Barcelona chu Copa del Rey champion ngun ber an ni ta.
Zirtawpni zanrei-a Copa del Rey final khelhah Barcelona chuan Pedro goal hnih leh Lionel Messi goal khat hmangin Athletic Bilbao chu 3-0 in an sawp a, a vawi 26 na atân Copa del Rey champion an ni a, he competition-a vawi 26 champion thei awmchhun an ni. Athletic Bilbao hi vawi 23 an champion tawh thung.
Pep: 14 and out
He inkhel hi Pep Guardiola enkawlna hnuaia Barcelona game hnuhnung ber a ni rih dawn a, inkhelh ṭan hmain Barca players ten an manager tân he inkhel hi an hlan. Athletic Bilbao coach Marcelo Bielsa pawhin Pep chu manager ropui a nih thu leh, manager zinga a zah ber pawl a nih thu a sawichhuak bawk.
Guardiola hian Barcelona hi kum 4 chhung a enkawl hman a, hetih chhung hian trophy 14 tehmeuh a lakpui a ni. Champions League 2 leh La Liga title 3 a lak te hi a ropui zual an ni awm e. Barcelona chu khawvela football team ṭha berah a chher chho a tih loh theih loh a, tunhnai kum 4 chhunga club football awpbettu chu Pep Guardiola team hi a ni.
Team Line-ups:
Barcelona: Pinto; Montoya, Piqué, Mascherano, Adriano; Busquets, Xavi (Fabregas 81′), Iniesta; Pedro (Alcantara 87′), Alexis (Keita 71′), Messi.
Athletic Bilbao: Iraizoz; Iraola, Ekiza, Amorebieta, Aurtenetxe; Javi Martínez, De Marcos (Ander 46′), Muniain; Susaeta (Inigo Perez 46′), Llorente (Toquero 73′), Ibai.
A goal nghal e
Inkhel an ṭan a, minute 2 lek chhungin Barcelona in chance ṭha zet zet pahnih an ṭhelh nghal a, minute 3 na-a chance pathumna erawh goal ah an chantir. Barcelona corner aṭangin Bilbao penalty box chhungah ball per chu Pedro chuan nalh zetin a thun. Inkhel a rang a, players te an tlan tam a, hei vang hian lehlam lehlamin ‘space’ an ngah phah.
Athletic Bilbao players te thawkrim viau mahse Barca passing game a fuh laklawh tawh a, Xavi leh Iniesta ten midfield an thunun. Minute 16 ah Messi shot ṭha zet chu a aia ṭhain Bilbao keeper in a lo save a, mahse minute 20 ah thil a danglam ta. Iniesta through ball ṭha tak chu Messi chuan lo changin, a ke dinglam ‘ngat’ in a pet goal. Minute 25 ah Pedro chuang Barca goal thumna a thun leh a, first half pawh a zawh hmain chak tur a hriat deuh der tawh. Minute 26 ah Gerard Pique chuan penalty box chhungah Llorente a pawtthlu ngei niin a lang a, mahse referee-in penalty a pe lo.
First half-ah goal dang a luhbelh lo a, team pahnihten chance ‘ṭha’ tia han sawi tur an nei chhunzawm meuh lo.
Goal awm lohna second half
Rin ang ngeiin sithum phur zawk Athletic Bilbao in second half bul an ṭan ṭha a, rang tak tak ball inpekualin, Munian leh Inigo Perez te an langsar. Minute 51 ah Ander through ball umtu Ibai chuan Barca keeper nen chiah an inhmachawn tawh hnuin a pet out a, hei hi he match a Bilbao chance ṭha ber a ni. Hemi hnu hian Llorente chuan a head goal teuh viau bawk.
Athletic Bilbao game in hmasawn viau mahse Barcelona players te ball inpe kual vel a hmuhnawm a, Bilbao in goal an nawr vanga tlarhnunga awl awm hlekah an hlauhawm ṭhin viau. Lionel Messi a turu lehpek a, ṭumkhat chu Athletic Bilbao player 5 vel a bumtlang! A siphur zawk Bilbao in ball an chang tam hleithei lova, chance ṭha an siamchhuak thei bawk si lova, Barcelona chu Copa del Rey champion an ni leh ta.
Athletic Bilbao hian May 2006 hnulamah Barcelona hi an la hneh ngai lova, Zirtawpni zanah pawh an khan lo angreng viau.
