EPL + LA LIGA + SERIE A = $2 billion

Estimated read time 2 min read

Kum 2011 nipui bazar a English Premier League, La Liga leh Serie A club ten player thar lei nana an sum hman zawng zawng belhkhawm chu US dollar 2 billion zet a ni.

Nipui bazar ah khan Premier League club ten sum an hmang hnem ber a, club 20 ten £485 million ($790 million) ngawt an hmang. Italy leh Spain pawh an che na hle a, Serie A club te hian £400 million ($651 million) hmangin La Liga club ten £300 million ($488 million) an hmang bawk. Hei hi nikum lama an pawisa hman aiin a tam ve ve a ni.

EPL club lian ‘panga’, Manchester United, Manchester City, Chelsea, Liverpool leh Arsenal ten £50 million chunglam vek player thar lei nan an hmang a, an panga sum hman hi EPL transfer fee 66% a ni. Billionaire Sheikh Mansour club Manchester City chu EPL club zinga sum hmang hnem ber niin £74 million an hmang. City hi Sergio Aguero leh Samir Nasri te manah an inseng nual a ni.

EPL club te hian English player bik lei nan £165millon an hmang a, a bik takin Manchester United (Phil Jones leh Ashley Young) leh Liverpool (Henderson, Stewart Downing, Charlie Adam) ten English player an ngam huai hle. Chiang deuh hleka i chhiar chuan England a English player man bik (£165 million) leh ramdang player man (£205 million) hi a inthlau lo hle tih i hmu thei ang. Hei hi FA dan tharah English player te an hlut tak em vang a ni awm e.

Tun transfer season ah khan club hrang hrangin an player hlawh hnem te loan in an chhuahtir nasa hle a. Club hrang hrangte sum hman dan bihchiangtu, sumdawng firm Deloitte chuan hei hi UEFA financial fair play ah club te pawisa hman theih tawk bituk a awm tak vang niin a tarlang a ni.

source: cba.ca

You May Also Like

More From Author

11Comments

Add yours
  1. 8
    btena

    sum hi chu a lo pawimawh takzet a nih hi maw le….english player te pawh hi an man a tlawm thin ka ti reng ah,tum dang ah chuan ramdang nen a in thlau thei em lawm leeee

+ Leave a Comment

EPL + LA LIGA + SERIE A = $2 billion

Kum 2011 nipui bazar a English Premier League, La Liga leh Serie A club ten player thar lei nana an sum hman zawng zawng belhkhawm chu US dollar 2 billion zet a ni.

Nipui bazar ah khan Premier League club ten sum an hmang hnem ber a, club 20 ten £485 million ($790 million) ngawt an hmang. Italy leh Spain pawh an che na hle a, Serie A club te hian £400 million ($651 million) hmangin La Liga club ten £300 million ($488 million) an hmang bawk. Hei hi nikum lama an pawisa hman aiin a tam ve ve a ni.

EPL club lian ‘panga’, Manchester United, Manchester City, Chelsea, Liverpool leh Arsenal ten £50 million chunglam vek player thar lei nan an hmang a, an panga sum hman hi EPL transfer fee 66% a ni. Billionaire Sheikh Mansour club Manchester City chu EPL club zinga sum hmang hnem ber niin £74 million an hmang. City hi Sergio Aguero leh Samir Nasri te manah an inseng nual a ni.

EPL club te hian English player bik lei nan £165millon an hmang a, a bik takin Manchester United (Phil Jones leh Ashley Young) leh Liverpool (Henderson, Stewart Downing, Charlie Adam) ten English player an ngam huai hle. Chiang deuh hleka i chhiar chuan England a English player man bik (£165 million) leh ramdang player man (£205 million) hi a inthlau lo hle tih i hmu thei ang. Hei hi FA dan tharah English player te an hlut tak em vang a ni awm e.

Tun transfer season ah khan club hrang hrangin an player hlawh hnem te loan in an chhuahtir nasa hle a. Club hrang hrangte sum hman dan bihchiangtu, sumdawng firm Deloitte chuan hei hi UEFA financial fair play ah club te pawisa hman theih tawk bituk a awm tak vang niin a tarlang a ni.

source: cba.ca

You May Also Like

More From Author

+ There are no comments

Add yours