Euro 2012 : Italy squad tur thlirlawkna

Estimated read time 8 min read

Euro 2012 tan nan thla 7 ngawt a la awm mah se tunah group qualification an zo fel tawh bawk a, khel tur team te tan chuan inpuahchah nan friendly game tlem khelh a ni deuh mai tawh e. Heng friendly an la khelh tur te hi kumthar lamah te ni hlawm tawh mahse coach tin ten an hma a Euro khelh tur thlirlawkin inbuatsaihna an kalpui tan tawh a, tin, tactical setup an hman tur te leh player khel tur te pawh an ngaihtuahnaah a awm tawh ngei ang le.

Zofooty readers te tan Euro 2012 a ram hraw zual – England, France, Germany, Italy, The Netherlands leh Spain – te player selection a an dinhmun han thlir ila.

Position hi pali – goalkeepers, defenders, midfielders leh attackers – ahte then hrangin henga candidates te hi group thumah – Chiang, kal ve rinawm leh kal ve mai thei – then leh bawk ila. Chiang kan tih ho hi chu team tana pawimawh leh innghahna te, an tel loh team in a tawrh em em turte an ni deuh ber a, hengte hi engemaw vanga an inhliam na viau te an nih loh chuan tel ngei tur te an ni. Kal ve rinawm tih ho hi an kal ve ngei chu rinawm viau mahse team innghahna em em an nih lem loh avangin inhliam leh tactical thil avanga chhawk theih an la ni. Tin, kal ve mai thei ah hi chuan players squad a hmun chang ve tura la bei ve mek, midang inhliam vang emaw tunhnai thla 7 chhunga an form that viau vanga squad a hmun tlem la awm rawn luah khat thei te an ni. A hnuaiah hian heng player thlan te hi list a an telna chhan rawn sawifiah a ni zel bawk ang.

Tun atan chuan Italy squad a hmun 23 awm luahkhat thei tur te han thlir ila. Post leh hunah chuan ram dang kan thlir leh ang.

GOALKEEPERS – 3

Chiang: Gianluigi Buffon – Juventus

Kal ve rinawm: Morgan De Sanctis – Napoli

Kal ve mai thei: Salvatore Sirigu – Paris Saint-Germain, Emiliano Viviano – Inter, Antonio Mirante – Parma, Federico Marchetti – Lazio

Kum 34 mi ni tawh mahse Gianluigi Buffon hi Italy No.1 keeper chu a la ni chiang a, tin, tunhnaiah phei chuan Captain armband a hreng tawh bawk a ni. A hmun chuhpui ber tu Emiliano Viviano nipui laia a inhliam vang pawh a ni ve deuh bawk awm e.

Viviano hi a dam huna a khelh tam tawk phawt chuan squad ah telin Italy No.1 nih a chuh ve thei dawn a ni.

Anni 2 bakah hian Morgan De Sanctis hi kumina Napoli a chetthatpui em avangin squad a tel tura rin a ni bawk a, Sirigu erawh PSG lama a kal avangin a chance a chhe deuh hrat. Mirante hian a khelhthat viau chuan beisei tur tlem a nei ve a, Marchetti erawh koh anih chuan World Cup hnua an vawikhat koh lehna chauh a ni ang.

DEFENDERS – 8

Chiang: Giorgio Chiellini – Juventus

Kal ve rinawm: Andrea Barzagli – Juventus, Domenico Criscito – Zenit St Petersburg, Christian Maggio – Napoli

Kal ve mai thei: Ignazio Abate – Milan, Davide Astori – Cagliari, Federico Balzaretti – Palermo, Leonardo Bonucci – Juventus, Cesare Bovo – Genoa, Hugo Campagnaro – Napoli, Mattia Cassani – Fiorentina, Lorenzo De Silvestri – Fiorentina, Andrea Dossena – Napoli, Alessandro Gamberini – Fiorentina, Angelo Ogbonna – Torino, Andrea Ranocchia – Inter, Aleandro Rosi – Roma, Gianluca Zambrotta – Milan

Giorgio Chiellini hi chuan hmun a chang chiang sa a, amaherawhchu midang te dinhmun atangin eng ang role tak nge a khelh dawn a hriat chauh ang. Mahse Criscito hi a khel chhe ta viau anih loh chuan 1st choice left-back a ni ngei ang a, chumi anih chuan Chiellini hi a laiah kan hmuh ngei a rinawm.