Bilbao an teuh ral
Hmanni lawk kha chuan Athletic Bilbao hi Europe-a club tamtakte awh em em an ni. Europa League-ah final an lut a, Copa del Rey finalist an ni bawk. Mahse final chu an han khel ta a, Europa League-ah Atltico Madrid in 3-0 in an sawp a, Copa del Rey-ah pawh 3-0 thoin an chak lo. Final lut turin game ropui tak tak an khel a, a pawimawh ber final-ah an tlabuai leh tlat si a, teuh deuhin, ropui hmel deuhin an kâwt der mai. Muniain, Llorente, Javi Martínez leh player ṭha tak tak an nei a, hetichunga final-a an ‘nawi’ riau mai hi manager thiam loh a ni thei angem? Nge an tumpui Barcelona an nih vangin an lang ‘nawi’ mai mai kan ti dawn?
Barcelona season chhia?
Barcelona ṭan lotu ten he team hi a vanglai pel tawh niin an sawi ṭhin a, Guardiola a chhuah dawn avangin hnungtawlh mai tur niin an ngai. Mahse tun season-a Barcelona record hi han en ila: Copa del Rey champion an ni a, La Liga-ah pahnihna an ni a, Champions League semi-final an thleng bawk. Spanish Super Cup, Club World Cup leh European Super Cup te nen chhiar tel vek phei chuan trophy pali ngawt an la a ni. Team lian leh ropui nia inhria, hetiang dinhmuna ding pha lo tam tak an awm a, he record nei chunga hnungtawlh tih an nih chhan hi Barcelona ropui vang a ni. He team hi a tlachhe lova, Copa del Rey final-a an khelh dan en kha chuan season tharah hian Europe-a team ṭha ber an ni leh thei ang tih a chiang. David Villa a la inhliam mah mah.
A tawp berah chuan, Barca fans te lawm tikim lo tu chu Pep Guardiola chhuak tur hi a ni ngei ang. Kum 4 chhung Barcelona a enkawl chhungin official match 246 a khelhpui a, vawi 178 chakpuiin, vawi 47 an khingpuite nen an inhnehtawk a, vawi 21 chiah a chak loh pui a ni. Barcelona te anga player ṭha tamna-ah pawh, Guardiola record hi khum chu sawi loh, tluk a har ve tawh viau ang le.
where to buy cialis
price of cialis
viagra cialis
cialis canada
Buy cheap cialis online
Buy now cialis
@terema chhakchhuak: Aw a siambelh e.
Messi hian tunah hian Mario Gomez khan Champions league-ah khan goal a khung belh leh loh avang khan Champions league-a tum 4 a zawna top scorer ni thei hmasa ber record a siam ta tihna a ni maw??
C. Ronaldo
Lio Messi aia player ropui sawi tur hi an awm angem le’ amah hrechiang tu Pep Guardiola ngei pawn ‘player ka hmuh tawh ah a tha ber’ a ti tawp mai a nia!
DIk chiah, season chhia ka ti miah lo. CUp pawh an chawi nual tho mahse kan beisei san lutuk vang zawk a ni e. Good post
kan pu cu ava gaihwm dwn ve w
Guordiola hi chu a lo ropui ani(Barca fans ka ni lo nia Real fans ka nih hi). A luh tirh a Ronaldinho a han hralh chhuak ngawt mai kha manager dang tihngam loh tawp tur ni a, coaching experience pawh nei lo Barca te ang club ropui a han enkawl tirh khan ka han ring loh tehreng nen, mahse tun dinhmun hi a thlengpui miau sia.
Pep Guardiola Chelsea a luh chuan ka tan phah ve sawt ang…..Liverpool zawh ah.
an tla chhia an ti chung pawh hian UEFA club ranking thar berah chuan 1-na an la ni ania leh…club tla chhia ni lovin club tha ber an la nih zia nizan khan an proof leh ta ani..kumthat kum a awm a,kum chhiat kum a awm ang bawk hian an kumchhiat kuma thleng ve poh ni mai a,mahse heti chung hian trophy pali vel ngawt chu tun season ah an la la thei hian,kumdang pha lo lo mahse,tla chhia an nilo tih a chiang viauin ka hria…
Nia, nizan kha chu an khel ṭha khawp mai. Iniesta ball khalh han nalh bik zia hi awww..
Sorry! Matteo tih turah Mattea kan tih chu le.
Barca hi a tlachia a nilo a, an la tha lutuk tih nizanah an lantir leh kha. Mattea hi kan chhawrtlang lo a nih rau2 chuan, Guardiola hi Chelsea ah rawnlut se atha ang.
Post tha khawp mai… Guardiola chu a lo tha ni, a record reng hi a pui m mai..
Guardiola hian team dang a enkawl chuan hetiang em em in a hlawhtlin ka ring tawh lo.
Nizan game kha chu a hmuh nawm thlawt. Guardiola’n player leh staff te zawng zawng a kuah lai te kha a lungchhiat thlak tep a lawm. messi kha a kuah rei bik riau…heh.
Messi chuan Goal khat in a ropui belh leh. Vawi thum vel chu a PHIT leh a,a goal lo hlauh.