Warning: include_once(/home/content/10/8095610/html/wp-content/plugins/wp-super-cache/wp-cache-phase1.php): failed to open stream: No such file or directory in /home/content/10/8095610/html/wp-content/advanced-cache.php on line 8

Warning: include_once(): Failed opening '/home/content/10/8095610/html/wp-content/plugins/wp-super-cache/wp-cache-phase1.php' for inclusion (include_path='.:/usr/local/php5_6/lib/php') in /home/content/10/8095610/html/wp-content/advanced-cache.php on line 8
Craven Cottage ah Red Devils An Tlangnel Phar Phar Hle!! – ZoFooty

Craven Cottage ah Red Devils An Tlangnel Phar Phar Hle!!

Fulham 0 – 5 Manchester United

Welbeck 5′, Nani 28′, Giggs 43′, Rooney 88′, Berbatov 90′

Inkhel tan hma…

Man Utd lamin QPR hnehtu team atangin David de Gea aiah Anders Lindegaard goal ven tir in, midangte chu a ngai vek an ni.

Fulham lam pawhin Bolton 2-0 a hnehtu team ngai bawk kha an rawn remkhawm leh a ni.

He inkhel ah hian Man Utd striker Wayne Rooney chu Premier League a game 300 khel tling thei naupang ber a ni a, kum 26 leh ni 58 a upa niin a hma a Gareth Barry record, kum 26 leh ni 247 chu a rawn khum a ni.

An tan ta…

Inkhel tan tirh atangin team pahnih te inkhel a nung hle a, Man Utd chuan bul tan tha zawkin minute 5 na ah Evra ball pek chu Nani chuan veilam kilah tlanluhpuiin vengtu neilo Danny Welbeck chuan awlsam angreng takin a lo thun a, mualneitu te an chesual chiang hle a ni.

Fulham lamin beih let tumin an trang zual sauh a, mahse United lam an khawng ve tlat si a, Carrick leh Giggs ten a lai an luah hneh si avangin an duh ang thalin an che thei bik lo. Chutah min 20 naah Costa Rica striker Bryan Ruiz chuan Dempsey nena in one-two pheiin area chhungah tha tak maiin ball a lalut a, mahse Phil Jones chuan a “last dicth tackle” hmangin a dang a, corner ah a chantir ta a ni. Hemi hnu hian Jones hi Ashley Young chuan a rawn thlak a, inkhel tan tirh a Dempsey nen an intauhna nge Ruiz a dan na lamah a intina tih erawh a hriat hman ta loh a ni.

Inkhel a rei tual tual a, United lam an hlauhawm zel a, corner an hmu ngun hle a, heng an corner hmuh te hi vawrhlut nghal mai loin ball an inpe kual thin a, chutah min 28 na ah heng an “short corner” atang hian Giggs chuan box chhungah vawrhlutin Nani chuan a lo tauh lut a ni.

United hi an hlauhawm chhunzawm zel a, Valencia right-back atangin a rawn hlauhawm thin a, Nani nen an inkawp an langsar thei hle a ni. Minute 43 ah Valencia chuan Fulham player te ball in pass lo dang chatin counter-attack a tan a, Nani ball pe pheiin ani chuan box hmawr ah a “cut-back” a, Giggs chuan lo petin Senderos chuan lo dang pial a, goalkeeper Stockdale a khumin goal ah a lut ta a ni.

Chawllawk laiin Fulham fans ten an players te an “boo” nasa hle a, an khel en kha chuan a awm lo miahlo a ni.

2nd Half an tan…

Chawlhlawk zawhah Martin Jol a pawlte an rawn harh tih a hriat a, an rawn khawng sawtin ball an rawn inpe kual tha thei hle a, a tir minute 15 chhungin chance tha pangngai tak vawi thum lai an nei hman a ni.

United goal veng Lindegaard an tibuai ngun sawt ta hle a, Dempsey, Dembele leh Johnson te rawn inlar tan lakah tum engemaw zah a save a ni. Riise free-kick pet kawh zet mai chu yard khat velin a pawn hrat a, chumi nilo se Fulham game a danglam vek thei ngei ang.

Fulham an rawn kheltha tual tual a, mahse United defender te an khawng tlat si a, an half-chance neih te goal ah an chantir thei lo a ni.

Minute 88 ah Fulham player te chance miss ti uihawm zual turin space ngah tak Rooney chuan kawh tak maiin area pawn atangin a hem lut a ni. Hei hian inkhel tan tirh atanga langsar tawh Fulham defence inrem hnung(deep) lutuk a ti lang lehzual a, an mikhual attackers ten space an hmuh hnem phah a, a pawi ta thin a ni.

