Tunhnaia chak deuh reng Arsenal chuan Emirates Stadium-ah Fulham an lo mikhual a, Vermaelen chuan lehlam lehlamah ti goal in 1-1 in an inhnehtawk. He inkhelah hian Arsenal starting XI ah French player an awm miah lo a, kum 2005 September thla hnulama French player tel miah lova inkhel an ṭan hmasak ber a ni nghe nghe.
Line ups:
Arsenal: Szczesny, Djourou, Mertesacker (Diaby 69′), Vermaelen, Santos, Song, Ramsey (Gervinho 68′), Arteta, Walcott, van Persie, Arshavin (Chamakh 75′).
Fulham: Schwarzer, Baird, Hangeland, Senderos, Riise, Etuhu, Murphy, Dempsey, Ruiz, Dembele, Zamora.
Beisei phak lo first half
Rinlawk ang ngeiin Arsenal in bulṭan ṭha zawkin, minute 6 lekah Ramsey chuan pet goal theihna remchang ṭha tak a nei nghal. Midfield-ah Fulham an inrem phui ṭha a, defender ten van Persie an veng uluk kher mai a, mual neitu lam hian ball chang tam zawk mahse duh angin goal hlauhawm an nei thei bik lo. Arsenal tân dinglama tlân Theo Walcott a langsar a, Fulham left back Risse tlanpelin ball hlauhawm a siamchhuak nual mai.
Ramsey leh Van Persie te inkara awm Etuhu a khel ṭha a, Client Dempsey-a’n ball an chan loh laiin van Persie a zui reng bawk a, Arshavin leh Walcott te thawkrim viau mahse Arsenal attacking move nalh tak kan hmuh ṭhin kha first half-ah hmuh tur a tam lo hle. Fulham lamin tlarhnung an vên uluk avangin an goal nawr a na lem lo a, first half-ah goal chance hlauhawm tih tur a tam lo hle. Halftime dawn ṭepa Mertesacker head goal loh kha first half-a goal teuh ber a ni mai awm e.
Goal 2 thuntu Thomas Vermaelen
Second half-ah beisei ang ngeiin Arsenal in ball an chang tam tial tial a, mahse Fulham defence an ṭhiat thei mai bik lo. Veilama Andre Santos leh Arshavin te inthlawp a hmuhnawm ṭhin ngei mai. Fulham lamin attacking game an khelh ve tawh avangin Arsenal hmatâwng ten space an nei tawh a, second half-ah game a hmuhnawm hle. Minute 60-a Robin van Persie shot, goal line bula Chris Baird lo dan chu Arsenal fans ten an ui ngei mai.
Minute 66 na ah mikhual lam hian goal an thun a, a thuntu chu Arsenal defender Vermaelen a ni thung. He own goal hi Danny Murphy leh Risse te thawhrah a ni. Arsene Wenger chuan Ramsey leh Mertesacker lachhuakin Diaby leh Gervinho a luhtir a, Gervinho tlânna Arsenal field veilamah ball a tam sawt a, Fulham right back Baird a chhaihbuai hneh thei kher mai. Hemi hnu hi chuan Arsenal pet goal tur Fulham lamin dan an lo tum a ni deuh ber tawh a, Djourou leh van Persie ten an thun teuh hle.
Arsenal hian minute 82 ah an pet goal ta nge nge a, dinglam aṭanga Walcott cross chu vengtu nei lo Vermaelen chuan lo head goal. Mual neitu lam hi an phûr sawt a, goal thun belh ngei tumin an nawr chhunzawm a, van Persie leh Arteta te vanduai ni chu ni lo se goal an thunbelh ngei ang. Huntawp thlengin Fulham defence an ding nghet a, Hangeland leh Arsenal player hlui Sanderos te inkawp an khel ṭha thlawt.
Arsenal chak tluang lai a tâwp rih ta a, tunah hian game 13 ah point 23 hmu tawhin EPL table-ah 6 na an ni mek. (Pathianni zanah Liverpool an chak chuan Arsenal hi an lehpel ang). Arsenal midfielder 2 Ramsey leh Arteta an khel ṭha a, Ramsey hi tun ang renga hma a sawn chuan Premier League midfielder zinga ‘complete ber’ a la ni thuai ang.
Fulham hian game 13 ah point 12 hmu tawhin 15 na an ni mek thung a ni.
KAn chakloh an hriat khan an chak ngam biklo niin ka hria 🙂 …tak2 a Arsenal cn future an nei eng khp mai (an players an hralh lo te nhcn). Santos leh Mertesacker hi anla tha dawn khp mai….mhs, midfielder world class pakhat chu anla mamawh deuh a ni…good post
Nizan kha chu Hangeland a khel tha em a ni. Van Persie kha an veng uluk lutuk a, walcott khan space a neih hnem phah niin ka hria, defensive midfielder ten full back te an pui lo tlat.
“He inkhelah hian Arsenal starting XI ah French player an awm miah lo a, kum 2005 September thla hnulama French player tel miah lova inkhel an ṭan hmasak ber a ni nghe nghe.” ka lo hre re2 hleinem. Nie, anni chu BPL-a ENglish awm miah loa khel thin te kha an nia,Henry, Pires, Viera hunlai atang tawha French ho tamna kha nia.. Vermalean chu a va pui rem2 ve. goal 2 a thun a, mahse an chak zo chuang lo nimaw. haha Good post
van poi ve ooo,cak gei2 ksn mamoh toh sin mwle…
Arsenal ropuina tizual tu a ni. An chak loh (Draw) tum pawn arsenal tih goal ve ve, Team dang tan tu te hian arsenal an ensan em avang leh thiam an tih em avang hian eng result pawh neise an lo ngai chang ran zel a ni. Arsenal tan a na love, Season tin hian Champion trophy hi a lei lei tum an awm leh thin chungte chu heng player lei nana uchuak taka pawisa seng thin club te hi an ni Man C, Man U, Chelsea Liv etc. Leiba tam tak nei in club an kal pui a, chakloh phei chuan pressure a na bik.
Gooooners ho cu an chak theihloh ze diktak a rwn lag tan dwn e
Arsenal chu, Van persie a tlawlh chuan, ….. phiss!! Mahse Ramsey hi chu ka tan riau; Arsenal chu ka tan miah lo.
Good post… Vermaelen chuan goal hnih thun nimo…heehee tiang hi a ching riau…nikum hmasa ah ami a tih tawh bawk kha…defender goal thun thei dik tak LOL