Carlos Tevez chuan vawiin (Thawhlehni) khan England a lut ve leh ta a. Mahse England-a a let leh hnua a thusawi hmasa ber chu Manchester Cityboss Roberto Mancini sawiselna a ni!
Tevez hian thla thum leh a chanve zet a tlan bosan Manchester City hi a zawm leh tawh dawn niin sawi a awm a. Mahse England-a a rawn luh hnu lawkah a pu Mancini chungchang sawiin, “Ui ang maiin min enkawl a ni,” a ti! Champions League-a Bayern Munich an hneh loh ṭum khan bench-a a ṭhu lai chu a rawn vin vak vak niin a sawi!
Fox Sports-in an kawmnaah Tevez chuan, “Edin Dzeko lachhuaka Nigel de Jong a luhtir kha ka thin a rim a, a chhan chu 2-0 in kan chak lo tawh a, chutih laia inven rilruka player a luhtir kha ka hrethiam lo a ni. Minute 10 chhung ka in-warm-up tawh a, mahse 2-0 a chak loh kha 4-0 a chak loh ai chuan a duh niin ka hria a, Dzeko lo chhuah hnu lawkah ka ṭhu ta hmak a ni. Dzeko khan tunnel-a luh a tum a, mahse a inkhar avangin Mancini bulah a ṭhu a, an inbe ta a. Dzeko a thinrim hle a, Bosnian-in a bia a, Mancini’n Italian-in a an khum bawk. Chutih lai chuan ka ṭhu tawh a, an ṭawng laklawh avangin min hmu lo a ni. Tichuan a rawn hawi a, ka ṭhu a hmuh khan a thinrim kal tluang laklawh nen, intilum turin min hrilh leh a, ui ang maiin min hrawk a ni. Chutianga min hrawk avang chuan ka tho duh ta lova, ‘Aih, ka chhuak dawn lo,’ ka ti ve ta a ni.
“A thinrim laklawh avangin min rawn ân khum a, Zabaleta nen kan inbe mai mai tih TV aṭang pawhin in hmu thei ang chu. Mancini khan ngeiawm takin min rawn ti ta vak a nih kha,” tiin, an buai inṭanna chungchang a sawifiah.
Kan hriat angin he an buaina avang hian Tevez hi Argentina lamah a haw daih a. January thla khan Inter Milan, AC Milan leh PSG ten lakluh an tum a, mahse an lalut thei lova. Chawlhni zanah Aston Villa hneha Premier League hmahruaitu an nih leh chiah khan Mancini chuan Tevez-a chuan ngaihdam a dil phawt chuan City squad-ah a tel leh ang tih a lo sawi tawh a. Season tawp lam, champion inchuhnaah hian, Manchester United player hlui Tevez hian awmzia a nei dawn tih Mancini hian a hre ve reng a ni.
Tevez-a chuan Fans-ten an dem dan a hre ve reng a, mahse fans-te a thiam lo lem lo. “Thu dik tak hrilh an ni lova. Ka inkhel duh lo ringawt niin an ngai a, chuvangin ka lakah an thinrim hi a âwm khawp mai. Amaherawhchu an rin ang ka ni lova, player dangte ang bawkin inkhelh hi ka chak a, ka duh. Ka hming chuanna kawr an hal a, ṭawngkam chhe tinrenga min ankhum kha chu na ka ti hle a ni. City tan hian ka theihtawp ka chhuah a, football khelh aia nuam tih leh hmangaih hi ka nei lo,” a ti bawk.
City Chief Executive lailawk John MacBeath leh Tevez-a aiawh Kia Joorabchian te inbiakna avangin Tevez hian Manchester khawpui a rawn rap leh thei niin sap chanchinbute chuan an ziak a. Joorabchian chuan Tevez hian City tana player ṭangkai a nihzia lantir leh a la duh em em a ni tih a sawi. Chu bakah chuan hetia Tevez-‘n City a zawm leh dawn nia sawi a awm lai hian Tevez-a’n kar ruk chhung City a chhuahsan chhunga an pawisa pound makaduai khat aia tam an chawitir, Premier League-a a khinna a hnukdawk dawn niin an sawi bawk.
