English Premier League Club Te Hming Leh Nickname – II

Chhunzawm leh mawp mawp mai ang aw.

11. Newcastle United – The Magpies / The Toon:
Newcastle United hming lo chhuah dan hi ngaihnawm tak a ni. Kum 1881 khan Byker hmunah Stanley Cricket Club chuan Football Club an din a, a kum leh ah Newcastle East End tih hming invuahin an khel tan a. Tin, hemi kum vek hian Rosewood FC in an rawn fin bawk a. Kum 1886 ah Byker atangin Heaton ah an insuan a, kum 1889 ah professional football an khel tan a. Hetih lai hian West End Cricket Club chuan kum 1882 ah Newcastle West End an din ve bawk a. Anni hi 1886 ah St James’ Park ah an insuan lut ve bawk a. Amaherawhchu heng club pahnihte hi kum 1892 ah sum lam harsatna avangin an infin a, Newcastle United a lo piang ta a ni.

An nickname ‘Magpies’ hi an magpies sava rawng, an jersey rawng ni bawk atanga lak niin ‘Toon’ hi local mi ten ‘Town’ tih an lam dan atanga lak a ni bawk.

12. Norwich City – Canaries :
Kum 1902 ah din a nih atang khan Norwich City tih hming a la pu char char a ni.

‘Canaries’ tih hi Norwich leh a chhehvela sava vulh hlawh tak hming atanga lak niin an club jersey rawng ah an hmang bawk a, club logo ah a chuang bawk.

13. Queens Park Rangers – The Hoops :
Kum 1882 ah St Jude’s FC tih hming pu in din a ni a. Hemi kum vek hian Christ Church Rangers nen infin in Queens Park Rangers tih an ni ta a ni. Heti h hunlaia an club player zawng zawng deuh thaw chu London hmarthlang lama hmun pakhat Queen’s Park hmuna cheng an nih avangin an club hmingah pawh Queens Park telh a ni nghe nghe.

An nickname hi an club jersey tial dan (Hoops) atanga lak mai a ni.

14. Stoke City – The Potters :
Anni hi kum 1863 khan Charterhouse School zirlai ten Stoke Ramblers tih hming pu in an din a. Kum 1878 ah Stoke Victoria Cricket Club nen infinin kum 1928 ah Stoke in City dinhmun a luah khan Stoke City tih a ni ta a ni.

An nickname ‘The Potters’ tih hi hlum hmanga bel leh eng ilo siamna (pottery) lama Stoke a hmingthan em avanga phuah an ni.

15. Sunderland – The Black Cats :
Sunderland hi kum 1879 ah Sunderland and District Teacher AFC tih hming pua din a ni a, a hnu reilote ah a hming hi titawiin Sunderland tih a ni ta a ni.

Kum 1997 a Stadium of Light an luah dawn khan fan-te hnenah club nickname tur an thlan tir a. Vote 11,000 hmu in ‘The Black Cats’ tih hi thlan a ni.

Sunderland leh Black Cat hian inzawmna thui tak a nei a. Kum 1800 bawr vel khan tuna Sunderland Club awmna bul Wear lui kama ralven buk ah sipai pakhat chu thla bial zan ah thli thaw vuk vuk karah zawhte dum a hmuh avangin a tlanchhia a. A chhan chu zawhte dum kha mitthi thlarau ni tlata a hriat vang a ni. Chuta tang chuan chulai hmun chu ‘Black Cat Battery’ tih a ni ta a, Sunderland Football Club hnaih te a awm a nih vangin nickname ah an pu ta a ni.

Tin, kum 1905 khan Club Chairman bulah zawhte dum hi ball chunga thu in hmuh a ni thin a, ‘Good Luck’ ah a ngai a ni awm e. Kum 1937 khan fan pakhat Billy Morris chuan Wembley stadium ah zawhte dum a pawm lut a, hemi tum hian Sunderland in FA Cup a an champion hmasak ber tum an tawng nghe nghe a ni. Tin, kum 1960 vel khan Sunderland a Roker Park ah zawhte dum a awm thin a, chu chu club in chawmin an enkawl thin bawk. Hengte avang hian ‘The Black Cats’ tih hi an inhmeh hle a ni.

16. Swansea City – The Swans / The Jacks :
Kum 1912 khan Swansea Town tia din a ni a. Ku 1969 ah Swansea City tia thlak a ni.

Swansea club leh a tantute hi ‘The Swans’ tih an ni a, hei hi club hming atanga lak a ni.

Tin, ‘The Jacks’ an ti bawk a. Hei hi kum zabi 17 na vela Swansea khaw mi ten lawng an khalh thiam em vanga an lar zia hriatreng nana an phuah a ni. Tin, Swansea Jack an tih ui (dog), mi 27 lai nunna chhanhimtu hriatreng nana an phuah a ni bawk.