Chiellini dinpui tur hi a la chianglo hle a, tunah chuan Barzagli hi a rinawm ber a, ani hi chu a start loh pawn squad ah a tel chu a rinawm a ni. Central defender dang 7 laiin squad a hmun chan hi an la inchuh a, chung zingah chuan Argentina a piang, Italian passport nei Hugo Campagnaro pawh a tel a ni. Bonucci hian ram tan khel ngun ve tawh viau mahse club lamah a hmun a ngheh loh avang leh Juventus in defender thar an melh avangin kumthar a a khelh tlem viau chuan a chance a chhe thei bawk a ni.

Criscito baka fullback zinga tel rinawm ber chu Christian Maggio, tuna Napoli leh Italy team a regular ni tawh hi a ni a, mahse ani pawh starter chu a la ni bik lo. Zambrotta, Cassani, De Silvestri te hi coach Prandelli hian a enchhin vek tawh a, tin, anni hian ding leh vei lamah an khel thei vek bawk a, Aleandro Rossi hi Roma ah a kheltha a, a regular anih chuan June anih hma chuan ani pawh hian enchhin a hlawh ngei a rinawm a ni.

Left-back bikah chuan Balzaretti hi kuminah a kheltha thlawt a, tin, Dossena hi a attacking instinct avanga koh theih thut theih a la ni bawk.

MIDFIELDERS – 6/7

Chiang: Daniele De Rossi – Roma, Andrea Pirlo – Juventus

Kal ve rinawm: Alberto Aquilani – Milan, Claudio Marchisio – Juventus, Riccardo Montolivo – Fiorentina, Antonio Nocerino – Milan

Kal ve mai thei: Alessio Cerci – Fiorentina, Luca Cigarini – Atalanta, Andrea Cossu – Cagliari, Gaetano D’Agostino – Siena, Cristian Ledesma – Lazio, Stefano Mauri – Lazio, Marco Parolo – Cesena, Andrea Poli – Inter, Ezequiel Schelotto – Atalanta, Thiago Motta – Inter

Prandelli hian eng set-up pawh hmang se three-man midfield a hman ngei zel a rinawm a, chumi ah chuan De Rossi leh Pirlo chu an fit chuan an tel ziah ang. Tin, player te ngaihtuah pawhin Central Midfield hi Italy chakna lai ber niin a lang. Marchisio, Aquilani leh Nocerino te an club tan an kheltha hle a, squad a tel turin an rinawm hle. Tin, buaina neuh neuh nei attacking midfielder Riccardo Montolivo pawh Prandelli player duhzawng anih avangin a tel ngei a rinawm bawk.

Heng players te hi an dinhmun a ngheh viau takah chuan hmun 2/1 vel chiah siamrem tur a awl hmel tawh a, chung chu Cerci leh Schelotto te hian tun season an khelhthat em avangin an inchuh hmel a, tin, Thiago Motta pawh hian chance a nei ve bawk a, amaherawhchu Inter an insiksawi dan a zirin a tuar thei bawk a ni. Stefano Mauri hi Prandelli hian a chhawr tam lem lova, Andrea Poli hi a fitness a tha a, club lamah danglamna a rawn siam theih viau chuan a hming a ri ring viau thei bawk a ni.

ATTACKERS – 5/6

Chiang: Awm lo

Kal ve rinawm: Mario Balotelli – Manchester City, Sebastian Giovinco – Parma

Kal ve mai thei: Fabio Borini – Roma, Marco Borriello – Roma, Antonio Cassano – Milan, Alessandro Diamanti – Bologna, Antonio Di Natale – Udinese, Stephan El Shaarawy – Milan, Alberto Gilardino – Fiorentina, Alessandro Matri – Juventus, Pablo Daniel Osvaldo – Roma, Giampaolo Pazzini – Inter, Simone Pepe – Juventus, Fabio Quagliarella – Juventus, Giuseppe Rossi – Villarreal

Heihi tuna Italy leh Prandelli lu tihaitu a ni. Thla hmasa lawk khan inhnaih takin an 1st choice striker pahnih – Cassano leh Rossi – ten hliampui an tuar ve ve a, hei hi a pawi thui hle thei a ni. Amaherawhchu Italy fans te tana lawmna rawn awm ve leh chu he mite piahlamah hian option an ngah em em thung a ni.

Balotelli leh Giovinco te hian hemite thlakna tha tak an ni tih an tilang thei a, tunah phei chuan level sang takah an theihna an tilang thin tawh bawk a, June anih meuh chuan 1st choice an nih loh pawhin squad ah chuan an tel ngei chu a rinawm a ni.

