Euro 12 Semi-final : Spain vanneih zanah Portugal an tap!

A level a sang tawh a, khawvel in a ngaihven a, Europe ram phei chu Euro 12 hian a tuam hlup hlup a ni ber mai a.  Chutiang karah chuan  mipui beisei loh dana game plan hmang thin Spain leh an star player a innghat Portugal te’n Semi final an khel a. An khelh hma atang khawvelin chak tur zawk a inrinsiak a. Portugal hi an Captain Christiano Ronaldo a che tha a, an thlamuanpui hle a. Spain hi tunlai khawvela ball thiam ber ram nia mi thenkhatin an ngaih mek a ni. Striker hmang miah lova game an rawn khel thinte hlei hlei chuan mipui leh expert ho mak tih a hlawh a. Sawiseltu an tamin huaisen ti tawk pawh an tam tho bawk a, an game plan ringawt pawh inhnialna tham a ni ber mai.

Team lineups

Inkhel chanchin
Inkhel tan phat atangin an game a hmuhnawm nghal a.  Ball thiam ve ve, team inhrechiang angreng tak  an ni bawk a, an inngam hle. Spain in nidanga an game plan angin an khel hlei thei lova. Portugal-in an chhuhsak loh leh an ti buai hman deuh zel a.  An game pawh a chang chuan a physical deuh thin hle a, an inkar let leh tawp thin a mahse game erawh a ti tangin a hmuhnawm phah hle thung a. Portugal hian an fight tak tak a, chu chu lo dan tumin Spain-in an thiam an han show leh zauh thin bawk a, a van hmuhnawm tehlul em! Spain lamin goal hlauhawm an neih chuan Portugal lamin an chhanglet ve thei deuh zel te khan an game inhnehtawkzia a tilang a. Ball possession pawh 46% – 54%  a ni deuh reng mai. Thil chiang tak erawh chu Spain khan an star striker te kha hmang ngam se penalty peta hlauthawng taka awm kha a ngai kher lo ang. Tin, Portugal khan striker pangngai tak leh midfielder Figo/Deco tih ang vela class sang pakhat nei ve bawk se, en a chakawm leh zual. Kha mah mah, an tel lo lehnghal !

An thiamna leh theihna leh chakna zawng zawng hmanga minute 90 an in nuai hnuah, an duh ang goal an hmu lo ve ve si a, extra time khelh a ngiah phah ta ! Bench lam nei tha zawk Spain-in hun pangaiah substitution an siam zo tawh si a, extra-time ah hian an siam tawh lova. Portugal erawh  first 11 aia tha bench ah nei hek lo. Tupawh rawn lut se Spain tan lungphu a ti rang lem lo. Minute 120 chhung an inkhelh a, goal a awm miau loh chuan Penalty bak tihtheih awm hek lo le, an pet ta!

Penalty-ah Spain an vannei
Spain tana  kheltha em em  Alonso a rawn penchhuak a,  Portugal keeper Patricio tan harsatna a awm lo. A petna lamtur a hre chiang lutuk, a lo bengper a. Portugal fans te an lawm kher mai.  Moutinho lo pen chhuakin danglamna engmah a rawn siam lova, Casillas-a tan lo dan a har lem lo. Iniesta a rawn penchhuak a, chiang mangkhenga keeper bumin a rawn pet goal a. Spain team leh fans lam an zuang suau a. Chak loh a hlauhawh tawh a, bench lam neih chhahin awmzia a awm tawh lo tih an hria, an za sek tawh mai. Chutah  Real Madrid a khel dun Pepe leh Casillas an in hmachhawn ve eh ta. An inhrechiang aniang Pepe an a ti goal ve leh a. 1-1 a ni ta. Shakira bialpa Pique leh Nani te’n an rawn pet goal ve ve a.  A landan chuan Pique pet zawhah  Bruno Alves chu pet tur chhuahin a rawn chhuak a, mahse a zam lutuk vang nge ni aw,  a let leh ringawt a. A aiah Nani a rawn chhuak ta kha a ni a. Spain tan Sergio Ramos-a’n mawi em em mai maiin a rawn ‘chip’ goal a, a hnuah Portugal tana Bruno Alves bawk a rawn penchhuak leh a. A confidence a hlauh vek tih hriat zetin a rawn pet goal ta chuang lova. Chutah Fabregas a lo pen chhuak a. A pet goal chuan an chak a, a goal loh chuan hmalam hun a sawi theih loh. A dingmar a, chung lam a en a. Goal lam a thlir leh a, a phun mawlh mawlh a, a tlan phei a, goal post a per a mahse  chiang mangkhengin a vir lut a. Tichuan Spain-in Euro -12 Final an lut ta a ni.

