#Zofooty

Cristiano Ronaldo chuan Manchester United a zawm hnuah a vawikhatna atan United Training Ground, Carrington a tlawh.

Kum 36-a upa, Portuguese forward Ronaldo hian kumin nipui transfer laiin Juventus chhuahsanin a club hlui, Manchester United a zawm a. Mahse United tana a inlan hmain ram tan a feh chhuak phawt a, Ali Daei nena an record ințawm chu khumin ram tana goal thun tam ber record thar a siam a, Portugal tan goal 111 a khung ta a ni.

Ronaldo hian Carrington-ah hian a boss thar leh a teammate hlui ni bawk, Ole Gunnar Solskjaer hmuin training ground ah a țhiante (teammate) nen hmuh a ni bawk.

Manchester United-in Inrinni zan dar 7:30 hian Old Trafford-ah Newcastle United an mikhual dawn a, Ronaldo hi a inlan beisei a ni a, jersey no 7 a ha ang.

Portugal-in September ni 2 khan Ireland chu World Cup Qualifier-ah mikhualin 2-1 in Portugal in hnehna an chang a. Ronaldo hian first half-ah penalty pet goal lo mah se huntawp dawnah goal hnih khungin Portugal a chakpui a, ram tana goal khung hnem ber record a siam.

Ronaldo hi suspend anih avangin Portugal match dangah a in lan lova, United tan a rilru a sawr bing ta thung a ni. Mahse Carrington a tlawh hma hian Ronaldo hi ni 5 chhung khunghran (quarantine) phawt a ni.