Joorabchian-a chu Tevez-a’n Mancini lakah ngaihdam a dil ang em tih an zawt a, “Ka hre lo, Tevez leh Mancini inkar a ni tawh ang,” a ti a. Hetih lai hian Tevez chuan club-in ṭul an tih phawt chuan dil a hreh lo tih a sawi thung a. “Ka dik lohna ka hre lova, mahse ngaihdam ka dil an phut chuan ka inpeih reng. He club tana khel leh tur hian ka inpeih a, kar hnih hnuah chuan ka inkhelh leh theih ka ring a, City hi champion turin ka ṭanpui thei ngei ang,” a ti a. “Kum 28 ah ka chawl ang ka ti ṭhin a, mahse vawiinah chuan, ‘chawl dawn lo, thil tam tak tih tur ka la nei,’ tih hi ka sawi ta thung a ni,” a ti bawk.
cialis 20mg price
cialis prices
Cialis prescription
Generic cialis sale
Tevez a lo let leh phei chuan City chu an va huphurhawm leh dawn veleh. Mahse a lo kir leh hi a lawmawm tho tho e.
Mancini hi phakhar ve ngawt mai, a thin tirim tak tak chu nise January te khan hralh daih tawh ang, mahse season tawp champion tum inum boruak hot lai vel ah a tangkai dawn tih hriat avangin ko kir leh daih…
Tevz hian khel leh mawlh se tih hi k duhthusam a ni.
A tirah thil nihphug swi ve mai sela tha tur ania,a pate luhlul ve gal mai si a,duh aiin a buairei phah ta anih hi..champion gei turin rwn kir te se
POst tha tak a ni. A bengvarthlak hle mai. Keichu Mancini hoi chu ka duh ngai lo hrim hrim a, Tevez hi ka tan zawk khawp mai.
A ngaihnawm hle mai. Tevez hi hemi buaina hma kha chuan ka player duh ber te zing ami a ni. Tunah hi chuan ka tan hleithei tawh tlat lo..
Bengvarthlak e.. Mizotawng ngeia a ngaihnawm tur zawnga in kai lut thiam thin hi a ti hlu tu a ni. Tevez dem vak vak tu te khan in ngaihdam theih ngei a ngai. Hehe.. A thusawi khi dik zawk pawh nise a ngawih rei theih lutukna tal hi anni ang tan chuan mawlna chi khat a la ni tho lo maw?? Career zawng zawng hril vek thei a ni si a. A thusawi khi a dik a nih rinna lai ka neih chu ‘Tevez hi thiamlo zawk ni tak takin, City hian duhlo nise an hralh ang’ tih hi a ni. Khelmualah a thiam tih chu kan hre theuh. Mahse, Mancini inkarah hian Mancini dawi anga Tevez thiamloh chu nise an hralh hmak ka ring.
Rawn khel leh teh se
Tevez a thusawi kha kei pawh vawiin sap chanchinbu ah te ka lo chhiar ve a., ka khawngai ve angreng khawp mai, an buai lai vel khan Tevez a thusawi engmah kan hre lova, a khel duhlo t chau kha kan hria a, mase hei ama thiamlo vek bik chu ani hau lo ang, ti chu ka ring va tawp mai.
Manchini hi a dawi ltk mah2 ka ti chang a tam khawp mai kei pawh. A.Villa nen pawh khan Aguero chiah striker a han ni leh pek a..
Ngaidam in dil tawn ve2 se, chuan Tevez hi thadeuin khel leh se tun season chung tal….
(tevez pawh khan a pu nen anin hnek tep thu a sawi telh bawk kha..hahaha)