England Vs Italy Preview

Zaninah tantu ngah England leh Italy ten Euro 2012 Quarter-Final round a game hnuhnung ber an khel dawn. He inkhel a chak zawk hian Semi-Final ah Germany an tum leh dawn a ni.

Team pahnihte han en hian inkhel hmuhnawm tak nih hmel lemlo mahse inkhel en chakawm a ni thung.

Hemite hi an inkhelh hnuhnun ber chu 2002 a Friendly an khelh kha niin, Robbie Fowler-a’n goal a thun hnuah Vincenzo Montella chuan goal hnih rawn thunin Italy a rawn chhanchhuak a ni. England leh Italy te hian an Euro khelh hnuhnun berah Quarter-Final ah an tla ve ve a, Italy in Spain 2008 ah an hnehlo a, England in Portugal 2004 ah an hnehlo ve thung.

“The Three Lions” te hian “Azzurri” te hi tunhnai an inkhel hnuhnung vawi kua ah vawi khat chiah hnehna an la chang a. He team pahnihte hi Euro a an intum hnuhnun ber chu 1980 group stage ah khan a ni a, Italy 1-0 in an chak a ni.

Inkhel tur te Team News, Selection leh Tactical approach i lo thlir ila.

England

England an phur lai a ni a tihloh theihloh a. A zawnin vawi hnih an chak a, tlawm nei miahlo in Group D hmahruaitu an ni bawk a, tin, star striker Wayne Rooney rawn letlehin goal a rawn thun nghal bawk avangin England training camp lam boruak a tha hle a ni.

Team News leh Selection:

England tan winger Ashley Young chuan hliam tenau a nei a, mahse hma a sawn chak avangin inkhel thei turah an ngai a, lehlamah James Milner hian fans te sawisel hlawh deuh mahse England wide-men te zinga thawkrim leh tlarhnung pui thei ber a nih avangin Walcott leh Chamberlain aia thlan a nih leh hmel bawk a ni.

Tlarhnung lamah Glen Johnson hian a ke hliam ah treatment la mahse a khel thei dawn anga, a bak England hian hliam emaw hrem vang emaw a buaina an nei lemlo a ni.

Tlarhma ah Rooney kawppui turin Welbeck hman a nih zawk hmel a, Andy Carroll pawh hi bench atanga danglamna siam thei leh England goal nawr dan an thlak deuh huna ball kang a tangkai thei tur a ni.

Possible Starting Line-Up [4-4-2]: Joe Hart; Glenn Johnson, Joleon Lescott, John Terry, Ashley Cole; Scott Parker, Steven Gerrard, Ashley Young, James Milner; Wayne Rooney, Danny Welbeck.

One Booking Away From Suspension: Ashley Cole, Steven Gerrard, Milner, Oxlade-Chamberlain leh Young

Tactical Analysis:

England hian an group a hmahruaitu an nih vang leh knockout stage awlsam angreng taka an inpal thlen avangin tournament hma beiseina an khum hneh viau a, hei vang tak hian anmahni pawh an inring tawk a, an phur hle a ni. Italy nena an inkhel hi inkhel harsa a ni a, eng ang tak nge an nih tih enfiahna tha tak a ni dawn ani. Tin he inkhel hi a tawp thleng rat a inbeih ngai a nih a rinawm a ni.

England team hi tawngkam khatin sawi dawn ila, “Organised” tih hi hman a ngai ang. Tlarhnung leh midfield line fimkhur leh uluk takin an inremkhawm tlat a, tuman “creative freedom” an nei lemlo a ni. Tin, an khelhpui turte ang tho hian ball chan tam lutuk hi an tum ber a ni ngailo a. An pahnih hian khawng taka inrem a, dawhthei leh dam taka inkhelh a, counter-attack rang tak hmang thinte ve ve an nih avang hian a tu zawkin nge va ngam hmasa tur zawk hriatthiam pawh a har a ni. Sawi tawh ang khan he England team hi inkhel thunun tak tuma inrem an ni ngailo a, chu chu England sawiseltu leh tantu tam tak te khan hre ta ila, an khelhpuite hian ball an chantam an pawi ti lemlo a, anmahni felfai taka an inrem a, na taka nawr let thut kha an tum a ni mai a ni. Hei hi Roy Hodgson-a tactic dik tak a ni a, Malmö FF, Internazionale (Inter Milan), Blackburn Rovers, Fulham leh West Bromwich Albion ah te a lo hlawhtlinpui viau tawh thin a ni. Tactic hmuhnawm tak a ni ngai hauhlo a, mahse a “effective” em em thung tih kan hriat a tha awm e.

