhchhuah ve ve an ni a, hei a tam player involve ah hian an ni pahnih chiah hnawhchhuah an ni mah mah!!! Brazil ho in an chance tamtak an hluah kha chu an ui ngei ang, mahse football ah chuan a pet goal tam tam chak a nih avangin a pet goal tlem zawk Brazil an tla ta a ni!!! Paraguay hi Capa America dan thar team 12 an tel theih hnu kum 13 hnuah semi final an kai vawikhatna a ni.
Chile vs Venezuala :
Alexis Sanchez awmna Chile hi team chhia an nilo Venezuala chu hneh tur a ngaih an ni, mahse 2-1 in an hneh tlat lo!! Venezuala hian a vawikhatna atan Copa America semi final an kai ve ta. San Juan khelmual a inkhel ah Chile hian game an control tluan a, mahse an chak zo lo!! Oswaldo Vizcarrondo chuan min 34 na free kick atang a ball lokal chu nalh zet in Venezuala tan a head goal a, fist half a tawp chhunzawm nghal a. 2nd half ah Chile an rawn tang nghal a, an ball bawh a na thei hle, Cross bar ah vawi hnih chiang tawk tawk in an pet per dawp dawp a, gaol ber an khung thei lo.!! Humberto Suazo Chile no 9 chuan a min 69′ ah a pet goal a, Chile in an nawr chhunzawm nghal a, Goal line ah defender in vawi hnih an head chuah te chance tha tak tak an miss te chu a uihawm thei hle, min 80 ah Venezuala lam in Free kick an hmu a, Chile goal keeper a chesual a, a ball ben per lo kir leh chu Gabriel Cichero chuan a lo pet lut a, hei goal ho an chakpui ta ni.
Semi Final Fixture :
Paraguay vs Venezuala 21.07.2011 (6:15 am IST Neo Sport)
cialis 5mg
cialis 20mg
cialis 20mg
is cialis generic
Canadian generic viagra
Buy viagra low price
Brazil tla chu ka thinrim khawp mai,.an champ hnuhnung bertum kha ka enve sinle..Ronaldo,Ronaldinho,Adriano te hunlai va ngaihwm ve male…
Ka chiang ta uarh e.
Aw… News item atan ka hmang mawle…
@17.. engtizawngin?
Doordarshan News-ah ka hmang xanin khan. :-p
Uruguay an champ ava rinOm tave…
Brazil an tla ve chu Argentina tantute tan chuan thil pawilo tak a ni. Mahse Copa America boruak chu a tlak hniam phah sawtin ka ring. Eng tournament-ah pawh team lian leh rinkai an tlak hma hi chuan a ho duh deuh a lawm tiruuu!!!
pasaawng in ti kha, football hi i tui vaklo ni in a lang tlat.kei chuan final hi ka hmaih leh hauh loang .Pathianzara ka dam a nih chuan
rameng i ring sual chiang ti raw.nang ai in saplianbuanga pon a hre toh zawk
kei chu brazil an nih a vang a chak turah ka dah ngailo.game a nih ka hrechiang ve tlat. ronaldo te hunlai ang reng turah dah suh u
Brazil an rawn tla ve hlauh chu Argentina fans tan a van lungchhiat thlak loh tak em!!! Final entu erawh mizo chu kan tlem phah kan ring ringawt a!
A hman hman lo champ tawh mai teh se.Ka tan ve ber te an tlak tawh si chuan Uruguay hi an champ kan rin ve tlat chu…..
ka tan ber Uruguay an la awm guay guay tho e :).. Suarez ti truah hum tawh mai ang.. 🙂
A va mak mawlh mawlh ve mawle..tunge ka tan tak ang le?
brazil chhuanlam an field kha, chhuanlam tling ani reng em???? enge kan ngaihdan? 😀
Brazil tla chu ka ui kher mai, champion tura rin lohin trophy an chawi daih dawn a ni maw!!
Chile an va uihawm em ve le! Argentina an tlak toh rau2 chuan Chile hi champ si ka lo tih ve nen…
rinlok ang a nih lohna hian football ropuina a tilang kher in ka hre lo keichuan, ka lo sawi ve mai2.. a ropui na chu khawvel mihring INANGLO heti zatin in hmuhnawm kan ti em2 mai hi a ni!!! ka ti ve deuh
Brazil in khatiang em em a penalty an pet thiamloh kha ka lo ring pha ngailo…shocking!!!
Football te chu a har vak lo. mahni lama si ban inkara pet luh tir miahlo a. lehlam si ban inkara va pet luh zeuh zeuh kha a ni mai a. hehe.. A(Arg), B(Brazil), C(Chile) an tla ta a. rin lawk ang chu a ni lo kher mai. football ropuina a ni e.
brazil tlak dan hian ka thin a tirim,zingah ka thawh veleh ka en a,engah mah khan min hnehlo asin mawle..het sala