ESPNSTAR.com chuan 2011 chhunga khawvel midfielder tha 5 a thlang chhuak a. Spain in an thawh hlawk hle. An thlan te zinga 3 ngawt mai chu Spanish an ni. A hnuai ami te hi khawvel midfielder tha 5 te chu an ni. An thiam dan indawta dah a ni kher lo.

Scott Parker (West Ham & Tottenham, England)

Scott Parker hian 2011 kum chan ve chhung kha chu West Ham United tan a khel a, Summer ah khan Tottenham a zawm a ni. Goal tam tak thunin assist tam lem lo mahse eng match ah pawh hian a tal na thin hle. Defensive midfielder khawng tak a ni. He mi kum hian Football Writers’ Association chuan ‘Footballer of the Year’ ah an thlang nghe nghe a .Defence leh attacking midfield inkarah a khel tam ber. Lehlam pawlte attacking lo chhu chattu ber ani. Tottenham chu EPL ah pathumna a nih pui mek. Amah hi English mi ani a, kum 31 a upa ani…feet 5 leh inches 9 a sang ani.

Xavi (Barcelona, Spain)

Xavi hi chu sawi tam ngai lovin kan hre lar awm e…Barcelona leh Spain innghahna ani…lehlam pawl te a sir tawn tawn a kat chiam thin mi a ni a, khawvel a passing thiam ber a tih theih hial awm e. Mi tam tak chuan khawvel a player tha berah an thlang hial a ni. Striker te a chawm hneh em em thin. Messi ropuina chhan pakhat pawh hi Xavi vang a ni a tih theih awm e. Khawvel a playmaker tha ber pawl a ni a, assist a thiam tluk zetin pet goal pawh a thiam. Attacking midfield/central midfield leh defensive midfield ah a khel thei vek. Euro 2008 leh World Cup 2010 champion Spain team-ah a tel a ni. Xavi hian kha mi tum khan a thawh hlawk hle. World Cup 2010 1st XI team ah a tel bawk (defensive midfield ah Schwansteiger nen an dah anih kha).

David Silva (Manchester City, Spain)

David Silva hi EPL best signing a tih theih hial awm e. Skills permanent tak mai a nei a, form loh chang erawh a nei ve zeuh zeuh thung. Euro 2008 leh World cup 2010 champion team-ah a tel a ni. Euro 2008 ah phei kha chuan an thlak ngai meuh lo. Chutiang khawp a player chhawrnahawm chu a ni e. Veikhawr, ball thiam tak mai a ni. Manchester City chu EPL ah hma a hruai pui mek ani. Amah hi kum 25 a upa ani a, attacking midfielder ani. Left winger ah pawh a hman theih bok..

Mario Gotze (Borussia Dortmund, Germany)

He pa hi kum 19 lek a upa attacking midfielder tha tak mai a ni. Season hmasa khan Borussia Dortmund chu German Bundesliga ah a champion pui. German football legend Matthias Sammer chuan “one of the best talents Germany has ever seen” tiin a sawi hial. Amah hi tlan chak tak mai, creativity leh technique sang tak nei ani. Europe Club lian hovin lei an tum hle…

Juan Mata (Valencia & Chelsea, Spain)

He pa hi attacking midfielder goal thun ve thei tak ani. A pa te na a ball a thiam in a passing a dik zek. Chelsea playmaker ve deuh ber a ni. Tun season chhungin Juan Mata hian a pet goal leh a assist a in zat vel. Kum 23 a upa spanish midfielder ani. Amah hi a te reuh hle a feet 5 leh inches 7 a sang a ni. Nakin lawkah chuan Xavi thlaktu tur pawh ani thei e.