EPL SATURDAY REVIEW: GAMEWEEK 5

Estimated read time 4 min read

Premier League pawh hmanni lawkah an ṭan emaw tih laiin game 5  na an lo khel leh ta reng mai. September 17 ah inkhel hmuhnawm leh result mak tak tak a awm a. Kaithar pathum Swansea City, QPR leh Norwich City te an chak vek a, a mawngphaha awm Blackburn Rovers in Arsenal an hneh bawk. Zara’n Blackburn in Arsenal an hneh thu a post tawh a, inkhel dang ho result in en ve teh ang.

Wolves 0 – 3 Queens Park Rangers 

(Barton 8′, Faurlin 10′, DJ Campbell 87′)

 Wolves khelmualah QPR an lenglut a, mikhual team hian si thum fai ngawtin mual neitu an hneh. He match-a goal hmasa ber hi minute 8 naa captain Joey Barton thun a ni a, a siamsaktu hi lei thar Shaun Wright Philips a ni. QPR  hian minute 10 naah Faurlin hmangin goal an thunbelh a. an goal thumna hi huntawp dawna substitute DJ Campbell thun a ni.

Goodison Park-a Everton hneh thei QPR hi kaithar ni mahse player an nei ṭha phian a, Barton, Wright Philips, Taarabt, Anton Ferdinand leh Traore te ho an awm ve ngat a ni. I rin aia an thleng sâng a nih pawhin mak ti suh.

Swansea City 3 – 0 West Bromwich Albion

(Sinclair 14′,

Lita 24′, Dyer 52′)

Swansea City chuan an mikhual West Brom 3-0 ngawtin an sawp. Hei hi tun season-a Swansea an chak hmasak ber a ni a, home-ah a zawnin game 3 chhung goal an chhuah ta lo.
Goal hmasa ber hi minute 14 naah penalty aṭangin Scott Sinclair chuan a thun. He goal hi tun season-a Swansea City goal hmasa ber a ni. Home fans ten an team goal hmasa ber hi minute 374 chuang an nghak a, a pahnihna erawh minute 10 hnu lekah a lo thleng zui. Striker Leroy Lita chuan minute 24 ah a head goal a, second half ṭan hnu lawkah Nathan Dyer chuan goal thumna hi a thun a ni.
Bolton Wanderers        1 – 2          Norwich City
(Martin Petrov 64′)                              (Pilkington 37′ , Johnson 42′)
Opening round-a an chak hnua che chhe tluang tak Bolton Wanderers an chebuai zel a, Reebok Stadium-ah kaithar Norwich City an hneh lo. Norwich City tân hei hi tun season-a an chak hmasak ber a ni thung.
Norwich City hian Pilkington leh Johnson te goal hmangin first half ah hma an hruai a. Heng goal pahnihte hi set piece aṭang lut ve ve a ni a, set piece vêng thiam nia sawi Bolton an fimkhur tawk lo deuh. Manager Owen Coyle a thinrim ngei mai. Striker ṭha Ivan Klasnic chuan red card a hmu zui a, first half-ah a thlengtu branch an che chhe kher mai.
Minute 64 naah Martin Petrov chuan penalty aṭangin thun ve bawk mahse an siphurh an sût zo hman lo a, Bolton hi a zawnin vawi 4 an chak lo ta.
Everton           3 – 1        Wigan Athletic
(Jagielka 33′,                     (Franco di Santo 31′)
Vellios 84′
Drenthe 93′)
Everton pawh Goodison Park-ah an chak ve ta a, 3-1 in Wigan Athletic an hneh.
Striker mumal nei lo a khel Everton hian inkhel ṭantirh aṭangin game an thunun hneh hle a, mahse nidang ang bawkin goal an thun hleithei lo. Minute 31 ah Wigan zawk hian di Santo hmangin an rawn thun a, hei hi minute 2 hnu lekah Jagielka hmangin Everton in an sût.
Everton hian nawr zawk mahse an pet goal thei bik lo a, fans ṭhenkhat chu an chhuak tau hman hial a ni. Mahse huntâwp dawn ṭepah substitute pahnih, Vellios leh Drenthe ten an rawn ti goal a, David Moyes a lawm ngei mai. Hei hi tun season-ah Goodison Park-a Everton an chak hmasak ber a ni a, season bulṭan ṭha Wigan erawh a zawnin vawi 2 an chaklo leh ta.
Aston Villa         1 – 1      Newcastle United
(Agbonlahor 13′)               (Leon Best 57′)
Tun season-a chak loh la nei lo pahnih inkhelah chak zawk an awm lo a, Villa Park-ah Aston Villa leh Newcastle United an inhnehtawk.
Aston Villa hian tân minute 13 ah ‘star striker’ Agbonlahor chuan a pet goal a, hei hi Magpies tan Leon Best chuan minute 57 ah a rawn sût. Team pahnihten chance an nei nual a, a bik takin Darrent Bent thun loh zozai kha Villa fans hoin an ui khawp ang. Villa keeper Shay Given leh Newcastle midfielder Cheick Tiote an langsar a, draw hi result ‘fair’ tak a ni awm e.
Premier League table a tâwt hle mai a, season tir a nih angin vawikhat chak lekah pawh an la inlehpel nawk hlawm. Tuna an point hmuh inkhawlkhawm hi season tâwpa an dinhmun hriltu tur a la ni dawn a, tun hun hi a pawimawh a, naktuk zanah tunge he hun hi hmang ṭangkai ang le?

