Eng nge UEFA Financial Fair Play (FFP) ?

Estimated read time 6 min read

European football tuipui tan UEFA Financial Fair Play (FFP) hriat chian ngei ngei a ngai. September 2009 atangin he dan FFP hi hmang tura pawm a ni a, season liam ta 2011-12 atangin kalpui a ni tan.He dan duan chhuah a nih chhan ber chu sum uchuak hmanga hlawhtlinna lei chhuah tumte venna a ni ber. Player man to chak lutuk leh hlawh pung nasa em em avangin club tam tak an talbuai a, hun kal zel turah football club tam tak tan chhiatrupna a thleng thei a, an damkhaw chhuah tlan theihna nia an hriat angin hma an la ta a ni.He dan zawm thei lo club chuan UEFA hremna an tuar dawn a, hremna chi hrang hrang siam a ni. A na ber tur chu European club inelna chi hnih Champions League leh Europa League-ah an tel thei dawn lo.Hremna dang an chungah lek theih a ni bawk a, pawisa chawitir, UEFA atanga lawmman pawisa fai an dawn tur hrensak, player lei leh hralh thei lo tura hremte a huam.

UEFA president Michel Platini chuan “European club (UEFA hnuaia ram 53 atangin club 660 vel an awm) zinga 50%-in kum tin sum an hloh va, sum hloh club an pung zel bawk. Hei hi chhiatna a nih avangin tihtawp ngei kan mamawh. An lak luh aia tam an hmang zel a, leiba an neih sa pawh an pe thei lo.”Heng club talbuai mekte hi tihhlum mai emaw tihnat emaw kan duh lo va, tanpui an ngai em em a ni. Kan tournament khel duhte chuan kan dan leh hrai an zawm ngei tur a ni. Kum eng emaw zat kal ta khan FFP kan pawm tawh a, kan kalpui tan mek a, kan hawi kir leh miah lo vang. Ka sawi nawn leh duh, kan hnuk kir leh dawn lo. Kan that tlanna tur a ni a, kan chhunzawm zel ang,” tiin a sawi.

FFP kalpui dan tur

Champions League leh Europa League-a tel tur club-te chuan sum leh pai dinhmun ngialnghet tha an nei ngei tur a ni. 2011-12 season atangin an sum dinhmun chiang taka tarlanna UEFA hnenah an theh lut tan.Kum khata club-ten sum an hloh vak vak thin tihtawp a nih theih nan kum thum chhung 2014-15 thlengin ngaihthiamna a awm dawn a, mahse, hemi chhung pawh hian uchuak lutuka sum hloh phal a ni lo.2015-16 atanga 2017 thlengin ngaihhnathiamna lantir zui a la ni dawn a, mahse, a hma aiin an sum hloh theih a tlem. 2018 atang phei chuan club-in sum an hloh a thiang tawh lo tluk a ni a, tlema zawng an hloh erawh pawmzam theih a ni ang.

A awmzia tak chu..
1) 2011-12 atanga 2015 thlengin – kum khatah euro maktaduai 45 (pound mtd 39.4) hloh chin ngaihthiam theih a ni.
2) 2015-16 atanga 2017 thlengin – kum khata euro mtd 30 (pound mtd 26.3) hloh chin pawmzam theih a ni.
3) 2018 atangin – kum khatah an sum hman aiin an lak luh tam zawk tura beisei a ni tawh a, mahse, pound mtd 8.8 hloh chin erawh an ngaihhnathiam thei ang.
4) Club neituin a hausakna hmangin an club leiba emaw sum hloh emaw a rulh a thiang lo.
5) Dan zawm thei lote chu 2014-15 season atangin UEFA buatsaih inelnaah an tel thei dawn tawh lo.
6) FFP hian club sum hmanna dang stadium sak, training-na leh hmunhma dang buatsaih, academy leh youth system kalpui nana sum hman a huam lo va, tuna an neih mek football squad dinna leh kalpui nana an senso bik atanga teh tur a ni.
7) Premier League club lian zingah Arsenal chuan FFP dan an zawm sa reng a, buaina tur an nei lo. Mahse, Manchester United, Chelsea, Liverpool leh Manchester City-te erawh tuna an dinhmun atangin an ngaihtuahawm.

Hrem an nei tawh
UEFA chuan FFP avangin hremna a lek der tawh a, season liam taa European club inelnaa tel an sum dinhmun chipchiar theh lut lo club 23-te lawmman pawisa fai a hrensak tih thawhtanni khan a puang.Heng zingah hian Europa League champion Atletico Madrid bakah Malaga, Sporting Lisbon leh Fenerbahce an tel. Club 23-te dinhmun hi a chhuichiang zui dawn a, September 30 hmain an sum dinhmun chipchiar theh lut ngei turin thupek a chhuah a ni.

