India sana-a Zirtawpni zan dar 11: 25 khan Euro 2012 a khel tur ram 16 te chu group 4 ah ṭhen fel an ni ta. Euro 2012 ah hian football thiam ram, group khata awmdun an awm nual a, group stage-ah inkhel hmuhnawm tak tak kan hmu dawn tih a chiang e.
Group A: Czech Republic, Poland, Russia, Greece
He group-a awm ho hi champion tur khawpa rinkai ni lo mahse group hmuhnawm loh tur a ni bik hauh lo. Paper ah chuan Czech Republic hi an ṭha ber a, Greece hi defensive game khel thiam em em mai an ni thung.
Russia hi group stage-ah khelh hautak pawl an ni thei deuh ziah a, an thleng sâng lo a nih pawhin group tihmuhnawmtu an ni leh ngei ang. Poland hian ‘home advantage’ an neih hi hmang ṭangkai thei tak ang maw?
Group B: Netherlands, Germany, Portugal, Denmark
He group hi ‘Group of Death’ tih loh rual a ni lo e. FIFA World Ranking-a pahnihna Netherlands leh pathumna Germany an awm a, Ronaldo telna Portugal an awm bawk. Denmark hi player ṭha filawr awm si lo a team ṭha pawl tak ni thei reng an ni bawk.
Germany hi an form leh player te en chuan champion thei tur khawpa ṭha an ni a, mahse an elpui tur Netherlands pawh hi chutiang chiah chu an ni ve tho. Anni pahnih bakah hian Portugal an la awm ta cheu. Football ngainatute tân chuan hei lo liama nghahhlelhawm a awm chuang awm lo e.
Group C: Spain, Italy, Republic of Ireland, Croatia.
Khawvela international team ṭha ber nihna chelh mektu Spain hi champion lallukhum humhim tumin an rawn thawkchhuak dawn a ni a. An theihna enin, anni aia champion beiseiawm an awm bik awm lo e. Italy hi defence ṭhat vanga hmingthang ṭhin kha an ni a, tunah chuan forward ho pawh ṭha tak an ni.
Republic of Ireland leh Croatia te hi player nei ṭha tak, attacking football khelh nuam ti ve ve an ni a, an khelh fuh ni ah chuan Spain leh Italy tân team hlauhawm tak an ni thei ngei ang.
Group D: France, England, Sweeden, Ukraine.
France leh England hian player lâr an ngah a, mahse he group-ah hian team ṭha ber an ni bik lo. France hian World Cup 2010-a field pâwna an buaina ang kha an pumpelh thei a nih chuan an chhe dawn lo hrim hrim a, Rooney tel lova khel tur England pawh hi champion tum ngam ve tho an ni.
Sweeden hian tunhnaiah beisei phak lo mahse team chhia an ni ngai lova, game huaisen tak an khelh ṭhin avangin pressure sâng tak hnuaia khel tur France leh England hi an hmakhalh daih lo ang tih a sawi theih bik loh. Home-a khel tur Ukraine hian result mak thlentir thei tak ang maw?
Kum 2 deuhthaw qualifying round an khelh hnua inpettling an ni a, group stage-a tlâk mai chu an tum lo hlawm khawp ang. Knockout round lût tura rinkai deuh leh rinawm vak loh an awm a, tutenge second round lut tura in rin le?
Netherlands hi tran leh ber ila ni mai…mahse an group awmna kher2 chu aw…a hmuhnawm khawp ang le…GP…:)
Denmark hi group dangah han awm se ka ti asin le. FIFA ranking-ah 11 na an nia, hemi group bikah hi chuan an hniam ber !!!!! Group of Death mai pawh ni lo, Group of Doom dik tak..
Ronaldo chu an RAM a champion pui leh lovang a….an group a che ber Denmark poh Qualifying a an chunga awm kha an ni cia…..:)
En va chakawm toh ve.
Lo sawi lok hrih vak lo teh ang… A dawn hnaihah kan la ri hlut ang chu.
Germany ka tan… Vanduai thei kan ni tlat mai… Good Post
England chu, ka beisei a sang lutuk lo(ka tan ber chu anni)
germany, Spain, Netherland te hi an hmunawm ngawt ang. Portugal chu group stage an paltlang ka ring vak lo.
England leh France awm kop chu va tihzialo ve……England chu group stage chu an paltlang ka ring a, mhs an champion erawh ka ringlo…..Spain bok hi champion an nih ka ring.. Good post!!
England chu a uiom tok lekin an tlak lh k rig….netherlands lh germany cu seni final lut turah dah pot ag o..spain bok hi champion lo mase final an hmel kn hmuh chu k van rig leh em….
Thanks 😀
Group B chu den ther ther tak a ni. An 3 zingah chuan Portugal hi an duap deuh maithei. Spain leh Italy hi chu tlang turah ngai ang,
Group B mawlh hi ni !!! Ka rindan chuan Germany an tlang ka ring a. Netherlands leh Portugal chu ka sawi thei lo.. Ka rindan mai2. Good post macha