Euro 2012 khel tur ram 16 te bih thuak ang

Estimated read time 3 min read

European Championship 2012, Poland leh Ukraine-a khelh tura tling ram 16 te chanchin chipichiar deuh tarlan a nih hmain i han bih thuak thuak teh ang.

Ukraine leh Poland te hian an thleng dun dawn a. Ukraine hi an chhe lova, home advantage nen chuan team hlauhawm tak an ni ngeiin a rinawm a. Poland erawh hi chu home advantage nei mahse kal thui tur chuan rin an harsa deuh.

Spain hian player an nei tha chungchuang a, chutih laiin an lallukhum khum leh an tumna kawngah hian harsatna an tawk ngei tura ngaih a ni. Germany hian player naupang, international experience nei an ngah hle a, anni hi an player-ten tharum an ngah theih em avangin Spain tana hlauhawm ber tura ngaih an ni maithei.

Italy hian 2010 World Cup-a an chet chhiat hnu khan player naupang tha tak tak national team-ah an lalut a, beiseina nei sang ber zingah an tel ngei ang a. Chutih lai chuan Holland hian World Cup-a an khelh that kha chhunzawm an tum dawn a, chhunzawm tur pawhin player an nei tha khawp mai.

Russia hian player tha tak tak an nei nual a,  Euro 2012 a thil mak thlen thei tura ngaih an ni a. Portugal hi chuan Cristiano Ronaldo an nei a, an innghahna ber a ni leh dawn chiang a. Chutih lai chuan England chuan an superstar Wayne Rooney chu Group stage-ah an chhawr thei dawn lova, an tuar dawn nge dawn lo a hriat rih loh va. Tun hnaia an friendly khelhah pawh Rooney tel lova inkhelh an zir char char a. Anni hi chu an chanchinbu lam hian field chhung aiin field pawna an player-te che tla hi an ziah nasat avangin an che ropui lo leh thin. Beisei phak tak maw?

France hian World Cup hnuhnung berah khan dressing room lamah harsatna lian tak an tawk a, khatiang kha an nei leh a nih loh chuan chhe lo tak tur chu an ni a, Laurent Blanc-a hnuaiah hian team beisei san ngam pawl tak an ni ngei ang.

France-in World Cup 2010 khelh theih nana an hneh Republic of Ireland hian France tum leh hi an chak zek zekin a rinawm a, team tha tak ni lo mahse hlauhawm thei tak an ni a. Sweden hi football-a tha thin ni mahse tun hnaiah beisei an phak lo ziah a. 1992 champion Denmark hian team liante lakah harsatna an siam lovang tih a sawi theih loh.

2004 khan Greece hian football nih phung pangngai tidanglam dawrhin an rawn champion ringawt a, mahse a hnu lamah an zuih leh phian a. An coach thar Fernando Santos-a hnuaiah hian an intuaihriam tha leh mek a, anni hi an khawng fu ang.

Croatia hian ‘rockstar manager’ Slaven Bilic an nei a, player naupang lam hlir an khelhtir hmel bawk a, team hmuhnawm ber zinga mi an nih a rinawm a. Czech Republic hian tuma rin leh beisei hlawh lo mahse thil mak eng eng emaw an ti lovang tih sawi theih miah loh a ni.

You May Also Like

More From Author

17Comments

Add yours
  1. 7
    ben vangchhia

    Spain hi an thlen san ka ring a, an champ erawh ka beisei tawh lo. Anmahni pet tla tute erawh an game play danah sawisel an hlawh ka ring lawk bur.. Germany hi ka ring deuh ber e..