German, French league buai tam lo
German Football Federation (DFB) chuan Bundesliga atan sum leh pai enkawlna dan khirh tak a nei sa. DFB hian club tin sum hman leh lak luh dan ngun takin a endik a, German top flight kheltlaka a ngaihte chiahin Bundesliga an khel thei.DFB hian dan zawm tha lote chu pawisa chawitirin an point a paihsak thin bawk. Leiba nei club-te chu bazarah thunun zui zelin, player an lei dawn chuan an hralh phawt a ngai a, an hralhna sum aia tam lak luh nan an seng thiang lo.Bundesliga club-te reng reng mimal hausain 49% aia tam neitu nihna an nei thei lo va, club fan-ten 50+1 % neitu nihna an nei ngei ngei tur a ni. German club-ah fan-ten thuneihna sang ber neiin, inrelbawlna an thunun vek a ni.German club lian thenkhatten leiba an nei ve tho na a, an leibat dan dinhmun a zirin DFB chuan Bundesliga khelh a phalsak an awm a, tunah hian FFP dan zawm thei lo tur khawpa buai erawh an nei hran lo.French Ligue 1-ah pawh Direction Nationale du Contrôle de Gestion (DNCG)-in mawhphurhna lain, hun rei tak atang khan professional club-te sum leh paia an inrelbawl dan fir takin a thunun tawh.French league hi English, Italian leh Spanish league angin leiba pound maktaduai za telin a delh ve lo. An sum lak luh tam lo mah se an hman ral a tlem a, player naupang siam puitlin lamah an insawrbing nasa a, 2006 atanga 2009 chhung khan Lille ringawt pawhin player a chher chhuah hralhna atangin euro mtd 164 hlep a nei thei.

Mahse, kum kal ta khan Qatari mi hausain PSG an lei a, French league-a sum hman dan a tidanglam nasa. PSG hian an lak luh chhut lovin player lei nan leh hlawhah sum tam uchuak an seng a, FFP dan zah miah lovin hma an la.
Bundesliga-ah mimal hausain a duh angin club a thunun thei lo va, Ligue 1 erawh chuan club neitua mi hausate an luhna tur dalna dan an nei hran lo. Qatari mi hausain an duhthalin PSG relbawl nan sum an chelek mek a, hei hian Ligue 1 hmelhmang a tidanglam.
League lian pathum English, Spanish leh Italian-ten leiba an ngah em em vek a, top flight khel thei club 20 theuh an neih zinga tlem te chauhin kum khatah hlep an nei thei. Heng league pathumte tan FFP hi a hnawk hle dawn a, insiam that ngai nasa ber tur an ni.
Source: Zozam Times

You May Also Like

More From Author

9Comments

Add yours
  1. 2
    Cleverley VRT

    #6: Nia tiraw, nomawi lampanga han fihlim tel kher hi chuh, engpawhnise Arsenal an titha hle mai, an entawntlak, an ropui e.

+ Leave a Comment

Eng nge UEFA Financial Fair Play (FFP) ?

European football tuipui tan UEFA Financial Fair Play (FFP) hriat chian ngei ngei a ngai. September 2009 atangin he dan FFP hi hmang tura pawm a ni a, season liam ta 2011-12 atangin kalpui a ni tan.He dan duan chhuah a nih chhan ber chu sum uchuak hmanga hlawhtlinna lei chhuah tumte venna a ni ber. Player man to chak lutuk leh hlawh pung nasa em em avangin club tam tak an talbuai a, hun kal zel turah football club tam tak tan chhiatrupna a thleng thei a, an damkhaw chhuah tlan theihna nia an hriat angin hma an la ta a ni.He dan zawm thei lo club chuan UEFA hremna an tuar dawn a, hremna chi hrang hrang siam a ni. A na ber tur chu European club inelna chi hnih Champions League leh Europa League-ah an tel thei dawn lo.Hremna dang an chungah lek theih a ni bawk a, pawisa chawitir, UEFA atanga lawmman pawisa fai an dawn tur hrensak, player lei leh hralh thei lo tura hremte a huam.

UEFA president Michel Platini chuan “European club (UEFA hnuaia ram 53 atangin club 660 vel an awm) zinga 50%-in kum tin sum an hloh va, sum hloh club an pung zel bawk. Hei hi chhiatna a nih avangin tihtawp ngei kan mamawh. An lak luh aia tam an hmang zel a, leiba an neih sa pawh an pe thei lo.”Heng club talbuai mekte hi tihhlum mai emaw tihnat emaw kan duh lo va, tanpui an ngai em em a ni. Kan tournament khel duhte chuan kan dan leh hrai an zawm ngei tur a ni. Kum eng emaw zat kal ta khan FFP kan pawm tawh a, kan kalpui tan mek a, kan hawi kir leh miah lo vang. Ka sawi nawn leh duh, kan hnuk kir leh dawn lo. Kan that tlanna tur a ni a, kan chhunzawm zel ang,” tiin a sawi.