Osvaldo hian ram tan vawikhat chauh la khel mahse target man tur chuan duhawm tak a ni tih a tilang a, mahse Pazzini hi option duhawm zawk pawh tih a ni mai thei bawk. Attackers “style” inang put lo deuh hruai an duh avangin an pahnih zinga tu emaw zawk zawk hi hruai an ni ang, a bik takin Cassano leh Rossi an dam hman phei chuan. Diamanti hian attack lamah thil danglam deuh a rawn ken tel theih avangin chance a nei ve bawk a, tin, rawlthar El Shaarawy hian Milan tana a khelhtam chuan hmun a chang thei bawk.

Marco Borriello, Fabio Quagliarella leh Alberto Gilardino te hi national team lamah an dinhmun a duhawm lo tual tual a, Simone Pepe leh Matri te ho lo lan tak vang te pawh a ni ve bawk. Antonio Di Natale hian a zawna vawi thum nan Serie A top-scorer anih leh chuan hruai a ni lo ang tih tunge sawi thei?

You May Also Like

More From Author

19Comments

Add yours
  1. 5
    ZawnMataHmar

    Fabio Borini khi kal tel v se chuan k tan gwt ag….. Chelsea youth team a akhelh lai khan tha k ti.tlat…. Ancelloti khn a hmag gamlo mai poh ah…….Hliam an wmloh cuan team tha tak tur cu an nh khi…

  2. 10
    ben vangchhia

    Good Post.. Hetiang Post hi a lawm tha ka tih em em.. Keimah ah chuan EURO boruak a siam tlat.. Serie A en tlem nen defender lam chu hriat loh an awm nawk ta mai.. Giovinco erawh tha ka la ti ber tho..

  3. 11
    Lalthanzama Vanchhawng

    Good post ! Keichu insawi ang deuhvn a sang berah QF anthlen ka ring, SF chu ka ring chiah lo … Se team chhia chu an ni chuang lo, Beisei ka nei sang em em lo.. Pirlo a tar tawh si a, duh angin striker pawh an nei hriam tawk lo ka ti mai mai..

  4. 13
    Mykee Rokhum

    haha… ka phur thar thut a lol. Italy chu a tha berah S/F an thlen bak ka ringlo keipawh. A hma an tluk tawhlo, tin, i sawi ang deuh hian playmaker/trequartista tur hi Pirlo a upat takah chuan a thlakna an nei mumal lo hi an tuar tih tunhnai kum 1 leh a chanve chhung vel hian a lang.

  5. 14
    Zorema01

    Mykee cu, i va tang ve! I post bwk a, i comment bawk a. Ha ha.. Kei chu, Italy hi q.final bak an thlen ka ring meuh lo. An playmaker a tar twh e mai.

  6. 15
    Mykee Rokhum

    central midfield hi Italy chakna chu ani leh dawn anih hi…tin, Balotelli hi an danglamna a rawn nih a rinawm a, Giovinco hi an “weapon X” / “Secret weapon”…???? Bonucci hi ram tan hian duhsak a hlawh thin khawp a, barzagli nena club a an dingdun hi an nghet bawk a, chiellini hi LB ah a awm daih pawn a mak lemlo ang, anih loh pawhin an pahnihin Chiellini hi an inkawp chhawk a rinawm… en chakawm tawh veee

+ Leave a Comment

Euro 2012 : Italy squad tur thlirlawkna

Euro 2012 tan nan thla 7 ngawt a la awm mah se tunah group qualification an zo fel tawh bawk a, khel tur team te tan chuan inpuahchah nan friendly game tlem khelh a ni deuh mai tawh e. Heng friendly an la khelh tur te hi kumthar lamah te ni hlawm tawh mahse coach tin ten an hma a Euro khelh tur thlirlawkin inbuatsaihna an kalpui tan tawh a, tin, tactical setup an hman tur te leh player khel tur te pawh an ngaihtuahnaah a awm tawh ngei ang le.

Zofooty readers te tan Euro 2012 a ram hraw zual – England, France, Germany, Italy, The Netherlands leh Spain – te player selection a an dinhmun han thlir ila.

