English Premier League Club Te Hming Leh Nickname – I

Tun tum chu Hriatzauna lampang hawl ang aw. English Premier League kan en nasa a, club hrang hrangte kan hre bel in an koh dan (nickname) thlengin kan hre bel em em a. Amaherawhchu, an nickname te hi engtia an neih nge tih erawh hria kan awm a nih pawhin hre lo kan thahnem zawk ngeiin ka ring a. Hriat bik vang leh thiam bik vang pawh nilovin ka chhiar atanga hriat ve tho ka rawn chhawpchhuak ve thuai mai dawn a ni. Tin, tunah hian English Premier League club te chauh kan chhui a, nakinah league dang club te pawh kan ti chho zel turah ngai ila, tin, tun tumah hian a sei hlauh avangin team 10 kan han ti phawt a, lehpek ah a dang 10 tih leh kan tum dawn nia.

1. Arsenal – The Gunners :
Arsenal Football Club hi kum 1886 khan Woolwich Armament Factory a thawk ten an din a ni a. Club hming hi vawi tam tak thlak a ni tawh a. A tirah chuan Dial Square tih a ni phawt a, a hnu reilote ah Royal Arsenal tia thlak a ni leh a. Kum 1893 ah Woolwich Arsenal tih a ni leh a, kum 1914 ah Woolwich hi paihin Arsenal tih a lo ni ta a ni.

An nickname ‘The Gunners’ tih hi club dintute Woolwich Armament Factory (ralthuam siamna) hriatreng nana hman a ni.

(Note : Arsenal tantute hi Gooners tih an ni a, a club erawh hi chu Gunners tih a ni. Hriatpawlh loh tur a ni e.)

2. Aston Villa – The Villans :
Kum 1874 khan Birmingham a Cricket Team pakhat Villa Cross te chuan thlasik chhunga an intihhlim nan football team din an rel a. Aston Villa hi an din ta a ni.

An nickname hi engdang hmang lovin an club official name a ‘Villa’ tih atanga lak a ni.

3. Blackburn Rovers – Riverside Rovers / Rovers :
Kum 1875 a din Blackburn Rovers hian an club din tirh ata an hming ngai an la hmang a ni.

An nickname hi an club hming lamtawi a ni mai a. Amaherawhchu, sawi dan dangah chuan Rovers tih hi chak duh vanga hmun hla tak tak pawh pan thin team sawi nan an hmang bawk thin a, hemi vanga an phuah nia sawi a ni bawk.

4. Bolton Wanderers – The Trotters :
Kum 1874 a din Bolton hian chanchin ngaihnawm tak a nei a. An din tirh hian Egerton, Bolton ah inkulh in Christ Church FC tih a ni a, mahse, hotu lamah inhmuhthiam lohna a awm avangin an insawn chhuak ta a. Tin, club hming pawh kum 1877 khan an thlak bawk a. Egerton atanga an chhuah hnu hian awmna hmun nghet an hmuh theih loh avangin an insawn kual reng a, hei vang hian an club hmingah Wanderers an telh nghe nghe a ni.

An nickname an neih dan pawh hi a ngaihnawm khawp mai. Sawi dan chi hnih a awm a, pakhatna ah chuan an club an dintirh hian an ground hi vawk vulhna bula awm a ni a, vawk in hnuai velah te chuan ball a lut reng mai thin a, va la leh tur chuan bawkvak titih (trot) a an luh a ngai thin a. Hemi vanga ‘Trotters’ tih an ni e an ti a. Tin, a dang leh ah chuan Bolton ah hian mi phawk tak tak an tam a, heng ho hi local tawngin ‘trotters’ an ti thin a, chuta tanga phuah chu niin an sawi bawk.

5. Chelsea – The Pensioners / The Blues :
Kum 1905 a din Chelsea hian an club hming hi a tir a mi an la hmang a ni.

Kum 1952 hma zawng kha chuan ‘The Pensioners’ tih an ni thin a, a chhan chu an club bul lawka awm Royal Hospital Chelsea a Chelsea Pensioners ho thawmhnaw rawng ang jersey an neih thin vang a ni. The Blues tih hi chu an jersey rawng atanga lak a ni.

6. Everton – The Toffees :
Everton hi kum 1878 khan St Domingo’s Methodist Church a lawi te tan bik din niin St Domingo’s FC tih a ni a. Amaherawh chu, hemi Biak In a lawi ve lo te an khelh ve duh avangin a kum leh ah Everton tia thlak a ni ta a ni.

‘Toffees’ tih hi an phuah chhan sawi dan chi hnih a awm a. Pakhatna ah chuan club bul lawka chithlum zawrhna pakhat Mother Noblett an tih chuan inkhelh ni apiangin Everton Mint (toffee) a zuar thin a, heta tanga toffees tih ni ta in an sawi a. A dang leh ah chuan 1950/60 chho vel khan nu pakhat a pawl leh a vara inthuam thin chuan inkhelh hmain mipui zingah kal kualin ‘toffee’ a vawr thin a, chu chu tihdan thanah nei chho in an ching chho ta zel a. Chuta tang chuan an nickname hi an lo pu ta niin an sawi.

