Transfer a awm reng a, a vai chuan kan tarlang hman meuh lo a ni e. A langsar zual deuh hi in hrut leh thuak thuak teh ang.

Tottenham ah Scott Parker

Europa League khel tur Tottenham Hotspurs chuan West Ham mifielder Scott Parker an la fel ta. Parker hi £7 million man a ni.

Kum 30 a upa Parker hi season hmasa khan Premier League ah a che ṭha hle a, PFA player of the year nominee a ni pha ngat a ni. Spurs boss Redknapp hian hunrei tak lei tumin a lo hel tawh a, a tawpah chuan a player duh tak hi a lalut thei ta.

Redknapp chuan, “Season hmasa ah West Ham footballer of the year a ni a, a che ṭha em em a, kan team tan player ṭha tak a ni ang. Field chhungah leh pawnah mi ṭha tak, chhungkaw mi, professional dik tak a ni.” tiin a fak.

Parker hian Stoke City lama kal ta Palacios hmunruak a hnawhkhat ang. Modric hi a chhuah phah mai angem?

Barcelona in Hleb an chhuahtir (loan)

Barcelona vice president Josep Maria Bartomeu chuan Alexander Hleb chu Wolfsburg ah loan in a chhuah thu a puang.

Tunah hian Hleb hi a khup hliam vangin a khel thei lo a, hei vang hian October thla ah chauh Bundesliga team ah hian training a zawm ang. A khelh tam leh tam loh azirin club pahnihte indawrna leh a hlawh zat tur pawh a tamin a tlem dawn niin a sawi bawk. Hleb hian kum 2012 thleng Barcelona ah contract a nei a ni.

Kum 30 a upa, Belarus star hi a vanduai thei hle a, season hnih chhung chu VfB Stuggart leh Birmingham City ah loan in a chhuak tawh a, tunah loan bawkin Wolfsburg ah a chhuak leh ta. Guardiola team ah hi chuan first XI a chan hmel loh a, season tawpah free transfer a a chhuah ngei a rinawm.

Ferdinand manah QPR leh Sunderland an inrem

Sunderland defender Anton Ferdinand chu QPR player thar a ni ngei dawnin a lang ta. Club pahnihte hi player manah an inrem tawh a, tunah hian medical leh personal terms chungchang an tifel mek. (source : Press Association)

Kum 26 a upa Ferdinand hian kum 3 chhung atan contract a ziak a, a man hi £8 million a ni. English player ni lo se hei ai hian a tlawm ngei ang.