England A Henry Thlahna Goal A Mawi

Estimated read time 3 min read

1999 atanga 2007 chhung Arsenal player pawimawh a ni a. 2012 a Arsenal in Thierry Henry, New York Red Bulls atanga an hawh hian Robin van Persie chawmtu tur mai nia a lan lai in player pawimawh tho a ni leh. Arsenal tantu ten Thierry Henry an theihnghilh ngai tawh lovang! Emirates Stadium bul a Arsenal ‘legend’ pathum lim an siamsak zinga tel pha Thierry Henry chuan Inrinni zan khan England chhung a Arsenal kawr ha chunga a inkhel hnuhnungberah Arsenal chakna goal mawi a thun leh ta. Kum 34 mi Henry hian Inrinni zan a Sunderland hnehna goal mawi tak mai chu hun pangai minute 90 hnu a hun pek belh ah a thun a ni a. ‘A hun te a rah thin a hnah pawh uai ngailo’ tia sawi ngam Thierry Henry hian inkhelh vawi 4 ah goal 2 a thun tawh a, UEFA Champions League a AC Milan an hmachhawn tur hi Arsenal tana a khelh tawpberna a ni tawh dawn niin a lang.

Inrinni zan a inkhel ah Arsenal hian manager nei tha Sunderland chu duh angin an chhaih thei bik lova. Khelmual a that tawkloh vang pawh a ni ang, Arsenal passing mawi hmuh tur a tamlo. Half-time thleng chu goal hlauhawm a awm hranlo. Theo Walcott pet goal loh chu half-time titi a nimai. 2nd half ah game a inhawng tan a, Arsenal nawr a na hret, Sunderland lamin Arsenal tihsual an lo chang thung. Minute 70 na ah Arsenal defender Per Mertesacker ball kenglai chu inhliam avangin a tlu a, hei hi nangfuh in Sunderland rawlthar James McClean chuan goalkeeper Wojciech Szczesny danhmanloh in mawi tak mai in Sunderland goal hma hruai a thun. Goal hlauhawm a tlem avanga goal lut awmchhun chakpui mai tur a rin laiin inhliam zawnchhuah tak Mertesacker thlaktu Aaron Ramsey chuan Arsenal siphurh a rawn sut a, 1-1 a ni. Tun season a league a beisei phalo ber te zingami Andrei Arshavin chu luhtir a ni a. Nidang ang bawka beisei phalo tura rin anih laiin veilam atanga box chhunga a pek chu player naranin a pet nge tauh tur tia a ngaihtuah awm vel chu Thierry Henry ngei hian a class pholangin mawizet mai in Sunderland goalkeeper Simon Mignolet dan hmanloh in Arsenal chakna goal hi a thun ta a ni. Henry-a Arsenal chanchin ziah chu a tawp hnai ta a, Milan khawpui ah hian a tawpna hi ziah theih a ni tawh dawn niin a lang.

He inkhel a thilmak ve tak mai chu Wales captain Aaron Ramsey hi hliam na tak a tawrh hnua a lo let leh hian goal a thun khat ta hle a. A thun tum hian thilmak tak a thleng thin thung. May ni 1,2011 a Manchester United lama goal a thun khan a tukah Osama Bin Laden a thi a. October ni 19,2011 a Marseille lama goal a thun khan a tukah Gadaffi a thi leh a. Inrinni a Sunderland lama goal a thun hnu lawk khan zaithiam Whitney Houston chu thi a chhar a ni. Hei bakah hian Manchester City lama goal ban a pet per hnu lawkah North Korea hotu lu Kim Jong Il a boral bawk. Inlaichinna chu neilo mahse thilmak dangdai ve tak chu a ni.

You May Also Like

More From Author

16Comments

Add yours
  1. 3
    muma ralte

    a tlawh lut thawr mai kha chu ka lo phu ve zuk a ni…a mawi hle mai…la cham reng atan pawh a duhawm ngei mai….

  2. 5
    SinlungSuok

    Henry chu a pui rap2 hle mai. Arsenal tân History ropuitak a siam hnua, ala rawn siam belh le chu ani hi.
    Ramsey hi ava hlau awm ve.hehehehehehehehe.

  3. 8
    ben vangchhia

    @Admin.. Ka Comment ‘Blackburn’ tih vel hi delete theih chuan pawilo khawp ang.. @Cleverly.. Ramsey pet goal leh hunah chuan a tuk lamah news kan ngaichang thup mai thei a ni..