England tan hian Italy deep-lying playmaker Andrea Pirlo a hnawk hle anga, England midfield ten ball a chanin hmun leh hun an pek loh ngei a ngai ang a, chumi a nihloh chuan Italy dinhmun a tha zawk ngei ang. Tin, England tlarhma Rooney leh Welbeck te hian midfield ah an in “drop deep” chhawkin Pirlo hi an chhaihbuai ngun viau a ngai dawn bawk a ni.

England tan erawh an khelhpui turte chaklohna hi an chakna a ni thei dawn a. Italy defence te hi tha viau mahse tunhma ang anni tawhlo tih a chiang. Chutah Giorgio Chiellini inhliam thlaktu tur hi defender tha leh beiseiawm berte zinga mi nimahse a awmloh a lan ngei a rinawm tho a ni.  Italy chaklohna ber chu full-backs ah a ni a, helai thlurbing hi England tihmakmawh a ni. An tactic a “width” nei tha England hian tactic “narrow’ tak hmang Italy hi an winger te hmangin a sirah an nawr tawm hneh hle thei dawn a ni. Hei vang tak hian Milner leh Young ten England in space an hmuh tam lehzual nan Italy full-back te hi an nawr tawm hle a pawimawh dawn a ni. Tin, bench atangin Walcott-a “pace” leh Chamberlain-a “unpredictability” te pawhin mamawh an nih hunah awmzia thui tak an nei thei ang.

Italy hian inkhel an thunun zawk a rinawm a, England lam fimkhur takin an khel ang a, counter-attack ah an hlauhawm zauh zauh ang. England tan goal chhuahloh a pawimawh ber dawn a ni.

Italy

Italy pawh hi Euro dawn boruak duhawmloh tawng an nih avangin tam tak chuan a nghawng an ring a, an beisei sang lutuk lemlo. Mahse an group ah vawi 2 draw a, vawi 1 chakin Quarter-Final an thleng a, players te an confi tawlh tawlh a ni.

Team News leh Selection:

Italy hian inhliam neuh neuh an nei ve nual tho a, Giorgio Chiellini chu a malpui tha a tihhliam leh avangin a khel theilo ngei dawn a, a aiah a club teammate Bonucci a rawn din hmel a ni.

Midfield ah Thiago Motta hi dam hman tura beisei a ni a, mahse a khel theilo anih chuan a aiah Riccardo Montolivo emaw Alessandro Diamanti an midfield leh attack inkarah an ding ang.

Tlarhmaah Balotelli leh Cassano bawk an inkawp leh ang a, a nungchang a zirin Di Natale kan hmu hma viau thei bawk a ni.

Possible Starting Line-Up [4-3-1-2]: Buffon; Abate, Bonucci, Barzagli, Balzaretti; De Rossi, Pirlo, Marchisio; Motta; Cassano, Balotelli

One Booking Away From Suspension: Balotelli, Federico Balzaretti, Leonardo Bonucci, Daniele De Rossi, Christian Maggio, Montolivo, Thiago Motta leh Gianluigi Buffon

Tactical Analysis:

Tun Euro a Italy team sawi ruala sawi tel ngei ngei ngai chu an “tactical flexibility” tha lutuk hi a ni. He team hi eng dinhmunah pawh ding se an insiamrem thei tlat zel a, hetiang an neih theihna tur player leh coach an nei hi an fakawm. Inkhelh laklawhlai pawhin 4-3-1-2 atangin 3-5-2 ah buai map loin an insawn thei a, an players te pawh an insiamrem thei zel a, tin, 4-2-3-1 leh 4-4-2 pawhin an khel thei mai nilo in an hlauhawm thei tho a ni. Tun dinhmun an thlenna chhan leh Euro 2012 ah team hlauhawm te zinga mi an rawn nih chhoh chhan chu he “tactical flexibility” hi squad ah an neih tlat vang liau liau a ni.