Hun tawp dawn teah rawn lut thar Berbatov chuan Valencia lei hrul a cross chu nalh lutukin a lo “back-heel” a, 5-0 in United an chak ta a ni.

Team Line-up:

Fulham: Stockdale; Riise, Hangeland, Senderos, Baird (Kelly); Murphy, Etuhu, Dempsey (Zamora), Johnson, Ruiz; Dembele.

Manchester United: Lindegaard; Evra, Smalling, Evans, Jones (Young, subbed  in 59′ by Park); Valencia, Nani, Carrick, Giggs; Welbeck (Berbatov), Rooney.

Inkhel  Dangte:

Aston Villa 1 – 2 Arsenal

54′ Albrighton, 90+3 Alan Hutton (Sent Off) – 17′ (p) van Persie, 87′ Benayoun

Substitute Benayoun in Arsenal a chhanhim hram a ni. Marc Albrighton hian Premier League goal 20,000 na a thun bawk a.

Mualneitu lam hian bula an tan tha zawk a, Agbonlahor chuan chance vawi hnih neiin Szczesny in tha takin a lo dang zel a, a hnu deuh ah Arsenal rawn lang ve tanin Walcott chu box chhungah Ciaran Clark chuan a titlu a penalty a chawi ta ni. Robin van Persie chuan penalty chu pet lutin Henry record, kum khat chhunga Premier league goal 34 thun chu a rawn nihrual pui ta chiah a ni.

Hemi hnu hian Arsenal hi an chungnung deuh zawk a, mahse mualneitu lam hian chance an rawn nei ve leh bawk a ni.

2nd half tan atanga minute 10 ah Albrighton chuan Vermaelen tihsual avangin a thun ve a, team pahnihte an intluk ta chiah a ni.

Chak tumin an inbei ve ve a, mahse an chance neih te an thelh zel si a, chutah hun tawp dawn minute 87 ah Benayoun chuan corner atangin Arsenal tana a goal hmasa ber a thun a, a pawlte point thum hlu tak a hmuhpui ta a ni.

Manchester City 3 – 0 Stoke City

29′ 54′ Aguero, 36′ Johnson

Man City chuan Krismas a hma hruaitu nih zel an tum ruh zia an football in an lantir a ni.

Inkhel tan atangin an thunun hneh hle a, 1st half ah Yaya Toure ball pass tha tak chu Aguero chuan a lo “tap-in” a, chumi hnu deuh lawkah chuan Johnson in area pawn atangin tha tak maiin a thun bawk a ni.

2nd Half rawn tan tha Stoke chuan rei an daih lo a, min 10 a ral tihah Aguero bawk chuan Gareth Barry ball tha lutuk lo dawngtu Nasri cross chu goal ah a lo chan tir leh a ni.

Hemi bakah hian City hian chance an la nei nual a, an khel a hlauhawmin kumtharah pawh hmahruai zel an tum tih an tilang chiang hle a ni.

Wigan Athletic 0 – 0 Liverpool

Charlie Adam chuan min 50 na ah penalty a thelh avangin Liverpool in point 1 an hawn ta a ni.

Liverpool tan chuan kar lawmawm tak a nilo chiang hle a ni. An star striker Luis Suarez hrem a ni dawn tih an hriat bakah Wigan lakah point thum an hmu zo lo bawk a ni.

Liverpool hian inkhel chu thunun zawkin ball an chang tam zawk a, mahse mualneitute goal ah an “chetfuh” theih thin loh avangin an chance neih te goal ah an chan tir theilo. Mualneitu lam zawkin min 20 naah goal hlauhawm an nei ve chiah a, Maynor Figueroa pet chu Pepe Reina chuan a lo dan sak a ni.

Team pahnihte counter-attack atangin an innawr tawn zak zak a, mahse a  “final-third” ah an chetsual thin avangin goal an thun theilo. Wigan keeper Al Habsi a kheltha a, amah vangin an tlawm lo pawh a tihtheih awm e.

2nd half lamah manager pahnih ten an attacker tha te an rawn luhbelhtir hnuah pawh awmzia an nei thei ta chuanglo a ni.

Result dangte:

Wolverhampton Wandererers 2 – 2 Norwich City

38′ Ebanks-Blake, 82′ Ronald Zubar – 12′ Surman, 76′ Jackson

Blackburn Rovers 1 – 2 Bolton Wanderers

67′ Yakubu – 5′ Davies, 30′ Reo-Coker

Newcastle 2 – 3 West Bromwich Albion

34′ 81′ Ba – 20′ odemwingie, 44′ McAuley, 85′ Scharner

Queens Park Rangers 2 – 3 Sunderland

63′ Helguson, 67′ Mackie – 19′ Bendtner, 53′ Sessegnon, 89′ Brown

Everton 1 – 0 Swansea

61′ Osman

8 thoughts on “Craven Cottage ah Red Devils An Tlangnel Phar Phar Hle!!

