Tun dinhmunah, India rama football club ṭha ber chu Dempo SC hi a ni. I-League 2011/12 champion Dempo SC hi Goa a innghat an ni a, kum 2007 a I-League ṭan a nih aṭangin vawithum an champion tawh a, champion ngun ber an ni tih te chu Indian football ngainatute chuan kan hre vek tawh awm e. He football club a share neih tumin India rama celebrity lâr ber tih ngam, Shah Rukh Khan chuan a dawr mek a, inbiakna pawh a kaltluang hle niin Dempo SC chairman Srinivas Dempo chuan a sawi.
Srinivas hian Zirtawpni khan Shah Rukh Khan nen an inbiakna chuan hma a sawn hle tih a sawi a. “Mr. Shah Rukh Khan nen kan club a sum a invest duh chungchangah kan inbe mek a, tuna ka sawi theih chin chu kan inbiaknain hma a sawn hle tih hi a ni. Khan hian football a tuipui hle a, Dempo a share neih mai bakah Indian football tân thil engemaw tak tih ve a duh a ni. Football hi a hmangaih hmasa ber a ni a, cricket ai pawhin a hmangaih zawk tih a sawi nghe nghe. ” a ti.
Shah Rukh Khan hi kan ngaisang emaw, ngaisang lo emaw, a hming hi chu kan hre ve tawh hrim hrimin a rinawm. Filmstar lâr a ni a, IPL season 5 champion Kolkata Knight Riders neitute zinga pakhat a ni bawk. Tunah hian Dempo SC a share awm zawng zawng chanve (za zela 50) lai lei a tum nia report a ni. Dempo SC hian official takin thu chipchiar la tichhuak lo mahse an inbe mek tih chu a chiang tawh a, club neitute nen pawh an inbe tawh a, thutlukna fel tak erawh a la awm lo a ni.
SRK hming leh a larna hi Dempo SC tân chuan hnar phal a ni kher lo ang a, an inbiakna hi a hlawhtling a nih ngat chuan India rama club ṭha ber hi India rama club lâr ber a ni thuai ngei ang. Chutihrualin Shah Rukh hian a tihlar leh club inrelbawlna chauh a khawih turah ngai ta ila, hneh pawh a hnehsawh leh hle ang tih a rinawm. Tin, Dempo secretary-general Armando Colaco chuan SRK hi Dempo SC brand ambassador a ni nghal maithei tih a sawi bawk. Engpawhnise, kan hriat chin hi an inbe mek a, an inbiakfel ngei hmel tih te chauh a la ni rih e.
Kan milar leh mihausa ten cricket ah sum a tam tih an hria a, an bawh nasa tih chu Indian Premier League velah a chiang mai a. Chutihlaia I-League club leh King Khan an inbia tih thawm a lo awm hi Indian football tân chuan a phurawm viau awm e. Dempo hi tunhnaiah I-League lama an hlawhtling viau chungin kum khat chhunga an budget hi cheng vaibelchhe 12 chauh a ni a, ram pakhata club lian ni pha ve ngat inenkawlna atân chuan a tam lo hle a ni. Indian football hian mamawh tamtak a a neih zingah sum hi a mamawh lian tak a ni a, SRK hi a tawpna ni lovin, a hmahruaitu han ni thei se a va ṭha dawn em.
source: sports.ndtv.com
cialis 5mg
cialis price
cialis coupon walmart
price of cialis
Buy viagra without a prescription
Buy discount viagra
SRK lo pawh milar dangte hian intihhuh se football hmasawnna rahbi pawimawh tak a nih ngei a rinawm. Kan MIZORAM chhung ngeiah pawh hian intihhmuh thei se tha tur hi a nia…
Pen khat chuan hma kan swn ve xel e, SRK hi a 1st na ni ngei se, Mukesk Ambani te pawh hi inrawlh ve se ka ti.
Ehe le!!! Hei aia thu lawmawm hi a awm dawn bik em ni le? Vai hovin Bollywood filmstar an ngaihsan zia chu bawn tak a ni ringawt! Shahruk Khan hi tihian football-ah lut ta sela, hei ai hian football hi a kang sawt ang tih a rinawm. Hmanni mai khan Cricket hotute nen an intithiam lova, Bangalore Stadium-ah a ruih deuh vangin buaina a siam a, meizial a zu bawk a, hemi hmunah hian kum 5(chiang chiah lo) chhung inkhel en an khapsak phah hial. A thinrimin football a luhchilh dawn a ang khawp mai. Pepsi pawhin tihlar an tum nasa bawk si, FOOTBALL hi kan ramah hian chawisanin awm zel rawh se. Ka vei em em pakhat chu Vai kan hmusit ve ṭhin ringawt hi a ni! Hmasawnna kan mamawh apiangin anni bak min puitu tur an awm leuh!
Shah Rukh Khan chu a va ti lawmawm dawn ve. India ramah hian kan milarte leh mihausa te hian football an tuipui lo thin hi pawi ka ti thin hle a, Shah Rukh Khan hi a hmahruaitu han ni hlauh teh se.
Dempo ah hian 50% share a neih theih ngat chuan a neitu ber a ni thei mai dawn a. IPL champion lai leh I-League champion lai neitu (co-owner) a ni tur ringawt pawh hi a pui ve riau a ni.
Hmanni khan ka chhiar a, ilo post chu zia hle mai 🙂 lo post peih lo khawp a. hahaha
kei, ngaihsanna lai ka nei nual a sin !!a thawhhlawk viau mai thei a ni. hope sang viau phawt ang o
Nia, SRK hi chu a che vel hi a over ve hrim2 a, ka chek mil zawng a ni der lo hehe. mahse Indian football hmasawn nan engemaw tal a ti a nih chuan k hmuhdan a dang viau tawh ang 😀 An inbiakna hi vaibelchhe 30 vel niin an sawi a, engmah chiang a awm lo thung.
Cricket velah inhmang mai mai se tih kha ka ngaihdan a ani hman a. Mahse tihian ka ngaihtuah ta a. Football-ah hian lut se ka ti ngawih ngawih. A chhan chu fans a ngah a, SUm a ngah a, Vai tam takin an en ve theih phah tlat. tin, tv vel ah pawh entu an tam phah ang a, atha phian mai thei a ni. Good post
Gp..hlwh nei pwha vai film(film hrim2,comedy tihlo)en peilo pwn ahming hi cu kalo hre ve twh e,alar aniag,futbola a inrwlh hrim2 cuan a promote khp ag,intih hmuh thse,kn celeb neinug ho hian,kha..vwin lam ccbu a Shah Rukh vethoa news siam nen kha cuan inag lo ve he2
Amah hi ka ngaisang lo rapthlak nain Football promote-na tha tak a lo nih hlauh chuan ka ngaidam thei tho e.