Statistics

* All images from www.livescores.com and Getty images

14 thoughts on “Euro 12 Semi-final : Spain vanneih zanah Portugal an tap!

  1. zonuna hc

    soi leh soi hnu tun kum chujersey sen ha leh pol ha hlir an finala…. jersey sen ha an la vanduai vek a…. red ribbon, fa cup,ucl, premier league.. cuvangin italy champ k ring

  2. puia chawngthu

    rinloh takin German an tla ta sia…tun tum chu Match fixing vanga buaina tawk Italy hi an champ leh khut mai lawng maw….2006 WC ah khna match fixing vangin an buai a an champ a…kumin ah chutiang problem chu an nei leh a…hehehe….

  3. Xavi fanai

    Portugal khan spain khelh dan tur dik takin an khelin ka hria..spain khelh cuan an game speed aia saga tlan kual agai reg ani..spain kan champ lw lw dwn e..

  4. BluesOlias

    Chak phuzawk an chak niin alang!..mahse spanish hohi ka haw tlat, an striker hmang tha duhlo velhi!…German antla lehtwh bwk a Final chu Italy tan keuh teng..

  5. zodina

    spain khan chak an phu gwih2 lwm,mahse an vanduai zan ania goal an thun thei miau silo a.tie break ani ta,an vaanduai zanah vannei takin an chak leh ta hram a,vanneih zan cu ani tho2 in ka hria. Portugal khan world class annei thra twklo ni e. Ronaldo hi tiag pressure sag ltkah cuan in nghahna tlak a niin ka hrelo,arwn lar tirh atrag a tun thleng a ka hmuh ve dan ah cuan

  6. Espaniol

    SPAIN vanneih zan!!!!!!!!!!!!!???????
    A game tluanin chal an phu hluah hluah zawk a nih kha le.

  7. Cleverley VRT

    Ronaldo khan a nghak rei deuh mah mah ani, kan champion ngei ka ring asin mawle, Bruno Alves kha ngatinge an kal tir kher le.

  8. Hriata Balcazar

    SpAin kha an vannei thlawt a ni..Ngatinge bruno alves kha an pet hmask tirle..A cnfi lo tih a lang reng si a,coentrao leh ronaldo tepawh an la awm sia..

Leave a Reply

Euro 12 Semi-final : Spain vanneih zanah Portugal an tap!

A level a sang tawh a, khawvel in a ngaihven a, Europe ram phei chu Euro 12 hian a tuam hlup hlup a ni ber mai a.  Chutiang karah chuan  mipui beisei loh dana game plan hmang thin Spain leh an star player a innghat Portugal te’n Semi final an khel a. An khelh hma atang khawvelin chak tur zawk a inrinsiak a. Portugal hi an Captain Christiano Ronaldo a che tha a, an thlamuanpui hle a. Spain hi tunlai khawvela ball thiam ber ram nia mi thenkhatin an ngaih mek a ni. Striker hmang miah lova game an rawn khel thinte hlei hlei chuan mipui leh expert ho mak tih a hlawh a. Sawiseltu an tamin huaisen ti tawk pawh an tam tho bawk a, an game plan ringawt pawh inhnialna tham a ni ber mai.

