Manchester City 2-0 Everton @ The Etihad Stadium
(Attendance: 47,293)
Club sum nei ngah, player lei huai tak leh club inren tak,player manto lei hleitheilo te inkhel hi a tir atangin a tang hle a. Player nei ‘class’ zawk Manchester City hi 1st half ah chethalo mahse 2nd half ah a daihrei zawkah an tang ta niin a lang. Toffeemen ho hian Blues te hi beilet ve thin mahse a lian zawk an ding nghet tlat a. 2nd half a Mancini in Mario Balotelli a dahluh atanga reilote ah goal a thun ta mai a. He inkhel ah hian David Silva chuan Manchester City player pawimawh anihzia a pholang leh a, goal ban a pet per chu a ui ngei ang le. A passing tha zet mai chu substitute James Milner chuan minute 89 na ah a thun leh a. Blues hian 2-0 in Toffeemen hi an hneh ta a ni.
Man of the match: David Silva (Manchester City)

Arsenal 3-0 Bolton Wanderers @ Emirates Stadium
(Attendance: 59,727)
Arsenal hi chethalo mahse Emirates ah entu an tlem phah chuang lova. 1st half ah goal inpe lovin chawlhlawk a ni a. 2nd half tan anih atanga minute 1 na ah Aaron Ramsey ball lakluh chu Robin van Persie in Bolton keeper Juskalainen dinglam kilah a thun a. Bolton defender David Wheater in box pawnah Theo Walcott a pawhthluk avangin hnawhchhuah a ni a. Minute 71 na ah Robin van Persie bawk hian Arsenal tana a goal 100 na chu Juskalainen dan hmanlohin a lo khenglut zeuh. Heti hian van Persie hi Arsenal tana goal 100 thun thei 17-na a ni ve ta chiah a ni. Arsenal chakna nemnghet turin minute 89 na ah Alex Song chuan Arsenal goal 3 na a thun a. Huntawp thlengin goal dang a luhbelh ta lo. Arsenal game hmuhnawm pawh zawi zawi in a rawn lang leh tan niin a hriat a. Defender rinrawl Vermaelen leh midfielder innghahna Jack Wilshere te awmlo mahse an khel tha hle a ni.
Man of the match: Robin van Persie (Arsenal)

Chelsea 4-1 Swansea City @ Stamford Bridge
(Attendance: 41,800)
Chelsea tan pound 50 million man Fernando Torres chuan a club thar a zawm atanga a goal thumna chu minute 29 na ah a thun a. He a goal thun hnulawk minute 33 na ah Swansea defender Gower a tlawh fuhloh deuh avangin Torres hi hnawhchhuah zui a ni. Player 10 a khel Chelsea te hi zam a hnekin goal an thunbelh a. Ramires chuan minute 36 leh 76 na ah a thun leh a. Inhliam damkawr Didier Drogaba pawhin goal khat a thun. Hun tawp hma lawkin Swansea hian defender Williams tauhluh hmangin goal khat an thun ve a. Welsh club kaithar Swansea hian game mawi tak entir thin mahse Chelsea hi an la khanlo deuh a ang hle.
Man of the match: Ramires (Chelsea)

Liverpool 2-1 Wolverhampton Wanderers @ Anfield
(Attendance: 44,922)
Season bul tan tha pahnih inkhel ah hian player nei tha zawk Liverpool hi rinkai zawk an ni a. Inkhel tan anih atanga reilote ah Wolves defender Roger Johnson chuan an lamah a tilut palh hlauh mai a. Premier league a striker ball thiam ber te zingami Luis Suarez chuan a thiamthil a rawn pholang leh a. Minute 38 na ah Liverpool goal hnihna a thun leh a ni. 2nd half ah Wolves in bul an tan tha zawk a. Minute 49 na ah Wolves striker substitute Steven Fletcher chuan goal a rawn khung nghal a. In nawr hle thin mahse goal dang a lut zui tawh lova. Liverpool hi 2-1 in an chak zawk ta a ni.
Man of the match: Luis Suarez (Liverpool)