Position hi pali – goalkeepers, defenders, midfielders leh attackers – ahte then hrangin henga candidates te hi group thumah – Chiang, kal ve rinawm leh kal ve mai thei – then leh bawk ila. Chiang kan tih ho hi chu team tana pawimawh leh innghahna te, an tel loh team in a tawrh em em turte an ni deuh ber a, hengte hi engemaw vanga an inhliam na viau te an nih loh chuan tel ngei tur te an ni. Kal ve rinawm tih ho hi an kal ve ngei chu rinawm viau mahse team innghahna em em an nih lem loh avangin inhliam leh tactical thil avanga chhawk theih an la ni. Tin, kal ve mai thei ah hi chuan players squad a hmun chang ve tura la bei ve mek, midang inhliam vang emaw tunhnai thla 7 chhunga an form that viau vanga squad a hmun tlem la awm rawn luah khat thei te an ni. A hnuaiah hian heng player thlan te hi list a an telna chhan rawn sawifiah a ni zel bawk ang.

Tun atan chuan Italy squad a hmun 23 awm luahkhat thei tur te han thlir ila. Post leh hunah chuan ram dang kan thlir leh ang.

GOALKEEPERS – 3

Chiang: Gianluigi Buffon – Juventus

Kal ve rinawm: Morgan De Sanctis – Napoli

Kal ve mai thei: Salvatore Sirigu – Paris Saint-Germain, Emiliano Viviano – Inter, Antonio Mirante – Parma, Federico Marchetti – Lazio

Kum 34 mi ni tawh mahse Gianluigi Buffon hi Italy No.1 keeper chu a la ni chiang a, tin, tunhnaiah phei chuan Captain armband a hreng tawh bawk a ni. A hmun chuhpui ber tu Emiliano Viviano nipui laia a inhliam vang pawh a ni ve deuh bawk awm e.

Viviano hi a dam huna a khelh tam tawk phawt chuan squad ah telin Italy No.1 nih a chuh ve thei dawn a ni.

Anni 2 bakah hian Morgan De Sanctis hi kumina Napoli a chetthatpui em avangin squad a tel tura rin a ni bawk a, Sirigu erawh PSG lama a kal avangin a chance a chhe deuh hrat. Mirante hian a khelhthat viau chuan beisei tur tlem a nei ve a, Marchetti erawh koh anih chuan World Cup hnua an vawikhat koh lehna chauh a ni ang.

DEFENDERS – 8

Chiang: Giorgio Chiellini – Juventus

Kal ve rinawm: Andrea Barzagli – Juventus, Domenico Criscito – Zenit St Petersburg, Christian Maggio – Napoli

Kal ve mai thei: Ignazio Abate – Milan, Davide Astori – Cagliari, Federico Balzaretti – Palermo, Leonardo Bonucci – Juventus, Cesare Bovo – Genoa, Hugo Campagnaro – Napoli, Mattia Cassani – Fiorentina, Lorenzo De Silvestri – Fiorentina, Andrea Dossena – Napoli, Alessandro Gamberini – Fiorentina, Angelo Ogbonna – Torino, Andrea Ranocchia – Inter, Aleandro Rosi – Roma, Gianluca Zambrotta – Milan

Giorgio Chiellini hi chuan hmun a chang chiang sa a, amaherawhchu midang te dinhmun atangin eng ang role tak nge a khelh dawn a hriat chauh ang. Mahse Criscito hi a khel chhe ta viau anih loh chuan 1st choice left-back a ni ngei ang a, chumi anih chuan Chiellini hi a laiah kan hmuh ngei a rinawm.

Chiellini dinpui tur hi a la chianglo hle a, tunah chuan Barzagli hi a rinawm ber a, ani hi chu a start loh pawn squad ah a tel chu a rinawm a ni. Central defender dang 7 laiin squad a hmun chan hi an la inchuh a, chung zingah chuan Argentina a piang, Italian passport nei Hugo Campagnaro pawh a tel a ni. Bonucci hian ram tan khel ngun ve tawh viau mahse club lamah a hmun a ngheh loh avang leh Juventus in defender thar an melh avangin kumthar a a khelh tlem viau chuan a chance a chhe thei bawk a ni.

Criscito baka fullback zinga tel rinawm ber chu Christian Maggio, tuna Napoli leh Italy team a regular ni tawh hi a ni a, mahse ani pawh starter chu a la ni bik lo. Zambrotta, Cassani, De Silvestri te hi coach Prandelli hian a enchhin vek tawh a, tin, anni hian ding leh vei lamah an khel thei vek bawk a, Aleandro Rossi hi Roma ah a kheltha a, a regular anih chuan June anih hma chuan ani pawh hian enchhin a hlawh ngei a rinawm a ni.