Spain nen an inkhelh khan anni aia tha zawk an tum tih an hria a, chutiang tur tak chuan an insiamrem a, mite beisei phak baka khelin point khat pawimawh tak an hmu a. Croatia an tum lehin a tawpah Ireland an tum dawn tih hre lawk ranin fimkhur takin an inrem leh lawi si a, Croatia laka chetsual an duhlo a ni. Ireland lakah formation tawp thlakin an rawn khel hlauhawm hle a, an tihtur tha takin an rawn ti a, Group Stage atang ringawt pawh hian an insiamrem theihzia chu a hriat a ni.

Chiellini khel theilo tur avang hian a teammate Bonucci chuan an teammate tho Barzagli a dinpui ang a, tin, Cesare Prandelli tana thutlukna siam har leh tur chu tlarhma lamah a ni. Balotelli hi Ireland nena an inkhelhin a aiah Di Natale a luhtir a, mahse Balotelli zawk hian goal a rawn thunin a rawn hlauhawm zawk a. Hemite pahnih hi an inchhawk a ni deuh ber a, zaninah hian Balotelli chungah rinna an nghah zawk hmela ni.

Italy hian 4-3-1-2 bawk an rawn hman leh hmel a, tun tournament a kheltha tak De Rossi chu Pirlo leh Marchisio te bulah a ding ang a, Sweeper position a awm tawhlo in a midfield position pangngaiah a khel thei dawn tihna a ni. Thiago Motta hi Cassano leh Balotelli te hnungah “No.10 Role” ah a din hmel a, mahse he position a khel tur hian a creativity leh technique a tha tawklo tiin sawiselna a tawng ve bawk.

Italy hian alai hi an hnawhkhawm hneh hle a, an full-back te hi an inkhel a width kengtu te chu an ni deuh mai dawn a ni.

Inkhel tan atangin chungnun zawk an tum char char anga, a hma thei ang bera goal thun an tum bawk ang.

(Possible Line-up in Pics)

Hriattur tlem te:

  • England hian Group Stage ah shot conversion rate an nei sang ber a ni. (21.7%)
  • Italy hian Cesare Prandelli enkawlna hnuaiah hnehloh an la nei miahlo a ni: 13 games, 9 wins, 4 draws.
  • Italy leh England hian set-piece atangin goal thum ve ve an thun tawh a, tun Euro ah chuan an la sang ber a ni.
  • England hian Major International Tournament a Quarter-Final vawi 10 ah vawi 7 an chaklo tawh a, 1966, 1990 leh 1996 ah te chiah an la chak a ni.
  • Italy hi tum hnih Major International Tournament Quarter-Final ah an tla tawh a – penalty ah ve ve an ni bawk. (Euro 2008 v Spain and World Cup 1998 v France)

Player To Watch:

Andrea Pirlo (Italy)


Pirlo hi tun season ah Juventus Serie A a an champion na kawnga mi pawimawh ber a tih theih a, chumi vang chuan Italy fans te pawhin an team khaidingtu atan a lakah beiseina an nei sang hle a, tun thleng hian a la tilawm zel a ni.

Pirlo leh De Rossi te hi tun Euro a Italy player che tha berte an ni chiang a. Pirlo hian assist pawimawh lutuk vawi hnih a neih tawh bakah free-kick tha zet mai a thun tawh bawk a, tin, Italy game siamtu ber a ni a, Spain nena an inkhelh phei kha chuan a khel ropui hle a ni.

Defending lama fimkhur England lakah hian Pirlo hi a pawimawh dawn hle a, England defense hawng theitu tur chu ani hi a ni.

Author Prediction:

England 0 – 1 Italy

Inkhel inhawng leh hmuhnawm tak chu a ni lemlo anga, team pahnihte an fimkhur hle dawn a, an tlarhnung an veng anga, rang tak takin counter-attack an tum thin ang. Italy in midfield an ngam anga, England erawhin Italy defense an chhaihbuai thei thin ang.

