Part I lamah khan team thenkhat te jersey thar chu kan tarlang tawh a, (Hetah hian a en theih) kan club tan zawngte an lo awm loh takin hei hian i han chhunzawm leh ang hmiang.

Note : Part I lama ziah tawh angin club official website a an tarlan tawh, lei theih a an zawrhchhuah tawh ho chauh zofooty ah hian tarlan a ni.

1. Arsenal (Home) : English Premier League team zinga passing game thiam ber Arsenal hian Home jersey chauh an la release a, uluk taka i en chuan (Arsenal fans tan chuan uluk vak pawh a ngai lo maithei) a crest hi tlemin a danglam deuh tih i hmu ang. Hei hi Arsenal FC in kum 125 a tlin champha lawm nan a tihdanglam a ni. Nike design nalh zet mai hi Arsenal game nalh tak nen pawh a inhmeh leh viau ang. (a ban bul leh a tluan dah tel teh ang, a nalh bawk a).2. Sunderland : Club lian zinga chhiar tel ni lo mahse a laihawl vela awm ve deuh reng Sunderland jersey hi Umbro ho siam a ni. Away jersey hi chu nalh tak a ni bik lo mawle.
3. Manchester City (away) : Champions League khel tura inpet tling thar Manchester City hian Away shirt an release tawh a, kum 1969 leh 1970 a an jersey ang thei ber tura Umbro in an design a ni. (Hemi kum hian League Cup, FA Cup leh Cup Winners Cup an la a ni).
4. Newcastle United : Newcastle United Home jersey thar hi EPL club jersey nalh ber pawl a ni awm e. Puma siam niin a ban hi season dang ang lo takin a var hlang a ni a, a stripe pawh hi season dang angin a tam lo.
5. Swansea City leh Norwich City (both Home jerseys) : English Premier League kaithar pahnih te jersey hi a zahpuiawm loh dun ngei mai. Welsh club zinga Premier League khel hmasa ber Swansea City jersey (a var) hi Adidas ho in an duhtawka mawia an siam a ni bawk a, vawikhat hmuhna-a nalh tih nghal theih chi a ni. Norwich City hi an nickname Canaries an vuah a, an jersey rawngah pawh canary rawng ngei an thlang. Errea company design a ni.
6. Fulham and Everton (both Away jerseys) : Hemi te pahnih hi chu kan hre theuh awm e. Away jersey chauh an la release ve ve a a ni.
7. Club dang, Aston Villa, Blackburn Rovers, QPR, Tottenham, West Brom, Wigan, Wolves, Bolton te ho in official in an la release ve lo a, chubakah Home, Away leh Third Kit release vek tawh awmchhun chu Liverpool chiah an la ni. Midang pawhin an release thuai thuai turah ngai ila, update a awm ve leh Part 3 siam kan tum leh dawn nia.