17. Tottenham Hotspurs – Spurs / Lilywhites :
Kum 1882 ah Hotspurs FC tia din a ni a. A hming hi Shakespeare-a thawnthu lar tak ‘Henry IV’ a Henry Hotspur hming atanga lak a ni. Kum 1908 ah Tottenham Hotspurs tia thlak a ni.

‘Spurs’ tih hi an club hming atanga lak a ni a, ‘Lilywhites’ hi an jersey rawng atanga lak a ni.

18. West Bromwich Albion – The Baggies :
Kum 1878 ah West Bromwich Strollers ti a din a ni a. Kum 1880 ah West Bromwich Albion tia thlak a ni.

An nickname hi kum 1900 vela an players kekawr ha fual thei tak takte vanga phuah a ni. Tin, hetih lai vel hian an stadium ah hian luhna leh chhuahna pahnih chauh a awm a, hei vang hian gate pahnihte chu a lun thei hle a. Gate vengtu leh ticket zuartu ni bawk chuan a ticket hralhna man tam tham tak chu bag ah dahin a pu lawih thin a. Chuvang chuan ‘Bag man’ tih a ni a. Inkhelh dawna bag man a lo chhuah tawh chuan mipui inkhel entura luh chak tawhte chuan, “Here comes the bag man.” an lo tirual thin a. A lo rei deuh a, “Here comes the baggies.” an ti ta a. Chu chu club nickname atan an hmang zui ta a ni.

19. Wigan Athletics – The Lactics :
Anni hi kum 1932 a din niin an club hming hi an la thlak ngai lo a ni.

An nickname ‘Lactics’ hi an club hming ‘Athletics’ lam duhdah atanga lokal a ni.

20. Wolverhampton Wanderers – Wolves :
Kum 1877 khan Blakehall ah St Luke’s Church School tia din a ni a. Kum 1879 khan The Wanderers nen infinin Wolverhampton Wanderers tih a lo ni ta.

An nickname hi eng dang ni lovin an club hming atanga lak a ni.

Awle, a dik thei ang bera ngaih lakkhawm a ni a, a dik lo palh a awm a nih chuan inhriattir ni se.

12 thoughts on “English Premier League Club Te Hming Leh Nickname – II

  1. Pingback: order cialis online

  2. Pingback: cialis india

  3. Pingback: Cialis professional no prescription

  4. Zaia Roite

    Ngaihnawm lutuk tlat. Hriat hnu tam mahse i present dan a nalh a, a ngaihnawmin a bengvarthlak khawp mai.

  5. Rooney Opa Post author

    a ni ngawt mai tiraw. Hna dang thawk kawp chung chuan heng a lar ho bak hi chu a har ve bawk em a. Mahse, hei ziaktu tha tak tak kan nei a, an rawn ti leh thei mai ang.

  6. laipuichhuanga

    E,kn huagtau leh lwk,beisei asang laklwh,min tivir ta sa2,european league tenau lamho,eg.Belgian jupiler,Swedish Allsvenskan,Turkish super lig etc.tih vel te hi update tlak tilo mah ula thlirzauna vel ag tal pwh rwn post theih nse kavan t yem

Leave a Reply

English Premier League Club Te Hming Leh Nickname – II

Chhunzawm leh mawp mawp mai ang aw.

11. Newcastle United – The Magpies / The Toon:

Newcastle United hming lo chhuah dan hi ngaihnawm tak a ni. Kum 1881 khan Byker hmunah Stanley Cricket Club chuan Football Club an din a, a kum leh ah Newcastle East End tih hming invuahin an khel tan a. Tin, hemi kum vek hian Rosewood FC in an rawn fin bawk a. Kum 1886 ah Byker atangin Heaton ah an insuan a, kum 1889 ah professional football an khel tan a. Hetih lai hian West End Cricket Club chuan kum 1882 ah Newcastle West End an din ve bawk a. Anni hi 1886 ah St James’ Park ah an insuan lut ve bawk a. Amaherawhchu heng club pahnihte hi kum 1892 ah sum lam harsatna avangin an infin a, Newcastle United a lo piang ta a ni.

An nickname ‘Magpies’ hi an magpies sava rawng, an jersey rawng ni bawk atanga lak niin ‘Toon’ hi local mi ten ‘Town’ tih an lam dan atanga lak a ni bawk.

12. Norwich City – Canaries :

Kum 1902 ah din a nih atang khan Norwich City tih hming a la pu char char a ni.

‘Canaries’ tih hi Norwich leh a chhehvela sava vulh hlawh tak hming atanga lak niin an club jersey rawng ah an hmang bawk a, club logo ah a chuang bawk.

13. Queens Park Rangers – The Hoops :

Kum 1882 ah St Jude’s FC tih hming pu in din a ni a. Hemi kum vek hian Christ Church Rangers nen infin in Queens Park Rangers tih an ni ta a ni. Heti h hunlaia an club player zawng zawng deuh thaw chu London hmarthlang lama hmun pakhat Queen’s Park hmuna cheng an nih avangin an club hmingah pawh Queens Park telh a ni nghe nghe.

An nickname hi an club jersey tial dan (Hoops) atanga lak mai a ni.

