Dinthar an indinthar leh ta? – Rooney Opa

Estimated read time 2 min read

dinthar-2-0-bethlehem-vt
Mizoram Premier League table mawngphaha awm Dinthar FC-in foreigner pahnih la lutin zanin (October 25, Thawhlehni) khan Bethlehem Vengthlang FC 2-0 in an hneh. MPL champion hmasa ber Dinthar FC-in table mawngphahah an chhuahsan a, BVT erawhin Chanmari lehpelh theihna hun tha an bawhpelh thung.

Dinthar an thar
Dinthar FC-in bul an tan tha a, minute 9-na lekah Lalruatpuia chuan an hmahruaina goal khungin BVT goalkeeper chesual khat tak Malsawmdawngzela a chesual khauh mai. Dinthar attacking a fuh laklawh a, goal a luh atanga minute hnihna lekah Michael Lalremruata chuan Ruatpuia siam chu tawih zeta khungin heng goal pahnihte hi an chakpui ta a ni.

Dinthar hian Nigerian player pahnih Balogun Hammed leh Clarence Carter Ezebube te an chhawr tangkai a, a bikin midfielder Carter Ezebube a hmuhnawm hle. Nigerian midfielder Carter hian field laiah ro a rel a, Dinthar game siamtu ber a ni.

BVT-in player thar Lalnunmawia chhawr tan mah se chhuanlam tur tawk velin inhliam an ngah a, substitute panga chiah an neih avangin an squad a pan tih zep rual a ni lo.

Dinthar FC-in Aizawl FC atanga an lakluh striker Michael chu man of the match atan thlan a ni a, Khatla tlangval hian Champhaia Zo United an draw tumin mimal chawimawina hi a dawng tawh bawk.

ZoFooty Statistics:
Dinthar FC 2-0 Bethlehem Vengthlang FC
DFC : Lalruatpuia 9’; Michael Lalremruata 11’
MoM : Michael Lalremruata

50% Ball Possession 50%
14 Shots 10
4 On Target 5
2 Yellow Cards 2
0 Red Cards 0
Powered buy Rainbow Multibrand Mobile Showroom.

Tute nge khel?
Dinthar FC: Joseph C Lalruatfela, Stephen Lalnunmawia, VL Chhanhima, Sandip Alay, Balogun Hammed, Zothanzuala, Saihmingthanga, Clarence Carter Ezebube, Lalbiaknia Pautu, Michael Lalremruata, Lalruatpuia.
Subs: Isak Lalmuanpuia, Chawngthansanga, Lalremtluanga, Vanneihtluanga, Lalbiakzuala, George MS Dawngliana, C. Lalnunmawia, R. Lalnunmawia, Samuel Laltlanthanga.

Bethlehem Vengthlang FC: Malsawmdawngzela, R. Lalrinsanga, H. Lalhlimpuia, K. Lalmalsawma, Lalrammuanpuia, Hmingthanmawia, Zosangkima, Lalrintluanga, PC Zosangliana, PC Laldinpuia, Lalnunmawia.
Subs: Lalmuansanga, Laldingngheta, Lalmawizuala, Joel Lalmuanzuala.

You May Also Like

More From Author

3Comments

Add yours

+ Leave a Comment