  1. Rooney goal 1, Ba goal 2. a lawmawm hle mai. Hei rel-ah ka chuang a, inkhel en a chakawm ve tehlul nen. Ka en loh ṭum berin 5-0 in kan chak zui ah!!
    Newcastle United chu an va chak lo tluang par par ve le.

  2. GGMU… Prediction lamah che chhe char char khawp mai…. Rooney leh RvP an lawmpui awm e.. Blackburn erawh beisei an pha lo telh telh… Wigan hi tun match 2 ah an vannei ve tlat..

Leave a Reply

Or

Craven Cottage ah Red Devils An Tlangnel Phar Phar Hle!!

Fulham 0 – 5 Manchester United

Welbeck 5′, Nani 28′, Giggs 43′, Rooney 88′, Berbatov 90′

Inkhel tan hma…

Man Utd lamin QPR hnehtu team atangin David de Gea aiah Anders Lindegaard goal ven tir in, midangte chu a ngai vek an ni.

Fulham lam pawhin Bolton 2-0 a hnehtu team ngai bawk kha an rawn remkhawm leh a ni.

He inkhel ah hian Man Utd striker Wayne Rooney chu Premier League a game 300 khel tling thei naupang ber a ni a, kum 26 leh ni 58 a upa niin a hma a Gareth Barry record, kum 26 leh ni 247 chu a rawn khum a ni.

An tan ta…

Inkhel tan tirh atangin team pahnih te inkhel a nung hle a, Man Utd chuan bul tan tha zawkin minute 5 na ah Evra ball pek chu Nani chuan veilam kilah tlanluhpuiin vengtu neilo Danny Welbeck chuan awlsam angreng takin a lo thun a, mualneitu te an chesual chiang hle a ni.

Fulham lamin beih let tumin an trang zual sauh a, mahse United lam an khawng ve tlat si a, Carrick leh Giggs ten a lai an luah hneh si avangin an duh ang thalin an che thei bik lo. Chutah min 20 naah Costa Rica striker Bryan Ruiz chuan Dempsey nena in one-two pheiin area chhungah tha tak maiin ball a lalut a, mahse Phil Jones chuan a “last dicth tackle” hmangin a dang a, corner ah a chantir ta a ni. Hemi hnu hian Jones hi Ashley Young chuan a rawn thlak a, inkhel tan tirh a Dempsey nen an intauhna nge Ruiz a dan na lamah a intina tih erawh a hriat hman ta loh a ni.

Inkhel a rei tual tual a, United lam an hlauhawm zel a, corner an hmu ngun hle a, heng an corner hmuh te hi vawrhlut nghal mai loin ball an inpe kual thin a, chutah min 28 na ah heng an “short corner” atang hian Giggs chuan box chhungah vawrhlutin Nani chuan a lo tauh lut a ni.

United hi an hlauhawm chhunzawm zel a, Valencia right-back atangin a rawn hlauhawm thin a, Nani nen an inkawp an langsar thei hle a ni. Minute 43 ah Valencia chuan Fulham player te ball in pass lo dang chatin counter-attack a tan a, Nani ball pe pheiin ani chuan box hmawr ah a “cut-back” a, Giggs chuan lo petin Senderos chuan lo dang pial a, goalkeeper Stockdale a khumin goal ah a lut ta a ni.

Chawllawk laiin Fulham fans ten an players te an “boo” nasa hle a, an khel en kha chuan a awm lo miahlo a ni.

2nd Half an tan…

Chawlhlawk zawhah Martin Jol a pawlte an rawn harh tih a hriat a, an rawn khawng sawtin ball an rawn inpe kual tha thei hle a, a tir minute 15 chhungin chance tha pangngai tak vawi thum lai an nei hman a ni.

United goal veng Lindegaard an tibuai ngun sawt ta hle a, Dempsey, Dembele leh Johnson te rawn inlar tan lakah tum engemaw zah a save a ni. Riise free-kick pet kawh zet mai chu yard khat velin a pawn hrat a, chumi nilo se Fulham game a danglam vek thei ngei ang.

Fulham an rawn kheltha tual tual a, mahse United defender te an khawng tlat si a, an half-chance neih te goal ah an chantir thei lo a ni.

Minute 88 ah Fulham player te chance miss ti uihawm zual turin space ngah tak Rooney chuan kawh tak maiin area pawn atangin a hem lut a ni. Hei hian inkhel tan tirh atanga langsar tawh Fulham defence inrem hnung(deep) lutuk a ti lang lehzual a, an mikhual attackers ten space an hmuh hnem phah a, a pawi ta thin a ni.