14. Stoke City – The Potters :

Anni hi kum 1863 khan Charterhouse School zirlai ten Stoke Ramblers tih hming pu in an din a. Kum 1878 ah Stoke Victoria Cricket Club nen infinin kum 1928 ah Stoke in City dinhmun a luah khan Stoke City tih a ni ta a ni.

An nickname ‘The Potters’ tih hi hlum hmanga bel leh eng ilo siamna (pottery) lama Stoke a hmingthan em avanga phuah an ni.

15. Sunderland – The Black Cats :

Sunderland hi kum 1879 ah Sunderland and District Teacher AFC tih hming pua din a ni a, a hnu reilote ah a hming hi titawiin Sunderland tih a ni ta a ni.

Kum 1997 a Stadium of Light an luah dawn khan fan-te hnenah club nickname tur an thlan tir a. Vote 11,000 hmu in ‘The Black Cats’ tih hi thlan a ni.

Sunderland leh Black Cat hian inzawmna thui tak a nei a. Kum 1800 bawr vel khan tuna Sunderland Club awmna bul Wear lui kama ralven buk ah sipai pakhat chu thla bial zan ah thli thaw vuk vuk karah zawhte dum a hmuh avangin a tlanchhia a. A chhan chu zawhte dum kha mitthi thlarau ni tlata a hriat vang a ni. Chuta tang chuan chulai hmun chu ‘Black Cat Battery’ tih a ni ta a, Sunderland Football Club hnaih te a awm a nih vangin nickname ah an pu ta a ni.

Tin, kum 1905 khan Club Chairman bulah zawhte dum hi ball chunga thu in hmuh a ni thin a, ‘Good Luck’ ah a ngai a ni awm e. Kum 1937 khan fan pakhat Billy Morris chuan Wembley stadium ah zawhte dum a pawm lut a, hemi tum hian Sunderland in FA Cup a an champion hmasak ber tum an tawng nghe nghe a ni. Tin, kum 1960 vel khan Sunderland a Roker Park ah zawhte dum a awm thin a, chu chu club in chawmin an enkawl thin bawk. Hengte avang hian ‘The Black Cats’ tih hi an inhmeh hle a ni.

16. Swansea City – The Swans / The Jacks :

Kum 1912 khan Swansea Town tia din a ni a. Ku 1969 ah Swansea City tia thlak a ni.

Swansea club leh a tantute hi ‘The Swans’ tih an ni a, hei hi club hming atanga lak a ni.

Tin, ‘The Jacks’ an ti bawk a. Hei hi kum zabi 17 na vela Swansea khaw mi ten lawng an khalh thiam em vanga an lar zia hriatreng nana an phuah a ni. Tin, Swansea Jack an tih ui (dog), mi 27 lai nunna chhanhimtu hriatreng nana an phuah a ni bawk.

17. Tottenham Hotspurs – Spurs / Lilywhites :

Kum 1882 ah Hotspurs FC tia din a ni a. A hming hi Shakespeare-a thawnthu lar tak ‘Henry IV’ a Henry Hotspur hming atanga lak a ni. Kum 1908 ah Tottenham Hotspurs tia thlak a ni.

‘Spurs’ tih hi an club hming atanga lak a ni a, ‘Lilywhites’ hi an jersey rawng atanga lak a ni.

18. West Bromwich Albion – The Baggies :

Kum 1878 ah West Bromwich Strollers ti a din a ni a. Kum 1880 ah West Bromwich Albion tia thlak a ni.

An nickname hi kum 1900 vela an players kekawr ha fual thei tak takte vanga phuah a ni. Tin, hetih lai vel hian an stadium ah hian luhna leh chhuahna pahnih chauh a awm a, hei vang hian gate pahnihte chu a lun thei hle a. Gate vengtu leh ticket zuartu ni bawk chuan a ticket hralhna man tam tham tak chu bag ah dahin a pu lawih thin a. Chuvang chuan ‘Bag man’ tih a ni a. Inkhelh dawna bag man a lo chhuah tawh chuan mipui inkhel entura luh chak tawhte chuan, “Here comes the bag man.” an lo tirual thin a. A lo rei deuh a, “Here comes the baggies.” an ti ta a. Chu chu club nickname atan an hmang zui ta a ni.

19. Wigan Athletics – The Lactics :

Anni hi kum 1932 a din niin an club hming hi an la thlak ngai lo a ni.

An nickname ‘Lactics’ hi an club hming ‘Athletics’ lam duhdah atanga lokal a ni.

20. Wolverhampton Wanderers – Wolves :

Kum 1877 khan Blakehall ah St Luke’s Church School tia din a ni a. Kum 1879 khan The Wanderers nen infinin Wolverhampton Wanderers tih a lo ni ta.

An nickname hi eng dang ni lovin an club hming atanga lak a ni.

Awle, a dik thei ang bera ngaih lakkhawm a ni a, a dik lo palh a awm a nih chuan inhriattir ni se.

Leave a Reply