7. Fulham – The Cottagers :
Fulham hi Church of England a mi ten kum 1879 khan Fulham St Andrew’s Church Sunday School FC tiin an din a. Kum 1888 ah a hming hnuhnung ho hi paihin Fulham tih a lo ni ta a ni.

An nicname ‘cottagers’ tih hi an home ground ‘Craven Cottage’ hming chawia phuah a ni.

8. Liverpool – The Reds :
Kum 1892 ah Everton FC & Athletics Grounds Ltd tih hming pua din niin hemi kum vek hian Liverpool tia thlak leh a ni.

An nickname hi an club jersey rawng atanga phuah a ni.

9. Manchester City – The Citizens / The Blues
Anni hi kum 1880 khan St Mark’s tih hming pu in din a ni a, kum 1894 ah Manchester City tia thlak leh a ni.

An nickname ‘The Citizen’ tih hi an hming ‘City’ tih atanga lak niin ‘The Blues’ tih hi an jersey rawng atanga lak a ni.

10. Manchester United – The Red Devils :
Anni hi kum 1878 khan Newton Heath a Lancashire and Yorkshire Railway depot a thawk ten Newton Heath LYR Football Club tiin an din a ni a. Kum 1902 khan Manchester United tia thlak a ni.

An nickname hi sawi dan chi hnih a awm a, pakhatna ah chuan France a an zin lai, kum 1960 chho velah khan an jersey sen avangin Red Devils an lo ti a. Chu chu Sir Matt Busby khan tha a tih em avangin an club logo ah Devil lem telh turin a ti hial a ni. A dang leh ah chuan Rugby team Salford ground ah an training thin a, Salford ho hi Red Devils an ti thin a, chu chu an chhawm ve ta a ni an ti.

 

13 thoughts on “English Premier League Club Te Hming Leh Nickname – I

  1. Pingback: cialis coupon cvs

  2. Pingback: discount cialis

  3. MadongaJongte

    Tha thuai thuai hle mai ka hriatchan deuh chu an khua ho hi Man city te united chu Manchester khua tih ka hria tin London club ho ka hrebok ka hriat loh tam tak ala awm lo post thei chuan lo post teh u.

  4. Xavi fanai

    Gaihnwm hle mai a..cuan club hrag hrag players ho karkhat hlwh zat zel te hi a club club in rwn tarlang thei in wm em?club khata wm ho theuh2,lar theuh2 te hlwh intam hleih dan te hi ka hriat cak zwg ani leh pek tlat mai.a thei cuan rwn ti teh u a..

Leave a Reply

English Premier League Club Te Hming Leh Nickname – I

Tun tum chu Hriatzauna lampang hawl ang aw. English Premier League kan en nasa a, club hrang hrangte kan hre bel in an koh dan (nickname) thlengin kan hre bel em em a. Amaherawhchu, an nickname te hi engtia an neih nge tih erawh hria kan awm a nih pawhin hre lo kan thahnem zawk ngeiin ka ring a. Hriat bik vang leh thiam bik vang pawh nilovin ka chhiar atanga hriat ve tho ka rawn chhawpchhuak ve thuai mai dawn a ni. Tin, tunah hian English Premier League club te chauh kan chhui a, nakinah league dang club te pawh kan ti chho zel turah ngai ila, tin, tun tumah hian a sei hlauh avangin team 10 kan han ti phawt a, lehpek ah a dang 10 tih leh kan tum dawn nia.

1. Arsenal – The Gunners :

Arsenal Football Club hi kum 1886 khan Woolwich Armament Factory a thawk ten an din a ni a. Club hming hi vawi tam tak thlak a ni tawh a. A tirah chuan Dial Square tih a ni phawt a, a hnu reilote ah Royal Arsenal tia thlak a ni leh a. Kum 1893 ah Woolwich Arsenal tih a ni leh a, kum 1914 ah Woolwich hi paihin Arsenal tih a lo ni ta a ni.

An nickname ‘The Gunners’ tih hi club dintute Woolwich Armament Factory (ralthuam siamna) hriatreng nana hman a ni.

(Note : Arsenal tantute hi Gooners tih an ni a, a club erawh hi chu Gunners tih a ni. Hriatpawlh loh tur a ni e.)

2. Aston Villa – The Villans :

Kum 1874 khan Birmingham a Cricket Team pakhat Villa Cross te chuan thlasik chhunga an intihhlim nan football team din an rel a. Aston Villa hi an din ta a ni.

An nickname hi engdang hmang lovin an club official name a ‘Villa’ tih atanga lak a ni.