You May Also Like

More From Author

10Comments

Add yours
  1. 2
    Zawn Mata Hmar

    bolton cuh an pacey and tricky winger kakuta(loan from chelsea) luh tr se an cak tur nia…….
    van aanholt khel tha tho e wigan tan i thiam na te hmag la chelsea a i rwn let hun ah i hmun tur kn lo siam age…

  2. 3
    Ramenga

    Everton hian engvangin nge striker thar an lei loh awww…Saha inhliam reng bawk si, Cahill te striker angin a khel ṭhin ania (A ṭha viau tho nain)…tun season chu beisei an pha dawn lo tlatin ka hria..

  3. 4
    muansangi pa khawlhring

    hmm hm, klasnic red card mai mai chuh! Fantasy lamah point a minus phah tlat mai, saaala, zanin lamah result duhthusam beisei teh ang, QPR hi ka second team sawt riau mai

  4. 6
    hlups hauhnar

    Agbonlahor lei fuh hlauh dawn e!!!QPR hi an tan awm riauin ka hria…Barton pawh a mize dik tak a pholan leh hlak kha..^_^

  5. 9
    dustin sampler14

    Tun season chu goal a lut tam ta mawlh2 khp mai. Everton chuan Arteta tello pawn kan tha tawk ni ang hrimin anva phit tha ve….tin, Norwich, QPR, leh Swansea te a bik takin ka lawmpui a che u..review chhiar nuam tak a ni.

+ Leave a Comment

EPL SATURDAY REVIEW: GAMEWEEK 5

Premier League pawh hmanni lawkah an ?an emaw tih laiin game 5  na an lo khel leh ta reng mai. September 17 ah inkhel hmuhnawm leh result mak tak tak a awm a. Kaithar pathum Swansea City, QPR leh Norwich City te an chak vek a, a mawngphaha awm Blackburn Rovers in Arsenal an hneh bawk. Zara’n Blackburn in Arsenal an hneh thu a post tawh a, inkhel dang ho result in en ve teh ang.

Wolves 0 – 3 Queens Park Rangers 

(Barton 8′, Faurlin 10′, DJ Campbell 87′)

 Wolves khelmualah QPR an lenglut a, mikhual team hian si thum fai ngawtin mual neitu an hneh. He match-a goal hmasa ber hi minute 8 naa captain Joey Barton thun a ni a, a siamsaktu hi lei thar Shaun Wright Philips a ni. QPR  hian minute 10 naah Faurlin hmangin goal an thunbelh a. an goal thumna hi huntawp dawna substitute DJ Campbell thun a ni.

Goodison Park-a Everton hneh thei QPR hi kaithar ni mahse player an nei ?ha phian a, Barton, Wright Philips, Taarabt, Anton Ferdinand leh Traore te ho an awm ve ngat a ni. I rin aia an thleng sâng a nih pawhin mak ti suh.