Hun tawp dawn teah rawn lut thar Berbatov chuan Valencia lei hrul a cross chu nalh lutukin a lo “back-heel” a, 5-0 in United an chak ta a ni.

Team Line-up:

Fulham: Stockdale; Riise, Hangeland, Senderos, Baird (Kelly); Murphy, Etuhu, Dempsey (Zamora), Johnson, Ruiz; Dembele.

Manchester United: Lindegaard; Evra, Smalling, Evans, Jones (Young, subbed  in 59′ by Park); Valencia, Nani, Carrick, Giggs; Welbeck (Berbatov), Rooney.

Inkhel  Dangte:

Aston Villa 1 – 2 Arsenal

54′ Albrighton, 90+3 Alan Hutton (Sent Off) – 17′ (p) van Persie, 87′ Benayoun

Substitute Benayoun in Arsenal a chhanhim hram a ni. Marc Albrighton hian Premier League goal 20,000 na a thun bawk a.

Mualneitu lam hian bula an tan tha zawk a, Agbonlahor chuan chance vawi hnih neiin Szczesny in tha takin a lo dang zel a, a hnu deuh ah Arsenal rawn lang ve tanin Walcott chu box chhungah Ciaran Clark chuan a titlu a penalty a chawi ta ni. Robin van Persie chuan penalty chu pet lutin Henry record, kum khat chhunga Premier league goal 34 thun chu a rawn nihrual pui ta chiah a ni.

Hemi hnu hian Arsenal hi an chungnung deuh zawk a, mahse mualneitu lam hian chance an rawn nei ve leh bawk a ni.

2nd half tan atanga minute 10 ah Albrighton chuan Vermaelen tihsual avangin a thun ve a, team pahnihte an intluk ta chiah a ni.

Chak tumin an inbei ve ve a, mahse an chance neih te an thelh zel si a, chutah hun tawp dawn minute 87 ah Benayoun chuan corner atangin Arsenal tana a goal hmasa ber a thun a, a pawlte point thum hlu tak a hmuhpui ta a ni.

Manchester City 3 – 0 Stoke City

29′ 54′ Aguero, 36′ Johnson

Man City chuan Krismas a hma hruaitu nih zel an tum ruh zia an football in an lantir a ni.

Inkhel tan atangin an thunun hneh hle a, 1st half ah Yaya Toure ball pass tha tak chu Aguero chuan a lo “tap-in” a, chumi hnu deuh lawkah chuan Johnson in area pawn atangin tha tak maiin a thun bawk a ni.

2nd Half rawn tan tha Stoke chuan rei an daih lo a, min 10 a ral tihah Aguero bawk chuan Gareth Barry ball tha lutuk lo dawngtu Nasri cross chu goal ah a lo chan tir leh a ni.

Hemi bakah hian City hian chance an la nei nual a, an khel a hlauhawmin kumtharah pawh hmahruai zel an tum tih an tilang chiang hle a ni.

Wigan Athletic 0 – 0 Liverpool

Charlie Adam chuan min 50 na ah penalty a thelh avangin Liverpool in point 1 an hawn ta a ni.

Liverpool tan chuan kar lawmawm tak a nilo chiang hle a ni. An star striker Luis Suarez hrem a ni dawn tih an hriat bakah Wigan lakah point thum an hmu zo lo bawk a ni.

Liverpool hian inkhel chu thunun zawkin ball an chang tam zawk a, mahse mualneitute goal ah an “chetfuh” theih thin loh avangin an chance neih te goal ah an chan tir theilo. Mualneitu lam zawkin min 20 naah goal hlauhawm an nei ve chiah a, Maynor Figueroa pet chu Pepe Reina chuan a lo dan sak a ni.

Team pahnihte counter-attack atangin an innawr tawn zak zak a, mahse a  “final-third” ah an chetsual thin avangin goal an thun theilo. Wigan keeper Al Habsi a kheltha a, amah vangin an tlawm lo pawh a tihtheih awm e.

2nd half lamah manager pahnih ten an attacker tha te an rawn luhbelhtir hnuah pawh awmzia an nei thei ta chuanglo a ni.

Result dangte:

Wolverhampton Wandererers 2 – 2 Norwich City

38′ Ebanks-Blake, 82′ Ronald Zubar – 12′ Surman, 76′ Jackson

Blackburn Rovers 1 – 2 Bolton Wanderers

67′ Yakubu – 5′ Davies, 30′ Reo-Coker

Newcastle 2 – 3 West Bromwich Albion

34′ 81′ Ba – 20′ odemwingie, 44′ McAuley, 85′ Scharner

Queens Park Rangers 2 – 3 Sunderland

63′ Helguson, 67′ Mackie – 19′ Bendtner, 53′ Sessegnon, 89′ Brown

Everton 1 – 0 Swansea

61′ Osman

Leave a Reply

Or