DAVIDS KHA KAN LA HRIA EM? – Lawmkima Hmar

Estimated read time 2 min read
Dutch defensive midfielder, sam phiar kak suau (dreadlock), inkhelh laia tarmit dum bun thina kha kan la hria em aw? Feet 5 leh inches 7 lek a sang, mual chhung a tawhkhirh em em lawi si, Davids tia kan hriat lar Edgar Steven Davids ngei kha a ni kan sawi ni.
.
Surinamese a piang hian mit natna (glaucoma) a neih avangin mual chhungah a taksa him zawk na’n tarmit dum (protective goggles) a bun a, a thiam piahah chhinchhiah a awl phah viau.
.
A vanglai khan club hrang hrang – Ajax, AC Milan, Juventus, Barcelona (loan), Internazionale, Tottenham Hotspur, Crystal Palace leh Barnet tan khelin trophy lak theih zawng zawng a la kim a ni ber e.
.
A hun tawp lam kum 2012-14 chhung khan London club tenau League Two club Barnet chu player leh manager nih fawmkemin a enkawl a, mahse, Barnet hi division hniamah a tlakpui.
.
A team te division hniamah tlakpui mah se 2013–14 season khan a hna hi a la chhunzawm a, player enkawl aiin amah enkawl hi a hautak zawk!!
.
Goalkeeper chauhina an hak tura ngaih number 1 shirt chu midfielder jersey no thar tur tiin a ha teh tlat a, a tum ang erawh chuan a ha lar ta lo. Hemi season hian mual chhungah hrem a tawk zing hle a, yellow card hmu sain a inkhel a ni ber!
.
A game hmasa 8-ah yellow card hmuin heng a match hmasa 8 zinga 3-ah hian red card a hmu bawk. Away-a an inkhelh dawn apiangin zan riah a peih loh avangin a kal ve duh ngai lova, assistant manager Ulrich Landvreugd chuan a team te a kaihhruai thin.

December 2013 khan mual chhunga tarmit bun tilartu hian 2-1 a Salisbury City an hneh loh tumin red card a hmu leh a, a thinawrh luat avang hian football a chawlhsan tawp.
.
A chetzia mil a a hming phuah tur chu nise ‘Tek_hmuama’ kan ti ta ve ang. Tunah chuan kum 44 mi lai a ni ve ta.

C Tlanthianghlima

Football tui ve tak

You May Also Like

More From Author

3Comments

Add yours

+ Leave a Comment