Euro 2012 chu Group tinin match khat theuh an khel chhuak dawn ta a. Group match hmasa ber theuh an khelh chhuan nan Group D in an khel ve a, England leh France te chuan an match hmasa ber an khel zo a, 1-1 in an in draw.
England tan Joe Hart, Glen Johnson, Ashley Cole, John Terry, Joleon Lescott, Steven Gerrard, Ashley Young, James Milner, Scott Parker, Alex Oxlade-Chamberlain leh Danny Welbeck ten an start a. Oxlade-Chamberlain leh Welbeck ten an start tlat hi a mak angreng a. Kum 18 a upa Oxlade-Chamberlain phei hi chuan competitive match-ah, England tana a start vawikhatna a ni. Midfield-ah pawh Roy Hodgson chuan a ralthuam neih that ber a hmang a. Andy Carroll chu bench-ah awm mahse a hmang duh lova, a aiah Jermain Defoe leh Theo Walcott te an lut a, Jordan Henderson pawh bench atangin a lut bawk.
France lamah Hugo Lloris, Mathieu Debuchy, Patrice Evra, Adil Rami, Philippe Mexes, Yohan Cabaye, Franck Ribery, Samir Nasri, Florent Malouda, Alou Diarra leh Karim Benzema ten an start a. France hian Benzema chiah striker an luhtir a. A hnuah bench atangin striker Hatem Ben Arfa chuan Cabaye a thlak leh a ni.
Inkhelh tan tirh atangin France-in ball an chang tam zawk deuh a. England-in an nawr fo thung a, goal hlauhawm erawh an nei hlei thei lo ve ve a. Minute 30-naah Milner-a free-kick hmuh chu field dinglam atangin Steven Gerrard chuan a pet a. Joleon Lescott chuan head goal-in, England tana a goal hmasa ber a khung a, England-in hma an hruai.
Hemi hnu lawk, minute 39-naah Manchester City tana Lescott-a khelhpui Samir Nasri chuan goal mawi tak khungin an si phurh a sut a. Yard 20 vela hla atangin, Joe Hart-a dinglam sir kilah a pet goal a, a goal khungah hian sawisel tur reng reng a awm lo.
Second half tir lamah England an phûr zawk a, mahse clear chance an nei thei chuang lova. Gerrard chuan France box pawn hretah free-kick a hmu emaw a ti a, mahse referee-in a pe lova. Hemi hnu hi chuan France-in goal an nawr a, England an inveng a ni deuh ber tawh a. Benzema chuan shot tha zet zet vawihnih nei mahse Hart-a’n a dansak thei zel a. Hun tawp thlengin France hian nawr mahse, England-in, ‘an thatna ber’ nia an sawi an tlar hnung a phui zui zel a, France-in goal an khung belh thei ta bik lova, 1-1 in an in-draw ta a ni.
An vawikhat inkhelhnaah point 1 ve ve an hmu a, England lam hi a lawm zawk an ni ngei ang.
Rooney,Lampard, Ferdinand tih velte chu awm se kha ai kha chuan an goal bawh chu ana ngei ang mawle.
Kan Captain (EPL NIL) berin mawng a dawha kan lamah Goal mawi rap
😛
Ka pol te hi Englang an sop nek ang chu ka tia, a draw tu xok ah an la trang xui…ka rin aiin an goal boh a nep bok a, England ho chu lom viau phot teh se..huizzz
football match ka en tawhah chuan la hmuhnawm lo lawrlak a ni
Midfield ah an inthlau em a tin ni!!
England kha a tir an khelthat hmel tehreng nen an zuzi leh nimaw … City players 2 in goal an thun tlat mai 🙂 Good post
Next match ah chuan England an chak ngei tawh ang. French player Alou Diarra kha a van tha em em ve.Yaya Toure nen an khel a inang tawp..
A tirlama young, welbeck leh chamberlain inman vel lutuk kha…johnson kha a langsar viau bok.
Quarter final an luh ngei cu k beisei.
France an chak ka rin tehlul nen. A tawp lamah kha chuan England khan draw an ngei an tum a nih kha le… Rooney, Lampard leh Ferdinand awm sela chuan an game a dang ang mawle..
England leh france khel cu game rag et awt anih ka rig a,mahse rin ai in a dul..england in an ti thei phian ka tia,france ka rin ag an ni lo zwk tlat..england tan a huphurwm ber alag france laka point 1 hmuh hi result tha thwkhatah ka gai e..an player tha an chan nasat zia ka gaituahin..
England khelh dan tenawm dan kha
Ni ngawt mai. England kha ka rin ai daih !!!
Milner pet goal loh uihwm khop my..chamberlain pwh khel tha reuh khp my
England khan kei ang bwkin mi tamtak beisei an khum ka rin,result mai nilo an khel pwh kha,a fair thwkhat e
NEp hlawm hle mai.. Man City player te nite a ni e!! lol