BPL kan en nasat lutuk avangin ram danga players, naupang si, tha si te hi kan lo hre lo leh tlat ṭhin pek a, an record en chuan chuti lutuk la ni si lo; mahse, hma hun êng tak tak te an kat nuk ve tho tih hi i lo hre hmasa phawt teh ang u. Kan hmaa EURO 2012 khelh leh tur ah pawh hian players beiseiawm leh tun atanga vantlang mit fuk na ber te mi tlem te ka lo thlang chhuak ve a, chung players te chu an chanchin tawi te in ka’n lo tarlang ve zuai ange.

Team: Germany/Bayer Leverkusen

Position: Forward
DOB: 6th November 1990
Career League Appearances: 76
Career League Goals: 22
International Caps: 11
International Goals: 5

Key Attributes: Ball keng chungin a tlanchak hle, a taima hle, a goal shot a tha hle bawk.

Kum 21-na hmang mek Schurrel hian a hun tir lam Ludwigshafener ah leh FSZ Mainz 05 ah hmangin Mainz 05 youth team tan a khel thin a, German A Youth Championship 2009 chu a lakpui nghe nghe a ni. Hemi kum vek hian German U-21 tan koh nghal a ni a, ram tan pawh hian a chetha chho zel aniang chu, hun reilo te chhungin Bundesliga a club lian hote mit fuk na ber a ni ta der mai a. Bayern Leverkusen chuan €8ml lai sengin contract an ziahpui ta a ni. Beisei ang ngeiin Bayern Leverkusen ah hian a hming a chher hle a, kum 2010, Novermber thla khan German senior team tan a khel tura koh a ni nghe nghe a ni.

Schurrel hian thiamthil a ngah hle a, ‘power-shot’ kan tih ang chi, Paul Scholes leh Steven Gerrard ten anlo larpui thin ang kha ani pawh hian a nei ve a ni. Position a lak thiam na te, a taimak na te, a dribbling that vang te hian Manchester United striker Wayney Rooney nen an tehkhin ṭhin a ni.

Team: Poland/Borrusia Dortmund

Position: Forward
Date of Birth: 21 August 1988
Career League Appearances: 103
Career League Goals: 48
International Caps: 39
International Goals: 13
Key Attributes: A tlan chak hle, boruakah a tha hle bawk.

Lewandowski hian  Polish 3^rd division Znicz  Pruszkow ah a career tan in 2^nd division ah a kaipui a, hemi tum hian top scorer a ni nghe nghe a ni. Polish 2^nd division an khel tum pawh hian top scorer bawk ni leh in hemi tum hian goal 21 lai a thun nghe nghe. Chuti taka goal thun thiam ta chu Polish champion Lech Poznan chuan kum 2008 khan June thla khan 1.5 ml Zlotys (Poland currency) in an lei chhuak ta a ni. Lench Poznan ah pawh hian a chetha chho hle a, a season hman hmasakna ber ah goal thun tam ber dawttu ni nghalin a kum leh season phei chuan top scorer(18 goals) niin Polish 1^st div. Championship 2009-10 ah a club, Lech Poznan chu a champion pui nghe nghe a ni.

Chuti taka player goal thun thei nita chu 2010 alo her chhuah meuh chuan Poznan tan chuan chelh zawh rual a ni ta lo!! German club Borussia Dortmund leh English lam atangin Blackburn Rovers leh Fulham FC te chuan inchuh in, a tawpah Borussia Dortmund hian €4.5 ml in an chang thei hram a ni. Dortmund ah hian kum 4 daih contract a ziak nghe nghe.

A ram Poland senior team tana a game hmasa ber hi 10 september 2008 khan khelin hemi tum hian goal a thun nghe nghe a. Lewandowski hi Polish legend Włodzimierz Lubański tih lovah chuan debut game a Poland tana goal thun thei naupang ber a ni.

Team: Ukraine/Shakhtar Donetsk

Position: Defender
DOB: 3 August 1989
Career League Appearances: 45
Career League Goals: 1
International Caps: 14
International Goals: 3
Key Attributes: Thiamthil a ngah hle, inkhel zir thiam tak a ni, a ‘passing ability’ a tha hle bawk.

