A vanglaia Indian midfielder hmuhnawm ber pawl Eugeneson Lyngdoh chuan season thar atan East Bengal a zawm ngei dawn niin a lang.
Kum 33 a upa AIFF Player of the Year lo ni tawh hian a khup veilama hliam na tak a tawrh hnuah ngai a awh leh tawh lo a, 2017/18 season tan dawn khan ISL champion lai ATK – in Indian player man to ber ni turin lalut mahse pre-season ah a inhliam avangin Kolkata club tan a inlan zui thei lo.
Season liam ta khan a lo ropui tawhna Bengaluru FC pan leh mahse minute 72 chiah khelhna hmun a chang a, a kum a upa ve zel nen club thar a zawn leh a tul ta a ni.
Rangdajied leh Shillong Lajong star hlui hian I-League, Federation Cup leh Durand Cup nomawi te a chawi tawh a, I-League Midfielder of the Year leh FPAI Player of the Year atan thlan a ni tawh bawk.
