EMIRATES STADIUM-AH LAIPUI A TLAWLH – Lawmkima Hmar

Arsenal 1-3 Manchester United 
Ars : Lacazette 49′
Man : Valencia 4′, Lingard 11′, 63′

Arsenal defender Mustafi leh Koscielny te khelh chhiat inrual chu Arsenal in an tuar a, David De Gea’n a țhatzia a lantir bawk.

Gunner defenfer nawi zar zovin Antonia Valencia chuan Petr Cech-a ke lek ke inkarah a lirin goal hmahruai a thun a, Mustafi tihsual vangin Lingard chuan goal khatna an thun hnu lawkah a thun chhunzawm.

Arsenal in na taka nawr zuiin chawlhlawk hmain goal thun tumin vawi 15 zet pet mahse, Spanish goalkeeper De Gea khelhțhat zanah 70% ball chang chungin goal an thun thei lo va, vawi 7 zet a lo dansak.

Chawlhlawh hnuah pawh Arsenal tho an langsar a, Aaron Ramsey ball laksak țha elkhen chu Arsenal player man to ber Lacazette chuan chiang zetin a thun a, game kalphung enin Arsenal in an si phurh an sut zo ngei dawnin a lang.

Mahse, goal thun an tum luatah Gunner an chesual a, counter attack ațangin Lingard bawkin a thun leh. He goal hian Arsenal phurna a nawtreh a, minute 74-naa Hector Bellerin a rah luih avanga red card hmu Paul Pogba awm loh hnuah pawh an game in ngai a awh tawh lo (rilru lam thil a ni).

Hun tawp thlengin Arsenal ball chang tamin nawr mahse an kim loh hnua United an țangrual zual a, goal shot vawi 33 neitu Arsenal an dang tluan.

Arsenal an vanduai a tih theih rualin Red Devils keeper De Gea a khelțha tak zet a, Arsenal goal shot goal zawna kal vawi 14 zet a lo dansak a ni.

He result avang hian Arsenal chu 5-naah an tla thla a, United chuan point 5 in leader Manchester City an hnaih.

Manchester United hian Pathianni leh zan dar 10:00 khian Manchester Derby ah Manchester City an lo mikhual ang.

Statistics
Arsenal <> Manchester United
75% Ball possesion 25%
33 Goal shots 8
15 On target 4
8 Corners 1
2 Goalkeeper Saves 14

 

Posted in Arsenal FC, English Premier League, Man Utd, Rampawn.

Leave a Reply

Or