“Tunlaia khawvel a defender tha ber a ni,” keini’n tilo mah ila, mi tam tak chuan, “Nemanja Vidic leh Gerrard Pique ai pawhin ka duh fe zawk..” anti ve ngei ang. ( Kan Admin Lalzarzova pawh hi a hunlai chuan “David Beckham ai chuan U Zara ka duh fe zawk..” ti tawk an awm an ti tlat.. ) Shakhtar Donetsk’s defender hi tunlaia defender future êng ber te zing a mi a ni ti ila kan sawi sual ka ring lo. Shakhtar hian kum 2009 a an lei niin hemi kum vek UEFA Europa cup a a chetthat zia chu kan hre theuh in a rinawm. Hemi tum a a perfomance tha tak avang hian khawvel a football manager tha ber te zinga mi Arsene Wenger chuan lei alo tum chiam tawh nghe nghe a ni. Kum 2009 atangin Ukrain senior team tan khel tanin tunah chuan an players pawimawh ber te zinga mi a ni tawh.

Rakitskiy hi a hnungtlar veilam sir ah leh a laiah a khel thiam ve ve a, inkhelh zir thiam tak a ni a, a ball pek a ‘accurate’ thei hle a, a khel dan hi Manchester United defender Rio Ferdinand nen a inang hle a ni.

Team: France/PSG

Position: Striker
Date of Birth: 9 May 1987
Career League Appearances: 179
Career League Goals: 69
International Caps: 8
International Goals: 1
Key Attributes: A tlanchak hle, a finishing a tha hle bawk.

‘Future of French Football’ tia an sawi thin ‘Gameiro’ kha he pa ngei hi a ni.  Gameiro hian a career tir lam US Chantilly  ah hmangin, heta a awmlai hian Strasbourgscout chuan hmu fuhin Strasbourg lamah kum 2004 khan a in sawn a. He club ah ngei hian a hming chu alo chher tan ta a ni. Khawvela player tha ber leh manto ber pawh lo la ni dawn teh reng mahse a inkhelh hunlai a sawi apianga a sawi hmaih leh tawh ngai loh tur chu kum 2004 December 18 a UEFA cup a Serbian club, Red Star Belgrade nen an inkhelh tuma a goal thun kha a ni ve ngei ang. Hemi tum hian Red Star Belgrade chuan 2-0 in 78^th mins thleng chu hma an hruai a, mahse Gameiro hian 79^th mins ah leh 90^th mins ah an si phurh hi a sut vek a ni. Hemi tum hian Strasbourg hi group ah  sang berin Round of 16 ah an kai phah nghe nghe a ni. Hemi hnu hian Lorient  chuan €4ml in June 2008 khan an lei chhuak a, helai hmunah ngei hian a thiamthil te chu khawvel mithmuh ah pholan in a awm ta a ni. Lorient tan hian Matches 110 ah goal 51 lai a khung nghe nghe.

Gameiro-a pu (paternal grandfather) hi Portuguese a nih avangin kum 2009 khan khatih laia Portugal manager Carlos Queiroz chuan Portugal tana khel turin a sawm a, mahse, Gameiro hian France tana khelh a duh zawk thu sawiin he a sawmna hi alo hnawlsak a ni. August 2010 khan an ram France senior team tan a game hmasa ber a khel a, tunah hian ram tan game 8 ah goal 1 a thun tawh nghe nghe a ni. Tunah Gameiro hi PSG tan khel mekin a vawi 10 in lanna ah goal 8 lai a khung tawh.

Team: Netherlands/PSV
Position: Midfielder
Date of Birth: 13 February 1990
Career League Appearances: 93
Career League Goals: 11
International Caps: 6
International Goals: 1
Key Attributes: Defensive intelligence, Box-to-box instincts.

A club khelhna Sparta Rotterdam chu 2^nd div. a an tlakthlak avangin Strootman hi FC Utrecht chuan leiin he club ah ngei hian a dinhmun a siamṭha ta a ni. FC Utrecht tan hian a khel tha thei hle a, hei hi Netherland senior team manager Van Marwijk chuan hria in  february 2011 khan ram tana a game hmasa ber ni turin Austria nen an inkhel tumin a lo lut ve a ni. Ram tana a khel tum pawh hian a khel chhelo thei hle a, a teammate te fak a hlawh hle a Wesley Sneidjer pawhin a hma hun a ên thu a sawi hial a ni.

June 28, 2011 khan PSV Eindhoven chuan Strootman hi FC Utrecht atangin an lei chhuak a, an tisuallo chiang hle. PSV tan hian khelh 15 ah inlan tawhin goal 2 a thun tawh nghe nghe a ni. He midfielder kum-21 na hmang mek hi tun EURO 2012 ah hian khelna hun a chang a nih ngat chuan thlirtute mit fukna ber a nih a rinawm a, a indaihzaiin a taima hle a, box-to-box midfielder an tih ang chi hi a ni.