  2. 9
    Lalzarzova

    Germany Fan ka awm e… “Spain tana hlauhawm ber tura ngaih an ni maithei” tih ai hian “tun Euro ah hian Germany dang thei tur hi an awm meuh angem?” ti zawk ta la 🙂 ahahahaha

    Good Post 🙂

  3. 11
    ZawnMataHmar

    Netherland cu tha viau mahse tlar hnung lam hi an buai k rig…. Spain hi cu kn rig tlag ber xel nh hi…players an nei tha hlwm boka…. Kei cu spain k tan leh e…

  4. 12
    Zaia Roite

    A va chhuak hma teh puat ve 🙂 European Championship hi chu team-te an inhre chiang tlangpui a, a tua te pawh hi inkhel se, a hmuhnawm vek ang. Group an la siam fel lova, champ tur rin thiam a har rih tlat. 😛

  5. 14
    Mykee Rokhum

    Good post…a ngaihnawm hle mai. Tu pawh champ dawn mahse keichu England bak ka tan leh chuanglo.hehe remchan hunah team lian deuh ho squad thlir lawkna ron tih ka lo tum don nia.

+ Leave a Comment

Euro 2012 khel tur ram 16 te bih thuak ang

European Championship 2012, Poland leh Ukraine-a khelh tura tling ram 16 te chanchin chipichiar deuh tarlan a nih hmain i han bih thuak thuak teh ang.

Ukraine leh Poland te hian an thleng dun dawn a. Ukraine hi an chhe lova, home advantage nen chuan team hlauhawm tak an ni ngeiin a rinawm a. Poland erawh hi chu home advantage nei mahse kal thui tur chuan rin an harsa deuh.

Spain hian player an nei tha chungchuang a, chutih laiin an lallukhum khum leh an tumna kawngah hian harsatna an tawk ngei tura ngaih a ni. Germany hian player naupang, international experience nei an ngah hle a, anni hi an player-ten tharum an ngah theih em avangin Spain tana hlauhawm ber tura ngaih an ni maithei.

Italy hian 2010 World Cup-a an chet chhiat hnu khan player naupang tha tak tak national team-ah an lalut a, beiseina nei sang ber zingah an tel ngei ang a. Chutih lai chuan Holland hian World Cup-a an khelh that kha chhunzawm an tum dawn a, chhunzawm tur pawhin player an nei tha khawp mai.

Russia hian player tha tak tak an nei nual a,  Euro 2012 a thil mak thlen thei tura ngaih an ni a. Portugal hi chuan Cristiano Ronaldo an nei a, an innghahna ber a ni leh dawn chiang a. Chutih lai chuan England chuan an superstar Wayne Rooney chu Group stage-ah an chhawr thei dawn lova, an tuar dawn nge dawn lo a hriat rih loh va. Tun hnaia an friendly khelhah pawh Rooney tel lova inkhelh an zir char char a. Anni hi chu an chanchinbu lam hian field chhung aiin field pawna an player-te che tla hi an ziah nasat avangin an che ropui lo leh thin. Beisei phak tak maw?

France hian World Cup hnuhnung berah khan dressing room lamah harsatna lian tak an tawk a, khatiang kha an nei leh a nih loh chuan chhe lo tak tur chu an ni a, Laurent Blanc-a hnuaiah hian team beisei san ngam pawl tak an ni ngei ang.

France-in World Cup 2010 khelh theih nana an hneh Republic of Ireland hian France tum leh hi an chak zek zekin a rinawm a, team tha tak ni lo mahse hlauhawm thei tak an ni a. Sweden hi football-a tha thin ni mahse tun hnaiah beisei an phak lo ziah a. 1992 champion Denmark hian team liante lakah harsatna an siam lovang tih a sawi theih loh.

2004 khan Greece hian football nih phung pangngai tidanglam dawrhin an rawn champion ringawt a, mahse a hnu lamah an zuih leh phian a. An coach thar Fernando Santos-a hnuaiah hian an intuaihriam tha leh mek a, anni hi an khawng fu ang.

Croatia hian ‘rockstar manager’ Slaven Bilic an nei a, player naupang lam hlir an khelhtir hmel bawk a, team hmuhnawm ber zinga mi an nih a rinawm a. Czech Republic hian tuma rin leh beisei hlawh lo mahse thil mak eng eng emaw an ti lovang tih sawi theih miah loh a ni.

You May Also Like

More From Author

+ There are no comments

Add yours