FFP kalpui dan tur

Champions League leh Europa League-a tel tur club-te chuan sum leh pai dinhmun ngialnghet tha an nei ngei tur a ni. 2011-12 season atangin an sum dinhmun chiang taka tarlanna UEFA hnenah an theh lut tan.Kum khata club-ten sum an hloh vak vak thin tihtawp a nih theih nan kum thum chhung 2014-15 thlengin ngaihthiamna a awm dawn a, mahse, hemi chhung pawh hian uchuak lutuka sum hloh phal a ni lo.2015-16 atanga 2017 thlengin ngaihhnathiamna lantir zui a la ni dawn a, mahse, a hma aiin an sum hloh theih a tlem. 2018 atang phei chuan club-in sum an hloh a thiang tawh lo tluk a ni a, tlema zawng an hloh erawh pawmzam theih a ni ang.

A awmzia tak chu..

1) 2011-12 atanga 2015 thlengin – kum khatah euro maktaduai 45 (pound mtd 39.4) hloh chin ngaihthiam theih a ni.

2) 2015-16 atanga 2017 thlengin – kum khata euro mtd 30 (pound mtd 26.3) hloh chin pawmzam theih a ni.

3) 2018 atangin – kum khatah an sum hman aiin an lak luh tam zawk tura beisei a ni tawh a, mahse, pound mtd 8.8 hloh chin erawh an ngaihhnathiam thei ang.

4) Club neituin a hausakna hmangin an club leiba emaw sum hloh emaw a rulh a thiang lo.

5) Dan zawm thei lote chu 2014-15 season atangin UEFA buatsaih inelnaah an tel thei dawn tawh lo.

6) FFP hian club sum hmanna dang stadium sak, training-na leh hmunhma dang buatsaih, academy leh youth system kalpui nana sum hman a huam lo va, tuna an neih mek football squad dinna leh kalpui nana an senso bik atanga teh tur a ni.

7) Premier League club lian zingah Arsenal chuan FFP dan an zawm sa reng a, buaina tur an nei lo. Mahse, Manchester United, Chelsea, Liverpool leh Manchester City-te erawh tuna an dinhmun atangin an ngaihtuahawm.

Hrem an nei tawh

UEFA chuan FFP avangin hremna a lek der tawh a, season liam taa European club inelnaa tel an sum dinhmun chipchiar theh lut lo club 23-te lawmman pawisa fai a hrensak tih thawhtanni khan a puang.Heng zingah hian Europa League champion Atletico Madrid bakah Malaga, Sporting Lisbon leh Fenerbahce an tel. Club 23-te dinhmun hi a chhuichiang zui dawn a, September 30 hmain an sum dinhmun chipchiar theh lut ngei turin thupek a chhuah a ni.

German, French league buai tam lo

German Football Federation (DFB) chuan Bundesliga atan sum leh pai enkawlna dan khirh tak a nei sa. DFB hian club tin sum hman leh lak luh dan ngun takin a endik a, German top flight kheltlaka a ngaihte chiahin Bundesliga an khel thei.DFB hian dan zawm tha lote chu pawisa chawitirin an point a paihsak thin bawk. Leiba nei club-te chu bazarah thunun zui zelin, player an lei dawn chuan an hralh phawt a ngai a, an hralhna sum aia tam lak luh nan an seng thiang lo.Bundesliga club-te reng reng mimal hausain 49% aia tam neitu nihna an nei thei lo va, club fan-ten 50+1 % neitu nihna an nei ngei ngei tur a ni. German club-ah fan-ten thuneihna sang ber neiin, inrelbawlna an thunun vek a ni.German club lian thenkhatten leiba an nei ve tho na a, an leibat dan dinhmun a zirin DFB chuan Bundesliga khelh a phalsak an awm a, tunah hian FFP dan zawm thei lo tur khawpa buai erawh an nei hran lo.French Ligue 1-ah pawh Direction Nationale du Contrôle de Gestion (DNCG)-in mawhphurhna lain, hun rei tak atang khan professional club-te sum leh paia an inrelbawl dan fir takin a thunun tawh.French league hi English, Italian leh Spanish league angin leiba pound maktaduai za telin a delh ve lo. An sum lak luh tam lo mah se an hman ral a tlem a, player naupang siam puitlin lamah an insawrbing nasa a, 2006 atanga 2009 chhung khan Lille ringawt pawhin player a chher chhuah hralhna atangin euro mtd 164 hlep a nei thei.

Mahse, kum kal ta khan Qatari mi hausain PSG an lei a, French league-a sum hman dan a tidanglam nasa. PSG hian an lak luh chhut lovin player lei nan leh hlawhah sum tam uchuak an seng a, FFP dan zah miah lovin hma an la.

Bundesliga-ah mimal hausain a duh angin club a thunun thei lo va, Ligue 1 erawh chuan club neitua mi hausate an luhna tur dalna dan an nei hran lo. Qatari mi hausain an duhthalin PSG relbawl nan sum an chelek mek a, hei hian Ligue 1 hmelhmang a tidanglam.

League lian pathum English, Spanish leh Italian-ten leiba an ngah em em vek a, top flight khel thei club 20 theuh an neih zinga tlem te chauhin kum khatah hlep an nei thei. Heng league pathumte tan FFP hi a hnawk hle dawn a, insiam that ngai nasa ber tur an ni.

Source: Zozam Times

You May Also Like

More From Author

+ There are no comments

Add yours