Left-back bikah chuan Balzaretti hi kuminah a kheltha thlawt a, tin, Dossena hi a attacking instinct avanga koh theih thut theih a la ni bawk.

MIDFIELDERS – 6/7

Chiang: Daniele De Rossi – Roma, Andrea Pirlo – Juventus

Kal ve rinawm: Alberto Aquilani – Milan, Claudio Marchisio – Juventus, Riccardo Montolivo – Fiorentina, Antonio Nocerino – Milan

Kal ve mai thei: Alessio Cerci – Fiorentina, Luca Cigarini – Atalanta, Andrea Cossu – Cagliari, Gaetano D’Agostino – Siena, Cristian Ledesma – Lazio, Stefano Mauri – Lazio, Marco Parolo – Cesena, Andrea Poli – Inter, Ezequiel Schelotto – Atalanta, Thiago Motta – Inter

Prandelli hian eng set-up pawh hmang se three-man midfield a hman ngei zel a rinawm a, chumi ah chuan De Rossi leh Pirlo chu an fit chuan an tel ziah ang. Tin, player te ngaihtuah pawhin Central Midfield hi Italy chakna lai ber niin a lang. Marchisio, Aquilani leh Nocerino te an club tan an kheltha hle a, squad a tel turin an rinawm hle. Tin, buaina neuh neuh nei attacking midfielder Riccardo Montolivo pawh Prandelli player duhzawng anih avangin a tel ngei a rinawm bawk.

Heng players te hi an dinhmun a ngheh viau takah chuan hmun 2/1 vel chiah siamrem tur a awl hmel tawh a, chung chu Cerci leh Schelotto te hian tun season an khelhthat em avangin an inchuh hmel a, tin, Thiago Motta pawh hian chance a nei ve bawk a, amaherawhchu Inter an insiksawi dan a zirin a tuar thei bawk a ni. Stefano Mauri hi Prandelli hian a chhawr tam lem lova, Andrea Poli hi a fitness a tha a, club lamah danglamna a rawn siam theih viau chuan a hming a ri ring viau thei bawk a ni.

ATTACKERS – 5/6

Chiang: Awm lo

Kal ve rinawm: Mario Balotelli – Manchester City, Sebastian Giovinco – Parma

Kal ve mai thei: Fabio Borini – Roma, Marco Borriello – Roma, Antonio Cassano – Milan, Alessandro Diamanti – Bologna, Antonio Di Natale – Udinese, Stephan El Shaarawy – Milan, Alberto Gilardino – Fiorentina, Alessandro Matri – Juventus, Pablo Daniel Osvaldo – Roma, Giampaolo Pazzini – Inter, Simone Pepe – Juventus, Fabio Quagliarella – Juventus, Giuseppe Rossi – Villarreal

Heihi tuna Italy leh Prandelli lu tihaitu a ni. Thla hmasa lawk khan inhnaih takin an 1st choice striker pahnih – Cassano leh Rossi – ten hliampui an tuar ve ve a, hei hi a pawi thui hle thei a ni. Amaherawhchu Italy fans te tana lawmna rawn awm ve leh chu he mite piahlamah hian option an ngah em em thung a ni.

Balotelli leh Giovinco te hian hemite thlakna tha tak an ni tih an tilang thei a, tunah phei chuan level sang takah an theihna an tilang thin tawh bawk a, June anih meuh chuan 1st choice an nih loh pawhin squad ah chuan an tel ngei chu a rinawm a ni.

Osvaldo hian ram tan vawikhat chauh la khel mahse target man tur chuan duhawm tak a ni tih a tilang a, mahse Pazzini hi option duhawm zawk pawh tih a ni mai thei bawk. Attackers “style” inang put lo deuh hruai an duh avangin an pahnih zinga tu emaw zawk zawk hi hruai an ni ang, a bik takin Cassano leh Rossi an dam hman phei chuan. Diamanti hian attack lamah thil danglam deuh a rawn ken tel theih avangin chance a nei ve bawk a, tin, rawlthar El Shaarawy hian Milan tana a khelhtam chuan hmun a chang thei bawk.

Marco Borriello, Fabio Quagliarella leh Alberto Gilardino te hi national team lamah an dinhmun a duhawm lo tual tual a, Simone Pepe leh Matri te ho lo lan tak vang te pawh a ni ve bawk. Antonio Di Natale hian a zawna vawi thum nan Serie A top-scorer anih leh chuan hruai a ni lo ang tih tunge sawi thei?

You May Also Like

More From Author

+ There are no comments

Add yours