Drogba leh RDM-te dinhmun tur a la chiang lo.

Estimated read time 3 min read

Chelsea in beiseina sang tak nen Andre Villas-Boas an lalut a, mahse an beisei ang result leh dinhmun a thlen pui leh theih si loh avangin season laklawhah an ban leh a, dinhmun khirh angreng taka an awmlaiin interim coach atan Roberto Di Mateo lakluh a ni. Ani hian Premier League tih lohah beisei phak bakin Chelsea a chetṭhat pui a, hei vang hian mi tam takin tuna a dinhmun, interim coach mai ni loin coach puitling atan Chelsea hian an rawih zui nghal mai an ring em em a,amaherawhchu Chelsea a a awmzui zel dawn leh dawn loh chungchang hi a la chiang thei meuh lo.

Chelsea chief-executive Ron Gourlay chuan, “Interim coach atana kan chhawr, Roberto Di Mateo hi coach nghet atana dah a nih dawn leh dawn loh chungchang chu Champion League Final khelh zawhah kan ngaihtuah chauh ang. Interim coach atana kan lakluh tirh a club thuneitute nena kan sawi ho tawh angin season tawpah thil nihphungte kan en phawt ang a, chumi hnuah thutlukna hi kan tichiang dawn chauh a ni.” a ti bawk.

Andre Villas Boas chhuah hnuah RDM a’n Chelsea a enkawl ṭan a, Premier League, FA Cup leh Champion League a dinhmun khirh taka an awm lai a lo ni bawk nen mi tam takin ring lo viau mah se, a hna a ṭan hnuah, tunlai khawvel a Club tha ber a mi tam takin an ngaih Barcelona chu Champion league-ah hnehin Final a luhpui bakah FA Cup semi final replay-ah Chelsea hi chak pui nghalin a champion pui tawh bawk a, amaherawhchu Premier League lamah an che tha vak lo a, tunah hian paruk naah an awm mek a, Russian mihausa Abramovicha’n Chelsea a lei hnu a Premier League a an dinhmun chhiat ber tum erawh an hmang mek thung a ni.

Drogba pawh a chiang lo

Hetih lai hian Drogba pawh tun season zawh hian Chelsea a a contract a zo mai dawn a, mahse tun thleng hian a contract chungchang hi Drogba hian a la sawi chiang duh lo a, mi tam tak chuan May 19 a UCL Final hi Chelsea a a khelh tawpna tur niin an ngai mek. Kan hriat theuh angin nikum December thla khan Drogba hian Chelsea lamin kum khat dang atana contract pawtsei leh tura an ngenna chu a lo hnawl tawh a, kum hnih tal a phut tlat avangin a contract chungchangah hian an inbe rem thei meuh lo a ni.

Hetih lai hian Formula One team, Sauber nena thawhdunna thuthlung an siam tumin Chelsea chief-executive Ron Gourlay chuan, “Drogba hi a contract pawtsei turin kan dawr mek a, tunah hian club lam Official te leh Drogba aiawhtute an inbe mek a ni. Drogba hian he club hi ahmangaih a, keini pawhin amah hi kan duhin kan ngaina a, chuvangin inbiakna hi kan chhunzawm zel dawn a, tunah chuan amah(Drogba) leh athiante hian Champion League Final kan khelh tur chiah hi an rilru ah an la dah a rih a ni.”a ti bawk.

Ivorian International, kum 34 mi Drogba hian Marseille atanga Chelsea a rawn zawm hnuah chelsea tan games 340 khel tawhin goal 156 a thun tawh a ni.

You May Also Like

More From Author

10Comments

Add yours
  1. 5
    Lalthanzama Vanchhawng

    tunlai chu lrpatea hi rawn post tha thei khawp mai. Bengvarthlak thin mang e. Keichu anni 2 hi Chelsea in an mamawh ka ti, an chetthat pui bawk a, cham ve ve se Chelsea in an thatpui ka ring zawk..

  2. 6
    oxladexclusive

    Drogba chu kum 2 tal Contract chu han ziah pui mai2 se mole,a phu ltk tlat,chelsea tan a alo tih tawh zozai te kha…

  3. 7
    laipuichhuanga

    Da sipisial 1 inti ph an duhtwk talo kha ania,midag anlak theih wmag a lag hnaivai cu whpui ka neilo keipwh,tin,Drogpuia hyan athil phut hi aphu thlwt,kum 2 cu an player pwimwh br pwl ala nipha ag,an chelh pht cuan,kwr pwl hmagthiamlo Torres te aicuan

  4. 8
    David Pachuau

    Kan coach neih tawhah chuan, Mourinho chiah kha ka la duh a,tun a interim coach a kan hman Mateo hi, ka duh leh awm chhun a ni. Mourinho kha a rawnlut leh a nih loh chuan RDM hi dah ngheh nghal nise ka ti. Drogba hi kumhnih tal chu la chelh ila ka duh bawk.