Team lineups

Inkhel chanchin

Inkhel tan phat atangin an game a hmuhnawm nghal a.  Ball thiam ve ve, team inhrechiang angreng tak  an ni bawk a, an inngam hle. Spain in nidanga an game plan angin an khel hlei thei lova. Portugal-in an chhuhsak loh leh an ti buai hman deuh zel a.  An game pawh a chang chuan a physical deuh thin hle a, an inkar let leh tawp thin a mahse game erawh a ti tangin a hmuhnawm phah hle thung a. Portugal hian an fight tak tak a, chu chu lo dan tumin Spain-in an thiam an han show leh zauh thin bawk a, a van hmuhnawm tehlul em! Spain lamin goal hlauhawm an neih chuan Portugal lamin an chhanglet ve thei deuh zel te khan an game inhnehtawkzia a tilang a. Ball possession pawh 46% – 54%  a ni deuh reng mai. Thil chiang tak erawh chu Spain khan an star striker te kha hmang ngam se penalty peta hlauthawng taka awm kha a ngai kher lo ang. Tin, Portugal khan striker pangngai tak leh midfielder Figo/Deco tih ang vela class sang pakhat nei ve bawk se, en a chakawm leh zual. Kha mah mah, an tel lo lehnghal !

An thiamna leh theihna leh chakna zawng zawng hmanga minute 90 an in nuai hnuah, an duh ang goal an hmu lo ve ve si a, extra time khelh a ngiah phah ta ! Bench lam nei tha zawk Spain-in hun pangaiah substitution an siam zo tawh si a, extra-time ah hian an siam tawh lova. Portugal erawh  first 11 aia tha bench ah nei hek lo. Tupawh rawn lut se Spain tan lungphu a ti rang lem lo. Minute 120 chhung an inkhelh a, goal a awm miau loh chuan Penalty bak tihtheih awm hek lo le, an pet ta!

Penalty-ah Spain an vannei

Spain tana  kheltha em em  Alonso a rawn penchhuak a,  Portugal keeper Patricio tan harsatna a awm lo. A petna lamtur a hre chiang lutuk, a lo bengper a. Portugal fans te an lawm kher mai.  Moutinho lo pen chhuakin danglamna engmah a rawn siam lova, Casillas-a tan lo dan a har lem lo. Iniesta a rawn penchhuak a, chiang mangkhenga keeper bumin a rawn pet goal a. Spain team leh fans lam an zuang suau a. Chak loh a hlauhawh tawh a, bench lam neih chhahin awmzia a awm tawh lo tih an hria, an za sek tawh mai. Chutah  Real Madrid a khel dun Pepe leh Casillas an in hmachhawn ve eh ta. An inhrechiang aniang Pepe an a ti goal ve leh a. 1-1 a ni ta. Shakira bialpa Pique leh Nani te’n an rawn pet goal ve ve a.  A landan chuan Pique pet zawhah  Bruno Alves chu pet tur chhuahin a rawn chhuak a, mahse a zam lutuk vang nge ni aw,  a let leh ringawt a. A aiah Nani a rawn chhuak ta kha a ni a. Spain tan Sergio Ramos-a’n mawi em em mai maiin a rawn ‘chip’ goal a, a hnuah Portugal tana Bruno Alves bawk a rawn penchhuak leh a. A confidence a hlauh vek tih hriat zetin a rawn pet goal ta chuang lova. Chutah Fabregas a lo pen chhuak a. A pet goal chuan an chak a, a goal loh chuan hmalam hun a sawi theih loh. A dingmar a, chung lam a en a. Goal lam a thlir leh a, a phun mawlh mawlh a, a tlan phei a, goal post a per a mahse  chiang mangkhengin a vir lut a. Tichuan Spain-in Euro -12 Final an lut ta a ni.

Statistics

* All images from www.livescores.com and Getty images

Leave a Reply