(Tukin zing dar 1.30 khan he post hi siam a ni a, post siam lai hian thi zat hi 40 vel an ni a mahse tunah erawh 70 zet an tling tawh a ni. Title/topic-ah hian 40 atang 70-ah kan thlak ta bawk a ni. Engzat chiah nge thih belh dawn hriat a la ni lo cheu. A rapthlak hle mai. Tawngtainaah kan hre theuh dawn nia)
February ni 1, 2012 hi football khawvelah ni chhinchhiah tlak a ni reng tawh ang. Football khawvel chuan Nilaini khan hun lungchhiatthlak a tawng a, Egypt Premier League-a club inhal tak Al Masry leh Al Ahly te inkhelh zawha fans te an intihbuai avangin mi 70 zetin nunna an chân tawh. Football vanga chhiatna thleng zingah chuan a rapthlak ber pawl a ni hial awm e.
Al Masry home-ah he match hi khelh niin, mual neitu team hi 3-1 in an chak a. Inkhelh zawhah Al Masry fans te chu field chhungah tlanlutin Al Ahly players te an um a, Al Ahly players te hi an insaseng hman lo teuh hle. Player ṭhenkhat phei chuan hliam an tuar niin report a awm. Players te hi locker room-ah venhim an ni.
Al Masry fans te hian lung, fireworks leh bottle te an chelek nasa a, away fans te an rawn tlanluh ve bawk avangin field chhungah an buai ta nuaih nuaih mai a ni.
He buaina-ah hian football fans mai bakah security officer te pawhin nunna an chân a. Port Said-a El Amiry damdawiin manager chu TV-ah interview niin, “Kan damdawiin bikah mi 11 an thi tawh a, damdawiin pahnih dangah mi 25 an thi tawh bawk. Stadium chhungah mi 3 an thi bawk.” tiin a sawi. Hemi hnu pawh hian mitthi zat hi a pun zel rin a ni.
Al Masry leh Al Ahly te hi club inhal tak mai an ni a, tunhma pawhin an pahnih inkhelah hian buaina a lo chhuak zauh zauh tawh a ni.
A hnuaia video hi youtube a mi a ni a, a tirlama rawn lang, kawrsen ha tlanchhiate hi Al Ahly players te an ni.
Buaina chhuah hnu lawk hian Cairo Stadium-a Al-Ismailiya leh Zamalek te inkhel tur chu ṭhulh a ni a. Zamalek fans ṭhenkhat thinrimin stadium tichhe zawngin buaina an siam niin TV ah a lang bawk.
source: sportsillustrated.com
cialis price costco
cialis coupons
viagra buy online
viagra canadian cost
video khi en theih tawhloh nih khi..pawi hle mai, football hi chu alo ropui ani.
[…] pum a chiah hneh hle a, an khawpui ber Cairo pawh he a kangkai tawh a ni. He buaina chhuah chhan (HETAH hian click rawh) hi club in hal tak, al-Ahly leh al-Marsy te inkhelh zawh aṭanga chhuak niin, […]
Zia lo hle mai….Veng leh veng inkhelh pawhin kan intibuai luai luai thin kha ania…a awm ve tho mai….mahse thihna hial a thleng erawh a pawi khawp mai..
Football game pakhat avanga mi tam takin nunna an han chan ringawt mai chu zia lo ve tak a ni e.
Thi hi 74 an ni tawh. Hosni Mubarak-a an paihthlak hnu hian Security hi Egypt-ah a chhe deuh niin sawi a ni a. Stadium-ah hian Police an tam tawk lo an ti. Al-Ahly fans-te hi a kawlhrawng zawk, ‘Ultras’ an tih an ni a, buaina pawh a tir atangin an cho hle niin report a ni. Inkhelh lai pawhin Al-Masry fans elsenna banner lian pui pui an keng a. Egypt-a rorel lai party – Egyptian Brotherhood-ho chuan heng ‘Ultras’ te hian buaina hi an plan niin an puh. Thi tam zawk hi inchilbuaina vanga thi niin an sawi.
Buai hi chu football tiropuitu pakhat a ni ve a. Chutih rual chuan hetianga thihna rapthlak a thleng hi chu a vanduaithlak takzet. FIFA in heng club pahnihte hi hrem ngei se a tha ang (Te lo ti ve ngawt ila.. :D)
@Zama, mhs hetiang deuh hi chu Kan awmna ah hian an uar khop mai.. 🙂 Agartala club inkhel te chu hmeichhia en pawh an awm ngylo reng alawm. A den thy tiah2 khp mai, brick leh bottle keh hi a thlok fua2 reng mle 🙂 fans an rum thy khop mai.
Pawi ve.
A rapthlak lutuk, mahse Football ropuizia tarlangtu a ni. Mizoramah thleng ve lo phawt mai teh se. Tunah chuan thi zat hi 74 an ti leh tawh
Al ahly home ah an inkhel hun a awm leh ngei ang a, boruak chu a rit ngawt ang. Hetiang chhiatna rapthlak hi a thleng khat tawh viau asin le.
@dustin : nia, chutiang deuh chu angaihna hmun pawh ala awm mai thei ani . hetiang te chuan inkhel enpawh a hlauhawm dawn e mai 🙂
Va rap thlak ve le…
70 em2 chu a tam lulai bok a ni… @Zama, nakin ah chuan thir lenah te hian electric an la tihkal ka ring a ni 🙂
a rapthlak hle mai. Keipawh DUSTIN-a ngaihdan hi ka tawmpui e. Thirlen talin hung se tha tur nia. a pawi ngawt mai, mi 70 ngawt mai han boral chu..
Tunah hian mitthi zat hi 70 a tling tawh.
AVa zialo ve o…. Mhs, Football ti hmingthangtu a ni tlt bok si!! Argentina ah chuan thir len hi an hung chhuak vek thin a, mhs, chu pohin fans thinrm chu a dang zo chuanglo.. English fans te angin an fing ve silo, players te pawh an khawngaihthlak khop mai..
Tawngtaipui an ngai hle mai
A va lung chhiat thlak ve aw..
Good Post nilo in post lungchhiatthlak tak ani…
A pawithin hle mai..boralta chhung leh thriante rilru na hian, eng tak nghong chho xel ang mo, bengvar thlak hle mai.. Good post..
en mai chuan inthat awm lai a lang lova, se mihring nunna hi chu a lo derdep khawp. hmuh sen a ni loa, hmuh loh karah hian an lo inchilhlum anih dawn hi. pawi hle mai..a rapthlak lutuk. mi 40 zet han thih mai chu aw..