  5. 9
    chhana

    RDM-a hi chu a lawm thiam lutuk hi ka duh tawp. Hetih lai hian Mourinho lawm hmel pu duh miah lo pawh ka duh viau lawi a.

  6. 10
    Xavi fanai

    First zel twh teh ag..chelsea leh club tin hian result tha neihpui theitu manager an duh thin a.ucl a final luhpuia,FA cup a champ puitu matteo hi chutiag mi chu ani mai lwmni le…ge,coach hmig lagsar sa zwk ten an gaih an ti tha ve hrim hrim zwk dwn..epl leh carlig lamah hi cuan ka lo gaidam ve twp..pali a chetthat vek cu ahar ve bwk ag..drogba duh hi ti puitlig bwk se..

+ Leave a Comment

Drogba leh RDM-te dinhmun tur a la chiang lo.

Chelsea in beiseina sang tak nen Andre Villas-Boas an lalut a, mahse an beisei ang result leh dinhmun a thlen pui leh theih si loh avangin season laklawhah an ban leh a, dinhmun khirh angreng taka an awmlaiin interim coach atan Roberto Di Mateo lakluh a ni. Ani hian Premier League tih lohah beisei phak bakin Chelsea a chet?hat pui a, hei vang hian mi tam takin tuna a dinhmun, interim coach mai ni loin coach puitling atan Chelsea hian an rawih zui nghal mai an ring em em a,amaherawhchu Chelsea a a awmzui zel dawn leh dawn loh chungchang hi a la chiang thei meuh lo.

Chelsea chief-executive Ron Gourlay chuan, “Interim coach atana kan chhawr, Roberto Di Mateo hi coach nghet atana dah a nih dawn leh dawn loh chungchang chu Champion League Final khelh zawhah kan ngaihtuah chauh ang. Interim coach atana kan lakluh tirh a club thuneitute nena kan sawi ho tawh angin season tawpah thil nihphungte kan en phawt ang a, chumi hnuah thutlukna hi kan tichiang dawn chauh a ni.” a ti bawk.

Andre Villas Boas chhuah hnuah RDM a’n Chelsea a enkawl ?an a, Premier League, FA Cup leh Champion League a dinhmun khirh taka an awm lai a lo ni bawk nen mi tam takin ring lo viau mah se, a hna a ?an hnuah, tunlai khawvel a Club tha ber a mi tam takin an ngaih Barcelona chu Champion league-ah hnehin Final a luhpui bakah FA Cup semi final replay-ah Chelsea hi chak pui nghalin a champion pui tawh bawk a, amaherawhchu Premier League lamah an che tha vak lo a, tunah hian paruk naah an awm mek a, Russian mihausa Abramovicha’n Chelsea a lei hnu a Premier League a an dinhmun chhiat ber tum erawh an hmang mek thung a ni.

Drogba pawh a chiang lo

Hetih lai hian Drogba pawh tun season zawh hian Chelsea a a contract a zo mai dawn a, mahse tun thleng hian a contract chungchang hi Drogba hian a la sawi chiang duh lo a, mi tam tak chuan May 19 a UCL Final hi Chelsea a a khelh tawpna tur niin an ngai mek. Kan hriat theuh angin nikum December thla khan Drogba hian Chelsea lamin kum khat dang atana contract pawtsei leh tura an ngenna chu a lo hnawl tawh a, kum hnih tal a phut tlat avangin a contract chungchangah hian an inbe rem thei meuh lo a ni.

Hetih lai hian Formula One team, Sauber nena thawhdunna thuthlung an siam tumin Chelsea chief-executive Ron Gourlay chuan, “Drogba hi a contract pawtsei turin kan dawr mek a, tunah hian club lam Official te leh Drogba aiawhtute an inbe mek a ni. Drogba hian he club hi ahmangaih a, keini pawhin amah hi kan duhin kan ngaina a, chuvangin inbiakna hi kan chhunzawm zel dawn a, tunah chuan amah(Drogba) leh athiante hian Champion League Final kan khelh tur chiah hi an rilru ah an la dah a rih a ni.”a ti bawk.

Ivorian International, kum 34 mi Drogba hian Marseille atanga Chelsea a rawn zawm hnuah chelsea tan games 340 khel tawhin goal 156 a thun tawh a ni.

You May Also Like

More From Author

+ There are no comments

Add yours