EAST BENGAL COACH THAR MRIDUL BANERJEE

I-League club Kingfisher East Bengal chuan an coach thar atan Mridul Banerjee an lalut.

“Mridul hi kan thlan tak a ni a, May thlaa Federation Cup thleng kan club hi a enkawl ang,” tiin East Bengal General Secretary Kalyan Majumder chuan a sawi.

Kum 56 a upa Mridul hi thla hmasa lawka zawh tak Santosh Trophy a West Bengal champion puitu kha a ni a, tunhma in Mohammedan Sporting Club a enkawl tawh bakah Mohun Bagan ah assistant coach hna a chelh tawh bawk.

Tarlan tawh angin I-League a beisei phak lo Trevor Morgan a ban hnuah Red & Gold Brigade hian an coach hlui Armando Colaco an lalut mai dawn emaw tih hnuah Mridul Banerjee lam hi an hawi leh ta zawk a ni.

Posted in I-League, Ramchhung.

Leave a Reply

Or