Manchester United Captain ropui ni thin Eric Cantona, tun ah New York Cosmos manager ni ta chuan Manchester City club in relbawl dan a sawi chhuak a. Man United te ang a club tha in din tur chuan youth academy in siam tha rawh se, player man to tak tak a leikhawm hian team a siam lo. Man United chuan hman atang tawh in youth development ah an bei nasa tawh a, chuvang in club tha ber tun ah an ni. FA Cup an champion a hlawhtling thokhat mahse hei ringot an duh chuan Man United aia eng tik ah mah an tha lovang a ti.!!

Tevez leh Balotelli chungchang a sawi bawk :
Eric Cantona chuan Man City star pahnih Tevez leh Balotelli chungchang sawiin an khawsak dan a dem hle a. Khawi atang pawh in Milan emaw hmundang atang pawh in kal rawh se, inkhel tur a kal an ni a, player tha ber ber te nen football khei tur an ni. A khawpui nuam ka tilo tih vang a khelh that peih loh chu a ngaihdan a ni lo hle. Professional Footballer an nih chuan khawpui enjoy vak kher tum a tul lo ti in Football ah an focus tawk lo a tih thu a sawi.

Cantona thusawi hi a dik em? :
Man City hi tunhnai ah team hlawuhawm tak an ni ngei mai player quality sang tak tak leh hlawh sang tak tak awmkhawm an ni a, Manager la upa lutuk lo khaihhruai an ni vang nge team build up an harsat rei hle a, nikum ah FA Cup an lak vang erawh chuan tun season chu an beisei pawh a sang deuh ngei ang. Mahse, player tha in ti tawk awmkhawm mahni tawk a induh tak tak lakkhawm an ni avang hian Cantona sawi ang deuh in Manager leh Managing board leh mahni player pui te zahna an tlachham a. Youth team atang a hrual chho Man United team khaikhin chuan dressing room environment ah pawh in danglam hleuh tak tur chu a ni ve reng a ni.
Football hi sum a siam len theih vek a nih bikloh zia leh team work a ngaih zia entirna tha chu Real Madrid leh Chelsea te pawh a hmer tel theih tho bawk. Star player khawm teuh mahse team an nih loh chuan Trophy an chawi hleithei biklo tih chu a chiang awm e!!!

(Pic: Man united Fans ten Man City an deusawhna Banner Old Trafford-a Stretford End a an tar thin chu Man City FA Cup champion hnu ah tar tawh loh a ni ta!!)