Chak tur chuan goal khat a tawk viau ang a, an inbeitawk hle bawk ang. Penalty an pet anih pawhin a mak lo ang a, penalty record nei chhia pahnih an ni a, an pet anih chuan tlang tur a sawilawk theihloh ang.

62 thoughts on “England Vs Italy Preview

  1. Pingback: cialis discount

  2. Pingback: cost of cialis

  3. Pingback: oh canada

  4. Pingback: mortgage calculator canada

  5. Pingback: online payday loans

  6. Pingback: Buy generic cialis

  7. Pingback: auto generated contents

  8. Pingback: faux mens watches cartier

  9. Pingback: 카지노사이트

  10. Pingback: porn

  11. Pingback: alcohol

  12. Pingback: 카지노사이트

  13. Pingback: https://moj-biznes.pl/forum/

  14. Pingback: Replica rolex submariner 16233

  15. Pingback: 토토

  16. Pingback: 놀이터추천

  17. Pingback: New World MMORPG

  18. Pingback: Buy CBD Products

  19. Pingback: vipbandarq

  20. Pingback: www.klikdokter.com

  21. Pingback: Melanie Bowen

  22. Pingback: 바카라

  23. Pingback: Royal Online v2

  24. Pingback: cbdicals

  25. Pingback: link vao w88

  26. Pingback: bitcoin qr code generator

  27. Pingback: hondaqq

  28. Pingback: astropay

  29. Pingback: 온라인카지노

  30. Pingback: selling market research

  31. Pingback: Apollon Market

  32. Pingback: i99bet

  33. Pingback: ปล่อยเงินด่วน

  34. Pingback: Crystal Meth Shop

  35. Pingback: แทงบอล

  36. Pingback: link nha cai

  37. Pingback: cbd

  38. Pingback: cbd

  39. Pingback: บริษัท ออล ครีเอตี้ แลนด์ จำกัด

  40. Pingback: Bassett Caterers

  41. Pingback: Empire Market

  42. Pingback: ไวอากร้า

  43. Pingback: https://portalfirmowy.net.pl/forum/

  44. Pingback: road cases decals

  45. Pingback: product master vip

  46. Pingback: Casa em Orlando

  47. Pingback: ts911betsoccer.com

  48. Pingback: RAP/DILM/HIP-HOP

  49. Pingback: rajabandarq

  50. Pingback: TV Mounting Services Edinburgh

  51. Pingback: hi-lo,ไฮโลออนไลน์,สูงต่ำ

  52. Pingback: rarest gemstones

  53. Vanlalzawna pialtu

    Post chiar manhla hle mai….England tan chuan captain ropui steven gerard pawimawh leh dawn, amahah England game thui tak a innghat leh ngei turah ka ngai….England 2-0 Italy ka ring e….

  54. Mama

    England tan hi chu, rilru chu a hah duh deuh. Kan inkhel en ve pawh hi, ekchhuak thut deuh reuh hian kan thu reng mai ni. England 3-1 Italy ka ring ve tlat. Chuan Balotelli hian card a hmuh leh han beisei phawt teh ang

  55. hehe

    Kei chu zanina chak zawk zawk hi champion se ka ti…..mahse tun tum euro a ka tan te hi hmeichhe ho tan awm tawk leh thina ka ngaih kha an nia…ka tan ber holland an tla tawh bawk a..tan ve mai mai teh ang..england pawh hi chelsea vanneihna ang kha an nei ve mai thei a sin…….

  56. Puia Riquelme

    Ngaihnawm khawp mai…England hi penalty ah vanduai fo thin mah ila tuntum chu kan chak keuh dawn 😀

  57. Mangaia Bawlte

    Post tha in bengvarthlak e.zanin chu Italy lam an chungnung zawk dawn tlat.ITALY 2-1 ENGLAND ka ring tlat.

Leave a Reply

England Vs Italy Preview

Zaninah tantu ngah England leh Italy ten Euro 2012 Quarter-Final round a game hnuhnung ber an khel dawn. He inkhel a chak zawk hian Semi-Final ah Germany an tum leh dawn a ni. (more…)

Leave a Reply