Nizan group C inkhel hmuhnawm takah champion lai Spain chuan 1-0 a Croatia hnehin group table-ah a sang berah an inhlangkai a. Tihian, quarter final-ah Group D-a pahnihna an tum ang. Goal awm chhun hi Jesus Navas thun a ni.
Croatia leh Spain hi quarter final lut thei ve ve an ni a. Chuvang chuan he inkhel hian ngaihven a hlawh hle a ni. Rin loh deuhvn Greece an lut a, rin loh deuhvn Croatia hi an lut ve thei tlat. Croatia hian Italy an draw theih avangin Spain tan pawh zuam ngawt chi an ni bik lova, fimkhur takin an khel ve tho a ni.
Spain coach Vicente Del Bosque chuan 4-0 ngawta Ireland an sawp tuma goal hnih thuntu Fernando Torres chu a start tir leh a. Match hmasa bera goal thuntu Cesc Fabregas erawh bench-ah a thut tir thung a ni. Croatia lam hian Spain hi an tha zawk tih an hria a, striker Mario Mandzukic chiah hmatawngah an dah a. Midfield-a ball play tam leh counter attack atanga goal thun chu an tum ber a ni a. An nawr pup pup ve lova. An defence pawh a khawng tha a. Draw ringawt a tawk lo tih an hria a, draw paw’n 2-2 tal an mamawh dawn avangin counter attack atanga goal thun chu an tum ber a ni a.
Tute nge khel ?
Spain (4-2-3-1): Casillas; Arbeloa, Ramos, Pique, Alba; Xabi Alonso, Busquets; Silva (Fabregas 73’), Xavi (Negredo 89’), Iniesta; Torres (Jesus Navas 61’)
Croatia (4-5-1): Pletikosa; Vida (Jelavic 66’), Corluka, Schildenfeld, Strinic; Srna, Vukojevic, Modric, Rakitic, Pranjic (Perisic 66’); Mandzukic
Inkhel an tan a
Spain hian inkhel an kick-ff a. A ngai te bawkin game mawi, passing leh midfield game kan hmu tam lehnghal a. Minute 21-ah Torres chuan Alonso hnen atang ball tha tak a dawng a. Mahse a goal lova. Hemi hnu deuh hian team hnih te hian half chance an nei ve ve a. Gerrard Pique leh Danijel Pranjic chuan chance an thelh a.
Minute 26-ah Croatia hian an tum ram an thleng teuh hle a. Spain defender Sergio Ramos chuan box chhungah Croatia striker Mandzukic chu hlauhawm takin a ‘tackle’ a. Referee chuan penalty a pe lova. Croatia lam hi an thinrim hle a ni.
Midfield lamah hian Silva, Iniesta leh Xavi te bawk kan hmu tam leh a.Spain hian inkhel an thunun a niber mai. Mahse Mizoram football team tam tak, vai ram kal ang deuhvn Spain hian khelh ah chuan an hneh a, goal erawh an thun thei lo thung a. Corluka leh a pawl te’n an hna an tlin hle a ni.
Pressure ti tam turin minute 37-ah Italy chuan Cassano hmangin goal an lo thun leh bawk a. Tun dinhmunah chuan Italy hi group winner niin Spain hi pahnihna an ni dawn a ni. Goal a lut thei lova, half time a ni zui mai a.
Spain Chhandamtu “Isua”
Spain lam hian second half-ah pawh ro an rel leh a. Goal a luh theih loh avangin Spain lamin substitution an siama . Torres la chhuakin Jesus Navas chu a vawikhatna atan an luhtir a. Croatia lam hian counter attack ringawt chuan an ti goal dawn lo tih an hre ve a. Tin, 0-0 a an indraw chuan an lut dawn chuang lova, substitution pahnih ngawt an siam ve a. Jelavic leh Perisic an luhtir a.
Spain game bawk kan hmu tam leh a. Chance mumal an nei thei bik lova. Spain hi an la him bik lova. Football-ah chuan eng pawh thleng thei a ni a. BPL last match-a Manchester City ang deuhva extra time vela Croatia lamin goal 1 an thun a, 1-0 a Croatia an chak chuan an tla dawn tih an hria a. Nawr an tum lutuk na lamah Holland ang deuhvn an mawng a pawp an hlau ve bawk si a. Goal a luh hma chu lut tur zawk hi sawi theih a ni bik lova a ni.
Spain lamin tun tournament-a match tina goal la thun Fabregas chu beiseina sang tak nen an luhtir a. Pet goal an tum hle a ni. Minute 79-ah Croatia lamin substitute Perisic hmangin chance tha deuh an nei a mahse Casillas chuan a lo saved hman a. Spain lam hian chance an nei zeuh zeuh bawk a. Iniesta, Jesus Navas te’n chance an nei leh zeuh thin a. Croatia lam hian goal thun an tum ve hle a. Eduardo te an luhtir a.
Minute 86 ahCroatia hian a vawihnihna atan an tum ram an va han thleng leh teuh em ! Busquets chuan box chhungah Corluka a pawt a. Croatia lam chuan penlty tur tiin an au va mahse German referee Wolfgang Stark chuan a ham miau si lova. Croatia zawk hi an lut hman tep a ni.
