Durtlang in Dinthar hnehin an CHAMPION!!!

Posted on March 11, 2011July 10, 2011 by ZoFooty

Durtlang VC Team 2-0 Dinthar VC Team
11th March 2011: Khua a dur khup a, ruah a sur sur tehreng pawh ni se Lammual-ah mipui an khat tho rin a ni, a chhan chu Red Ribbon Final a ni tlat. Boruak nuam tak hnuaiah mipui in Lammual an pan sup sup a, a tam zawk hi chu Durtlang leh Dinthar veng a cheng te ni bawk mahse football tui vang hrim hrim a lammual lam pan pawh an tam ngei mai. Inkhel tan a hun meuh chuan Lammual ah chuan mipui an khat vek mai a, mizo te football ngaihsan zia ava lang chiang em!!!

Dinthar lamin Jersey Var an rawn ha in, 4-4-2 formation an rawn hmang a. Keeper ah Rinmawia awmin, Defence ah JS Hmar, RN Sanga, LN Sanga leh Ropuia te an awm a. Midfield ah Chhuana, Didina, Rinkima leh Dampuia te awmin Striker ah Denga leh Samuela te an awm thung. Durtlang lam pawh 4-4-2 thova rawn tlanin Jersey Sen an rawn ha a. Keeper ah Saia awmin, Defence ah Mamawia, Hruaia, Hlima leh Hmangaiha te an awma. Midfield ah Chhuana, Lawma, MS-a leh Danmawia te awmin Striker ah Nundanga leh Tea te an rawn in kawp bawk.

Final entu tam tak hmaah inhliam vanga semi final khel thei lo R. Lallawmkima hmangin Durtlang in second half ah hma an hruai a, hun tawp thlengin he goal hi an humhim thei mai dawn emaw tih laiin minute 89 ah Referee in Durtlang defender in mawi tak mai a Dinthar striker tackle pah a, ball a pet sawn sak chu penalty pe in yellow card a pe zui a. Tun tournament a kheltha bera ngaih Denghmingthanga chu rawn pen chhuak in a pet goal lo hlauh. Denga hian penalty atangin thun ngat ta se chuan buaina a chhuak lovang tih sawi theihloh. Mahse buaina chhuah ngai lovin College Veng leh Salem Veng laka lo chhanhimtu Saia’n penalty a save hlauh. Hun pek belhah substitute atanga lo lut Liantluanga chuan Dinthar Defender petsual chu nang chingin goal ah a chantir a. Tihian Dinthar hi a kum zawnin Final ah an chak ta lo a ni.

Penalty save tu Saitluanga chu final ah hian Man of the match ah thlan niin Durtlang midfielder Malsawmtluanga chu Best Player a thlan a ni a, Salem Veng Striker Joseph Lalnunpuia chu goal thun tam berin goal 16 a thun. Durtlang VC Team hi 2nd Red Ribbon ah hian an Champion bakah Fair Play Award an dawng bawk.