Newcastle United 3-1 Blackburn Rovers @ St. James’ Park
(Attendance: 46,236)
English club hlun pahnih inkhel ah tunlaia chetha zawk Newcastle United an chetha chhunzawm zel a. Germany atanga England rawn lut fuh tak Demba Ba chuan hattrick a siam a. Minute 27,30,54 na ah te goal a thun a. Blackburn tan Justin Hoilett chuan mawi zet maiin minute 36 na ah a thun ve bawk. Newcastle United hi an chetha chho hle a, tunah hian 4 na ah an awm mek a ni.
Man of the match: Demba Ba (Newcastle United)

West Bromwich Albion 0-0 Fulham @ The Hawthorns
(Attendance: 23,835)
He club pahnih te hi rinlawk thiam an har hle a. Club lian pawh hneh thei khawpa chetha thei, amaherawhchu che tha reng tura beisei theihloh te an ni a. West Brom goalkeeper Ben Foster a chetthat zarah point 1 an hloh a ni deuh ber. Fulham hi tun season ah chak an la nei lova. Point 4 chiah la hmu in league table mawng lamah an awm mek a ni.
Man of the match: Ben Foster (West Brom)

Wigan Athletic 1-2 Tottenham Hotspur @ DW Stadium
(Attendance: 18,788)
Mikhual lamin bul an tan tha hle a. Minute 3 leh 23 na ah Rafael van der Vaart leh Gareth Bale ten goal an thun nghal a. 2nd half ah player hnawhchhuah anih hnua 10 a khel Wigan hi an kheltha chho hle a. Minute 50 na ah midfielder Diame chuan Wigan tan goal a thun a. Wigan hian nawr viau mahse hun tawp thleng Spurs te hi goal hnih nen an tang tlang thei hram a ni.
Man of the match: Younis Kaboul (Tottenham Hotspur)

Stoke City 1-1 Manchester United @ Britannia Stadium
(Attendance: 27,582)
Brittania Stadium ah hian Stoke hian an mikhual te hi an lo dim vak ngai lova. Hemi tichiang tur hian tan atanga reilote ah Javier Hernandez chu a inhliam nghal a. Michael Owen chuan rawn thlak in a angsar em em hranlo. A langsar ber Nani erawh a chetha tluang zel a. Stoke City player pali lai a tlanpelh hnuah Nani chuan keeper Begovic dan hmanlohin Manchester United goal khatna a thun a. Stoke City pawhin goal thun theihna hun tha tak tak an hmuh chu Manchester United keeper David De Gea chetthat ni nen a innangching a, goal a luhbelhlo chawlhlawk thlengin. 2nd half ah Stoke City lamin an nawr leh a. Etherington a corner pet chu midang aia sang Peter Crouch chuan midang aia sangin a zuang a, De Gea danhmanlohin Manchester United lamah Stoke City goal a tauhlut a ni. Minute 90 hnua Ryan Giggs in hun tha a bawhpelh chu a ui ngei ang. Hun a tawp meuh chuan 1-1 a ni a. An pahnih tan hian point 1 hlawh ai chuan point 2 hlauh a ni thei in ka hria. Chak thei dinhmunah an ding ve ve a ni.
Man of the match: Nani (Manchester United)

QPR 1-1 Aston Villa @ Loftus Road
(Attendance: 16,707)
Tun season a defensive record nei tha leh bul tan tha Aston Villa leh inlei thar nasa Queens Park Rangers (QPR) te inkhel hi a hmuhnawm ngei mai. A tir atangin an inkhel hi a tang tha a,midfield lamah an inbei nasa. QPR tan Taraabt a che hlauhawm thei hle a. Villa free kick hmuh atanga Barry Bannan pet tha lutuk QPR keeper Kenny in a dan hman kha chu a pui ngei mai. 2nd half tan anihin Aston Villa in penalty a hmu a. Agbonlahor hlawhchhuah chu Barry Bannan in penalty spot atangin a thun a. Aston Villa hi 1-0 in an chak twh dawn emaw tih laiin QPR vanneihna a rawn lang a. Villa veteran defender Richard Dunne chuan anmahni lamah vanduaithlak takin a thun hlauh mai a. He a thun hun hi minute 90 hnu a ni a, QPR lawmah a tla ta a ni. 1-1 in inkhel hi a tawp zui ta a ni.
Man of the match: Barry Bannan (Aston Villa)