  4. 9
    Cleverley VRT

    Ramsey khi Man Utd a Cleverley te nen inkawp turin ka va duh e, chuan pet goal tawh lo se tha ang, mi an thi zel buaithlak..he…he…

  5. 15
    ben vangchhia

    Ramsey chungchang hi chu mak ve tak chu a ni. A ni hrim hrim h a inhliam kha a va’n pawi tak.. A tha ka ti em em a, naupangte mahnise a rawn kir leh hnu hian beisei a pha tawhlo. Ram khat Captain a nih hi a inhmeh bawk. Kan pu khan Cardiff vela a awmlai khan lo lei chhuak hle hle se la ka la ti reng..

+ Leave a Comment

England A Henry Thlahna Goal A Mawi

1999 atanga 2007 chhung Arsenal player pawimawh a ni a. 2012 a Arsenal in Thierry Henry, New York Red Bulls atanga an hawh hian Robin van Persie chawmtu tur mai nia a lan lai in player pawimawh tho a ni leh. Arsenal tantu ten Thierry Henry an theihnghilh ngai tawh lovang! Emirates Stadium bul a Arsenal ‘legend’ pathum lim an siamsak zinga tel pha Thierry Henry chuan Inrinni zan khan England chhung a Arsenal kawr ha chunga a inkhel hnuhnungberah Arsenal chakna goal mawi a thun leh ta. Kum 34 mi Henry hian Inrinni zan a Sunderland hnehna goal mawi tak mai chu hun pangai minute 90 hnu a hun pek belh ah a thun a ni a. ‘A hun te a rah thin a hnah pawh uai ngailo’ tia sawi ngam Thierry Henry hian inkhelh vawi 4 ah goal 2 a thun tawh a, UEFA Champions League a AC Milan an hmachhawn tur hi Arsenal tana a khelh tawpberna a ni tawh dawn niin a lang.

Inrinni zan a inkhel ah Arsenal hian manager nei tha Sunderland chu duh angin an chhaih thei bik lova. Khelmual a that tawkloh vang pawh a ni ang, Arsenal passing mawi hmuh tur a tamlo. Half-time thleng chu goal hlauhawm a awm hranlo. Theo Walcott pet goal loh chu half-time titi a nimai. 2nd half ah game a inhawng tan a, Arsenal nawr a na hret, Sunderland lamin Arsenal tihsual an lo chang thung. Minute 70 na ah Arsenal defender Per Mertesacker ball kenglai chu inhliam avangin a tlu a, hei hi nangfuh in Sunderland rawlthar James McClean chuan goalkeeper Wojciech Szczesny danhmanloh in mawi tak mai in Sunderland goal hma hruai a thun. Goal hlauhawm a tlem avanga goal lut awmchhun chakpui mai tur a rin laiin inhliam zawnchhuah tak Mertesacker thlaktu Aaron Ramsey chuan Arsenal siphurh a rawn sut a, 1-1 a ni. Tun season a league a beisei phalo ber te zingami Andrei Arshavin chu luhtir a ni a. Nidang ang bawka beisei phalo tura rin anih laiin veilam atanga box chhunga a pek chu player naranin a pet nge tauh tur tia a ngaihtuah awm vel chu Thierry Henry ngei hian a class pholangin mawizet mai in Sunderland goalkeeper Simon Mignolet dan hmanloh in Arsenal chakna goal hi a thun ta a ni. Henry-a Arsenal chanchin ziah chu a tawp hnai ta a, Milan khawpui ah hian a tawpna hi ziah theih a ni tawh dawn niin a lang.

He inkhel a thilmak ve tak mai chu Wales captain Aaron Ramsey hi hliam na tak a tawrh hnua a lo let leh hian goal a thun khat ta hle a. A thun tum hian thilmak tak a thleng thin thung. May ni 1,2011 a Manchester United lama goal a thun khan a tukah Osama Bin Laden a thi a. October ni 19,2011 a Marseille lama goal a thun khan a tukah Gadaffi a thi leh a. Inrinni a Sunderland lama goal a thun hnu lawk khan zaithiam Whitney Houston chu thi a chhar a ni. Hei bakah hian Manchester City lama goal ban a pet per hnu lawkah North Korea hotu lu Kim Jong Il a boral bawk. Inlaichinna chu neilo mahse thilmak dangdai ve tak chu a ni.

You May Also Like

More From Author

+ There are no comments

Add yours