Swansea City 3 – 0 West Bromwich Albion

(Sinclair 14′,

Lita 24′, Dyer 52′)

Swansea City chuan an mikhual West Brom 3-0 ngawtin an sawp. Hei hi tun season-a Swansea an chak hmasak ber a ni a, home-ah a zawnin game 3 chhung goal an chhuah ta lo.

Goal hmasa ber hi minute 14 naah penalty a?angin Scott Sinclair chuan a thun. He goal hi tun season-a Swansea City goal hmasa ber a ni. Home fans ten an team goal hmasa ber hi minute 374 chuang an nghak a, a pahnihna erawh minute 10 hnu lekah a lo thleng zui. Striker Leroy Lita chuan minute 24 ah a head goal a, second half ?an hnu lawkah Nathan Dyer chuan goal thumna hi a thun a ni.

Bolton Wanderers        1 – 2          Norwich City

(Martin Petrov 64′)                              (Pilkington 37′ , Johnson 42′)

Opening round-a an chak hnua che chhe tluang tak Bolton Wanderers an chebuai zel a, Reebok Stadium-ah kaithar Norwich City an hneh lo. Norwich City tân hei hi tun season-a an chak hmasak ber a ni thung.

Norwich City hian Pilkington leh Johnson te goal hmangin first half ah hma an hruai a. Heng goal pahnihte hi set piece a?ang lut ve ve a ni a, set piece vêng thiam nia sawi Bolton an fimkhur tawk lo deuh. Manager Owen Coyle a thinrim ngei mai. Striker ?ha Ivan Klasnic chuan red card a hmu zui a, first half-ah a thlengtu branch an che chhe kher mai.

Minute 64 naah Martin Petrov chuan penalty a?angin thun ve bawk mahse an siphurh an sût zo hman lo a, Bolton hi a zawnin vawi 4 an chak lo ta.

Everton           3 – 1        Wigan Athletic

(Jagielka 33′,                     (Franco di Santo 31′)

Vellios 84′

Drenthe 93′)

Everton pawh Goodison Park-ah an chak ve ta a, 3-1 in Wigan Athletic an hneh.

Striker mumal nei lo a khel Everton hian inkhel ?antirh a?angin game an thunun hneh hle a, mahse nidang ang bawkin goal an thun hleithei lo. Minute 31 ah Wigan zawk hian di Santo hmangin an rawn thun a, hei hi minute 2 hnu lekah Jagielka hmangin Everton in an sût.

Everton hian nawr zawk mahse an pet goal thei bik lo a, fans ?henkhat chu an chhuak tau hman hial a ni. Mahse huntâwp dawn ?epah substitute pahnih, Vellios leh Drenthe ten an rawn ti goal a, David Moyes a lawm ngei mai. Hei hi tun season-ah Goodison Park-a Everton an chak hmasak ber a ni a, season bul?an ?ha Wigan erawh a zawnin vawi 2 an chaklo leh ta.

Aston Villa         1 – 1      Newcastle United

(Agbonlahor 13′)               (Leon Best 57′)

Tun season-a chak loh la nei lo pahnih inkhelah chak zawk an awm lo a, Villa Park-ah Aston Villa leh Newcastle United an inhnehtawk.

Aston Villa hian tân minute 13 ah ‘star striker’ Agbonlahor chuan a pet goal a, hei hi Magpies tan Leon Best chuan minute 57 ah a rawn sût. Team pahnihten chance an nei nual a, a bik takin Darrent Bent thun loh zozai kha Villa fans hoin an ui khawp ang. Villa keeper Shay Given leh Newcastle midfielder Cheick Tiote an langsar a, draw hi result ‘fair’ tak a ni awm e.

Premier League table a tâwt hle mai a, season tir a nih angin vawikhat chak lekah pawh an la inlehpel nawk hlawm. Tuna an point hmuh inkhawlkhawm hi season tâwpa an dinhmun hriltu tur a la ni dawn a, tun hun hi a pawimawh a, naktuk zanah tunge he hun hi hmang ?angkai ang le?

You May Also Like

More From Author

+ There are no comments

Add yours