Hemi hnu lawk minute 88 naah Spain hian an duh an hmu ta. Mamawh chhanna dik tak ‘Jesus’ chuan Spain tan goal pawimawh a rawn thun a ni. Fabregas chuan Iniesta hnenah ball tha tak a pe a. Ani hian Jesus Navas chu pe lehin ani hian goal ruakah chiat zetin a lo pet goal a. Goal dang a luh belh tawh lova. 1-0 in Spain an chak a ni. Tihian, Spain hi Group leader an ni a, Group D runners’ up an tum ang.
Sawi belh ang
* Spain hian Barcelona game ang an khel ti ila kan sawi zual awm love. Duh aiin goal shot an ngah tawk lova. A mizo tawng takin ball an duhtui lutuk a, hla tak atanga goal shot a awm loh chuan goal thun an harsat a tih theih. Barcelona paw’n UCL semi-final-a Chelsea an hneh lohna chiah pawh anih kha. An khelhdan style hria a, mumal taka game study tan chuan alai atang ball an lalut tlangpui a, chuvang chuan defence phui taka rem a, counter attack atanga an lama va thun kha thil finthlak tak a ni. Nizan pawh khan Croatia khan khami kha hre rengin an chak zawk tep anih kha. Penalty pahnih kha hmu ta se, Spain hi an tla daih dawn a ni.
* Croatia player Spain lama goal thun hnuhnung ber chu Davor Suker a ni a. May ni 5 1999 daih kha niin Seville-ah friendly match an khel a, 3-1 in Spain an chak nghe nghe a ni.
* Croatia leh Spain hi vawi li an lo intum tawh a.Croatia hi vawikhat chakin Spain hi vawihnih an chak thung a. Vawi khat an in draw thung a ni.
* Spain hian first half-ah ringawt hian ball possession hi 76.7% zet an nei a.Spain hian passing complete 390 zet an nei a. Croatia erawhin 111 chauh an nei thung. Overall-ah pawh Spain hian ball possession 64% zet an nei a ni.
* Sawi tawh angin Spain hian an khelhdan style, ball in pass kual a, alai atanga lak luh a , pet goal ang hi an ti reng dawn anih chuan, hneh deuh si hian an chak lo ve thei tho mai a. An chak zel thei bawk. Eng i hmuh ve dan? Spain hi an champion leh i ring em? Comment lamah sawi zui ang.
Bonus
Spain defender Pique chu a bialnu, zaithiam Shakira-in an inkhel hi a hmunah lo en ve in, a lo tawiawm tha hle a ni. Shakira hian Pique hi a tawiawm tha thei em em a. Football a tui ve bawk a. Shakira hian a zai naah te Barcelona players te pawh stage-ah a ko chho tawh a, lam te a zirtir a, a lampui chiam tawh nghe nghe.
Inkhel Statistics
cialis canada
cialis coupons
Buy cheap generic cialis
Cialis next day
Team tha, in elna liana beisei pha ngailo tih thin kha beisei anga an khelh vangin, an campione lai kan hmu zawn ta (euro,wc)kuminah pawh hian greece ai chuan ka la ring fan…
Quarter finals luh inchuhna ah hian engruai an an ka ringlo an insiamthat a ngai takzet
@zodina : nie. an khelhdan hi , chelsea hovn barca in hneh ang deuh khan.. club dang hian an hneh thei tlat.. ball an duhtui thei em mai. tin german game angin an ri ve pawp pawp lo tlat…
spain hi nizan match ag reng a an khelh cuan an champ ka rig lo bur…German in an hneh rup rup viau ang ka ring. tournament hma kha cuan ka rin ve ber anni ania…
inkhel en ang mai lom kan nih a ngaihnom kop mai…inkhel en ve thei ci lova post ka lo chang reng a a ngaihnom kop mai
@ramenga : thanks macha..Spain hi an tha viau a mahse an champion zawn chu ka ring chiah lo deuh ..
Spain hi chu an nghet em mai, an thleng sang leh khawp ang. Mahse nizan kha chu winger pangngai an luhtir miah lo kha a mak ka ti ve deuh.
Post kimchang bawk a, chhiar a nuam khawp mai.
@xavi : nie, ball an duhtui lutuk a, goal shot a tam loh chuan a chak theih tak tak loh.. croatia kha an uihawm khawp mai..
@rsconey : nia, cesc chu tangkai tak a ni.. Spain chu midfielder an nei tha em a ni..
Van begvar thlak thn ve..nia goal an sut tlem mah2,cesc tagkai thy khop mai.an champ leh mai k rg
Khwnghe kan first age aw..post tupa gaidan hi ka hmuhdan ciah ani ve..goal an duhtui lutuk leh passinga an tui leh lutk hi an that lohna pakhat cu ani..shoot hun twha gaih ah pwh ball te in an in pass zuzi leh thin! Vaglaini ina spain player te an hah bik vaga kum dag aia che muag aga aziak erwh kha cu ka pwm lo twp..kum dag zwg ai in an khel arag zwk in ka hria..cuan ram team ka en phak twhah cuan tun spain team tluka khel mwi hi ka la hmu lo..1st round a tla atan cuan croatia kha an uiwm mage..