3. Blackburn Rovers – Riverside Rovers / Rovers :

Kum 1875 a din Blackburn Rovers hian an club din tirh ata an hming ngai an la hmang a ni.

An nickname hi an club hming lamtawi a ni mai a. Amaherawhchu, sawi dan dangah chuan Rovers tih hi chak duh vanga hmun hla tak tak pawh pan thin team sawi nan an hmang bawk thin a, hemi vanga an phuah nia sawi a ni bawk.

4. Bolton Wanderers – The Trotters :

Kum 1874 a din Bolton hian chanchin ngaihnawm tak a nei a. An din tirh hian Egerton, Bolton ah inkulh in Christ Church FC tih a ni a, mahse, hotu lamah inhmuhthiam lohna a awm avangin an insawn chhuak ta a. Tin, club hming pawh kum 1877 khan an thlak bawk a. Egerton atanga an chhuah hnu hian awmna hmun nghet an hmuh theih loh avangin an insawn kual reng a, hei vang hian an club hmingah Wanderers an telh nghe nghe a ni.

An nickname an neih dan pawh hi a ngaihnawm khawp mai. Sawi dan chi hnih a awm a, pakhatna ah chuan an club an dintirh hian an ground hi vawk vulhna bula awm a ni a, vawk in hnuai velah te chuan ball a lut reng mai thin a, va la leh tur chuan bawkvak titih (trot) a an luh a ngai thin a. Hemi vanga ‘Trotters’ tih an ni e an ti a. Tin, a dang leh ah chuan Bolton ah hian mi phawk tak tak an tam a, heng ho hi local tawngin ‘trotters’ an ti thin a, chuta tanga phuah chu niin an sawi bawk.

5. Chelsea – The Pensioners / The Blues :

Kum 1905 a din Chelsea hian an club hming hi a tir a mi an la hmang a ni.

Kum 1952 hma zawng kha chuan ‘The Pensioners’ tih an ni thin a, a chhan chu an club bul lawka awm Royal Hospital Chelsea a Chelsea Pensioners ho thawmhnaw rawng ang jersey an neih thin vang a ni. The Blues tih hi chu an jersey rawng atanga lak a ni.

6. Everton – The Toffees :

Everton hi kum 1878 khan St Domingo’s Methodist Church a lawi te tan bik din niin St Domingo’s FC tih a ni a. Amaherawh chu, hemi Biak In a lawi ve lo te an khelh ve duh avangin a kum leh ah Everton tia thlak a ni ta a ni.

‘Toffees’ tih hi an phuah chhan sawi dan chi hnih a awm a. Pakhatna ah chuan club bul lawka chithlum zawrhna pakhat Mother Noblett an tih chuan inkhelh ni apiangin Everton Mint (toffee) a zuar thin a, heta tanga toffees tih ni ta in an sawi a. A dang leh ah chuan 1950/60 chho vel khan nu pakhat a pawl leh a vara inthuam thin chuan inkhelh hmain mipui zingah kal kualin ‘toffee’ a vawr thin a, chu chu tihdan thanah nei chho in an ching chho ta zel a. Chuta tang chuan an nickname hi an lo pu ta niin an sawi.

7. Fulham – The Cottagers :

Fulham hi Church of England a mi ten kum 1879 khan Fulham St Andrew’s Church Sunday School FC tiin an din a. Kum 1888 ah a hming hnuhnung ho hi paihin Fulham tih a lo ni ta a ni.

An nicname ‘cottagers’ tih hi an home ground ‘Craven Cottage’ hming chawia phuah a ni.

8. Liverpool – The Reds :

Kum 1892 ah Everton FC & Athletics Grounds Ltd tih hming pua din niin hemi kum vek hian Liverpool tia thlak leh a ni.

An nickname hi an club jersey rawng atanga phuah a ni.

9. Manchester City – The Citizens / The Blues

Anni hi kum 1880 khan St Mark’s tih hming pu in din a ni a, kum 1894 ah Manchester City tia thlak leh a ni.

An nickname ‘The Citizen’ tih hi an hming ‘City’ tih atanga lak niin ‘The Blues’ tih hi an jersey rawng atanga lak a ni.

10. Manchester United – The Red Devils :

Anni hi kum 1878 khan Newton Heath a Lancashire and Yorkshire Railway depot a thawk ten Newton Heath LYR Football Club tiin an din a ni a. Kum 1902 khan Manchester United tia thlak a ni.

An nickname hi sawi dan chi hnih a awm a, pakhatna ah chuan France a an zin lai, kum 1960 chho velah khan an jersey sen avangin Red Devils an lo ti a. Chu chu Sir Matt Busby khan tha a tih em avangin an club logo ah Devil lem telh turin a ti hial a ni. A dang leh ah chuan Rugby team Salford ground ah an training thin a, Salford ho hi Red Devils an ti thin a, chu chu an chhawm ve ta a ni an ti.

 

Leave a Reply