Coach in a rin ber te zingami ni ta la, dam zan si lo la, khawvela player tha ber ber te hmuh mai nilovin inkhelhpui thei tur ni ta la, i taksa awm hahdamtir nge dam zan lova TV lama i hmuh thinte inkhelhpui i thlan ang? He zawhna hi nizan kan mutthilh chhung zawng khan Lalrindika Ralte (Didika), India leh Churchill Brothers winger chuan a inzawt ngei ang le. India coach Savio Madeira chuan Bayern Munich a hmachhawn turah hian right winger ko tel lovin left winger pathum- Clifford Miranda(Dempo), Reisangmei Vashum(East Bengal) leh Didika te chiah a thlang. Heng pathum zingah hian Didika hi right wing a khel thei a (India Under 23 leh Indian Arrows ah te dinglamah a lo khel tawh). Germany leh Bayern Munich full back Phillip Lahm emaw Rafinha hmachhawn turin Didika hi Savio hian a duh ber niin a lang.
Vawiin ni hi Didika piancham a ni a. A piancham lawmnan hian a rilru leh ngaihtuahna nasa taka a insen hnuin inhliam dam kawr ni mahse India team lama a thianpa Jeje Lalpekhlua (Pune FC) zawm turin New Delhi a pan dawn ta niin a lang. January ni 10 a inkhel kan en turah hian ‘Indian Beckham’ kan tih thin veteran Steven Dias thlak thei tura rinkai ber Didika chungah hian mipui mit a fu leh dawn a. Inhliam damkawr anih angin Mizo mipuite chuan kan thlir thiam a ngai hle ang. Lunglei tlangval Didika hi tha taka a khelh theih a, a taksa lam a dam that thuai theihnan kan tawngtaina ah te hriatpui ila a tha awm e. Hetih rual hian India goal thun khawl Jeje Lalpekhlua pawh hre reng ila. An ni pahnih hi tunhnaia India team siksawi hnua innghahna tur nia lang te chu an ni a, January ni 10 hi chuan khawvela tha ber ber Bayern Munich player te nena an han inum vel tur chu en theuh kan tum dawn nia.
generic cialis online
cialis professional
Nia, Vaiho kha Thingtlang tlangval inla ngeng ve tak mahni khuaa mikhual te laka lo inla huaisen ve deuh ang khan an che leh ang tih chu a hlauhawm viau mai.
Kan va chhuang che u em…. All the best
RC a chu ṭahbelh ve ooooo…lolz..tak2 a..Jeje leh Didika te kan chhuang che u
Vai ho khan red card an hmu leh ang tih chu hlauhawm khp mai…. Happy birthday and best of luck DD
Mizo tlangval pahnih ngawtin Bayern Munich player te an hmachhawn tur hian ka hnuk a tiulh lek lek thei alawm le. Jeje leh Didika te ka chhuang a che u….
India come on….!!
Red card awmlo in khel se atha ang…:)) kan player te kimlo a khel atan chuan ka ui tawh,.. Didika leh Jejea te duhsakna ka hlan a che u (An teammates tenen)…:))
en chakawm tawh hle mai…kan tawngtaipui reng che u nia didika leh jeje…all the best