Premier Leaque champion Manchester City chuan Liverpool innghahna ban rinawm, Daniel Agger-a lei chhuak tur chuan sum mai ni lo, an player ngei mai an thawh chhuah pui a ngai dawn ta!

Mirror in a sawi dan chuan, Liverpool chuan City chu he Danish defender hi leichhuah an duh tak tak a nih chuan £27 mtd hu vel (Johnson hi £3-4 mtd hu vela ngaih a ni) an pek a ngaih tur thu an hrilh niin a sawi.

Hman kar khan Arab sum dehna club hian £20 mtd in Liverpool hi indawrna an lo neihpui tawh a, mahse he an dawrna hi Liverpool neitu nihna changtu, Fenway Sports Group chuan inngaihtuah buai lovin an hnawlh thlak sak tawh a nih kha. Tunah Liverpool chuan thuchhuah thar siamin, he an defender tha lei nan hian sum chauh ni lovin, an player chhawrlai an phut tel thu an puang. Liverpool hian English winger, Adam Johnson chu loan-a hawh chhuahtir nghal turin an ti a ni.

Mahse, ‘A sum ngah ren rual loh’ par tlan an nih ngawt avang hian City lam hian an ti leh bawrh bawrh chuan a rinawm bik lova, an Mizopa hlawh la haw chet pur pur bik chuan a rinawm loh. A chhan chu kar hmasaa an dawrna £20 mtd chu £3 mtd laia an tihsan mai bakah, an fa duatlai awm hawh an la dil zui bawk nen, tlem han titi khawm leh deuh hlek chu an la mamawh lehin a rinawm.

Mahse, City hian Anfield a kum hnih(2) contract la nei, he kum 27 mi, tunlaia defender tha ber pawl ni pha hial hi lak an tum ruh ve hle mai a, an lakchhuah theih ngei pawh an inring ruh hle a ni. Amarawhchu, an chet lak hun erawh a fuh chiah em aw? Tih chu ngaihtuah ti thui tak a ni . A chhan chu he Liverpool fachuam hian tun hnai mai khan a kut zungtang pali(4)-ah tattoos thar ‘YNWA’ (You’ll Never Walk Alone) tih a chhu tlat mai a, hei hian he Danish pa hi Anfield-ah ala nghet hle a ni tih chu a ti chiang hle in a hriat.

Source : Mirror.co.uk

All images from getty images