Denmark coach Morten Olsen chuan Euro 2012 a Denmark aiawh tur mi 23 a thlangfel tawh a, a final squad ah hian goalkeeper 3, defender 7, midfielder 8 leh forward 5 an awm.
Denmark hi player lar tak tak awmkhawmna leh rinkai berte zing ami a ni lem lova, mahse tunhnaia tournament hrang hrangah team chhia an ni ngai lo. Tunah hian FIFA World Ranking-ah 10 na an ni pha a, an khelh fuh ni a nih phawt chuan eng ram tân pawh tawrhhlelhawm tak tur an ni. Player ṭha fal nalh awm chiah lo mahse an ṭhat dan a rual tlâng a, Europe ram zinga team taima ber pawl an ni bawk.
Mahse…
Euro 2012 ah hian ‘Group of Death’ thlan tur ni se, Denmark awmna group B hi kan thlang deuh vek ang. FIFA in kum 20 liamta-a World Ranking a siam hnuah, ram leh ram inelna-a group pakhata top 10 ram pali khungkhawm an nih hi a awm ngai lo tluk a ni a. Euro 1996 ah khatih laia top 10 a langpha pali Germany, Russia, Italy leh Czech Republic te group pakhatah an lo awmho tawh a, tuna Germany, Netherlands, Portugal leh Denmark te group pakhata an awmho leh hi group pakhata top 10 ram pali an inhnawhkhawm leh hmasak ber a ni. Hei vang hian Denmark tân quarter final luh hi thil huphurhawm tak a ni ang.
Denmark hian goal veng turin Stoke City keeper Sorensen leh Manchester United keeper Anders Lindegaard an nei a, defence ah Liverpool bang rinawm Daniel Agger a awm bawk. Midfield ah kum 20 leka upa, Ajax thiampuipa Christian Eriksen bakah veteran Christian Poulsen a awm bawk a, goal nawr turin Arsenal striker hlui Nicklas Bendtner a awm bawk. Group danga awm chu nise quarter final lut tura rinkai an ni ngei ang a, group B ah erawh rinkai lo ber an ni thung si.
Germany, Netherlands leh Portugal te hi FIFA ranking-ah top 5 a langpha vek an ni a, ranking aṭanga teh chuan Denmark hi group stage paltlang lo tura ngaih an ni. Mahse, international tournament lian-ah ranking sâng apiang an che ṭha kher lo tih chu kan hria e. Denmark hian quarter final an inpet thlen theih i ring em le?
Denmark squad:
Goalkeepers: Thomas Sorensen (Stoke), Stephan Andersen (Evian), Anders Lindegaard (Manchester United)
Defenders: Lars Jacobsen (Copenhagen), Simon Poulsen (AZ), Daniel Wass (Evian), Simon Kjaer (Roma), Daniel Agger (Liverpool), Andreas Bjelland (Nordsjaelland), Jores Okore (Nordsjaelland)
Midfielders: William Kvist (Stuttgart), Michael Silberbauer (Young Boys), Christian Poulsen (Evian), Niki Zimling (Club Brugge), Jakob Poulsen (Midtjylland), Lasse Schone (Ajax), Christian Eriksen (Ajax), Thomas Kahlenberg (Evian)
Attackers: Nicklas Bendtner (Sunderland), Dennis Rommedahl (Brondby), Tobias Mikkelsen (Nordsjaelland), Michael Krohn-Dehli (Brondby), Nicklas Pedersen (Groningen)
canadian cialis
cialis 10mg
generic cialis cost
cialis 20mg
Original brand cialis
Buy cialis professional
@laipuichhuanga: inthlahrung reng reng suh. Ramenga sawi ang hian comment a awm loh chuan post siam te hi a nuam miah lo nia. 🙂
Quarter final chu an luh phak ka ring lo.
@laipuichhuanga: inthlahrung lo e a. Post han siam a, comments a lo awm te hian post siamtu tan a nuam a, bakah a chang chuan post ai mahin comments te hi a ngaihnawm ṭhin tlat nia. Comment chur2 phawt ang 🙂
Denmark chu an tling zo ngut a nge maw.. an group hi a den rem2 m mai.. Good post
Comment v jiah ph k inthlahrug deuh naa futbol meuh jwng ka tuina ber nimiau hek le,switur k’n neive lh hram,Rommedahl tehi anrei ta,egemw ala an ni,kn(Ajax)duhlai Eriksen hi cu tla hma tur teama hn dah gwt cu ka ui mange
Group harsa tak a ni tih a lang a, an vannei deuh a ngai dawn nih hi..
Denmark hi lung an tileng ve hrim hrim teh ngwt..qualifying a an khelh aga an khel leh theih cuan hnwksak ve tak tur an ni in ka gai..portugal home and away a tukdwl thei kha an nia..an nep hauh ka riglo.
Hman deuha Denmark larna chu an hmeltha thei tih kha a ni.., kan naupan ve deuh lai khan..,
Simon Kjaer khi tha ka van ti tak….