Kan sawi fo tawh angin Premier League a hmuhnawmna leh a danglam bik na chu club lian vak lo inkhel pawh hi club lian te inkhel ang thovin a hmuhnawm thin hi a ni. Totenham Hotspurs bik phei hi chu tun dinhmunah chuan Premier League ah chuan club lian ṭhenkhat aiin an dinhmun a ṭha zawk daih a, Arsenal leh Liverpool FC te dim lo taka paihthlatu annih na ah ringawt pawh khan, ‘club te,’ tia sawi chi an ni tawh lovin a hriat. Rafael Van Der Vaart leh Adebayor an neih atang ngat  phei hi chuan Fans ten café leh College velah titi an vawrh huai ta fu mai a, hneh theih loh ni hialin an inngai daih tawh! Chutih laiin UEFA Europa Leaque a vawkpui tual lena leng mek Fulham hian, “Sakeibaknei puk chhunga leng lut saza lâ him takin a chhuak leh ngai lo,” an ti ve tlat mai. Tunlai na na na chuan Dempsey, Johnson leh Zamora tluk a cheṭha an tam vak bik lo a tih theih. Engpawh nise, Pathianni zan hian ‘London Derby’ kan thlir leh dawn a, game ni phel phual chu kan thlir lo turah i lo ngai phawt mai teh ang.

Fulham FC : London a professional club upa ber Fulham hi cup an lak tawh chapo pui tur ngah vak lo mah se English Footballer ropui tak tak  Johnny Haynes, George Cohen, Bobby Robson, Rodney Marsh leh  Alan Mullery te an lo chher chhuak ve tawh a, hei hian club ‘mai mai’ an nih bik lohzia chu a ti chiang ve awm e. An players te kan han en thuak hi chuan club ropui tak an ni lo tih chu a chiang reng mai a, mahse, hmuhsit atan chuan an hraw mah mah leh tlat thung si. An tan chuan players nei tha tak Spurs ang te chu hneh an harsa khawp ang kan ti mai thei, mahse, Fulham hian Spurs chak lohna lai hi an hre fuh a game plan mumal tak an neih vaih chuan an sawp hrep lovang tih hi a sawi theih miah loh. Spurs game hnuhnung pahnih, Rovers leh QPR an khel tum khan kan hmu anga, goal humhim lamah ah Spurs hi an ṭha tawk lo tlat tih a lang! Game plan mumal tak an neih chuan awlsam takin an defence line hi an ṭhiat thei ang. An hma tawng te an chhe ngawih ngawih lo bawk a counter attack hlauhawm tak tak an nei thei a nih chuan goal an khung vak lovang tih a sawi theih loh.

Demsey, Zamora, Baird te ho attacking nat zia hi kan hre theuh anga, Tottenham hian an defence line an siamṭhat lohva attacking game an pawng khelh a nih vaih chuan ‘Chamatkar’ kan hmu lovang tih a sawi theih miah lo. Midfield laiah hian Fulham hi an chak tawk lo leh tlat ṭhin a heihi an chak lohna lai tak pawh a ni. Luca Modric, VDV leh Parker te hi Ramsey, Arteta, Adams, a te ho pawhin an dan zawh loh anni tih erawh an hriat ve ngei chu a ngai ang. Defence ah duh aiin Hangeland a overconfi’ mah mah ṭhin a, mahse Adebayor a dang bet tur chuan a ni lo chu an ṭha tawk lo thung ang. Fulham tana hneh theihna chance awm leh bawk chu position management hi niin ka hria. Demsey hian veilam kil atangin a rawn nawr dawn nge?? Duff zawk?? tih te, Ruiz hian khawia tangin nge nawr se hlauhawm zawk ang?? tih te hi an tactic hman theih dan tur chu a ni. Assou-Ekotto lam hi Walker a lam ai chuan a nem deuh mah mai thei a, hei hi advantages an neih na chu a ni ve ang.

 Tottenham Hotspurs: Fantasy Premier League khel ṭhin te zingah chuan Spurs player nei lo kan tam lo khawp in ka ring. Premier league mai pawh ni lo a world level pawhin an players te hi an zahpui zawm lo em em a, Kyle Walker leh Assou-Ekotto te an rawn khelh ṭhat chho takah phei hi chuan kiltin leh hmuntinah hian an chak tlâng vek a tih theih. Ram tân pawha ṭangkai tak tak leh ram innghahna players an kat nuk maia, hei hian fans te pawh a ti thlamuang hle a ni.

Arsenal an hneh tuma an game kha kan hmuh vek ang a, Arsenal aia an chungnun zawk na  chu : TLAN kha a ni. Tin, an speed a ṭhat mai bakah an zam a ṭha tlanga, an ṭangrual thiam a, an inman bawk a ni. Luca Modric leh Parker a te hi an chakna khawl an ni a, VDV a finishing class lutuk avang hian game tam takah free chance in siam thei lo mahse an lo chak phah tawh ṭhin a ni. Chutih laiin an game khelh dan nena in mil thei miah lo chu Adebayor hi a ni thung. Ani hi a game a cool a, a ti phut phut ve ngai lova hei hian VDV nen combination an neih that na turah harsatna a siam ti ila kan sawi sual awm love. Mahse, a bawp sei na na na chuan ṭangkaina a lo nei tam khawp mai.  VDV tello hian Spurs hi eng an anglo kanti fo thin a, a dikna lai pawh a awm reng a ni. VDV a hian goal ropui tak taka lo thun tawh thin a, Gareth Bale a leh Lennon a te tlanchakna hi a tan chuan malsawmna a ni.

Duh aiin ‘King’ a muang mah mah tawh a, Kaboul erawh a vanglai tak a ni. Kan sawi fo tawh angin centre back lai hi Spurs an chak tawklohna chu a ni. Fulham hi an hneh thei khawp mai a, a hnuaia ‘Stats’ khuan a ti fiah mai awm e. Spurs hian an game pangai anga an khel leh a nih ngat chuan chak lo zawk turah an dah theih loh.

LINEUPS PREDICTION :

Tottenham Hotspur Projected Lineup (4-4-1-1): Friedel; Assou-Ekotto, Kaboul, King, Walker; Bale, Modric, Parker, Lennon; van der Vaart; Adebayor

Fulham Projected Lineup (4-4-2): Schwarzer; Riise, Baird, Hangeland, Grygera; Dembele, Murphy, Sidwell, Dempsey; Ruiz, Zamora

Anni pahnih hi engvangin nge a bik liau liauva preview an siamsak le inti mai thei. Mahse, ka chhânna che u chu an game hi El Classico te, Manchester Derby, te aia a hmuhnawm lohna tur hi a awm chuang lo. Club inhal lutuk ni lo mah se derby a nih tawh hi chuan chak lo zawk a tan hi tu pawh hian an hreh vek tawh tih a ni. Tin, an game hi a ‘open’ leh ngei a rinawm a, goal kan hmuh zut zut a rinawm a ni. Tottenham ten players nei tha deuh zawk mah se, Fulham hian ‘Chamatkar’ game an rawn khel leh lovang tih a sawi theih loh thung a ni. Engpawh nise ka ngaihdan khi in ngaihdan a ni vek lo mai thei a, a bak chu comment lamah i sawi chhunzawm tawh mai ang u.

Prediction :  Fulham 1-3 Totenham Hotspurs