Germany 2-1 Netherlands: Mario Gomez goal hnih hmangin Germany an chak


Euro 2012 Group-B inkhel pawimawh takah Mario Gomez-a’n goal hnih mawi tak taka thunin an hmelma kumhlun Netherlands an hneh. He chakna hian Germany quarterfinals dinhmun a sawhnghet a, Netherlands dinhmun a ti derthawng hle thung. Amaherawhchu he group atang hian tla leh lut chiang an la awmlo thung.

Line up a danglam lo!
Netherlands in an match hmasa berah Denmark an hneh tawh lova. Hemi anih avang hian an khelh dan formation an thlak lo anih pawhin a khelte erawh an thlak a rinawm hle. Mahse Netherlands Coach Bert Van Marwijk-a’n a rilru a sawh sawn lova, inhliam vanga first match khel theilo Joris Mathisen-a’n Ron Vlaar a rawn thlak tih loh chu tih danglam a awm lova. Bundesliga top Scorer leh Germans ho hriatchiang tura ngaih Klass -Jan Huntelaar tan hmun a awm lova, Tottenham Hotspur star Rafael Van Der Vaart tan pawh hmun a awm chuanglo. Hei hi Coach Marwijk tihsual hmasaah a ngaih theih.

Germany coah Joachim Low pawn players pakhatmah a sik sawi lova. Portugal an hneh tuma Mats Hummels khelh that avang leh Mario Gomez-a’n goal a thun avangin a siksawilo hi thil awm tak a ni thung.

An inkhel e; Mario Gomez a ropui !
Tun tournament a Champion rinkai pahnih inkhel hi a tir atangin a hmuhnawm ngah a. Arsenal Striker Robin Van Persie hmangin Dutch lamin chance nei mahse Manuel Neuer an paltlang theilo thung. Netherlands lamin ball possession an neitha zawk a, chutihrualin a kheltha zawk chu Germany an ni. Mesut Oezil-a’n Mark Van Bommel clear tha tawk loh a ke veilam a volley chuan goal ban a per chu Netherlands tan chuan warning-ah a ngaih theih. Mahse an insiamthat loh avangin, minute 24 naah Bastian Schweinsteiger pass tha zet chu Gomez-a’n mawi taka lo dawngin Germany hmahruaina goal a thun a, Maarten Stekelenburg tan dan ngaihna a awmlo. Hemi hnu hian Holger Badstuber-a’n Oezil freekick atanga ball lo kal tha zet chu Stekelburg a head per bawk. Germany an chetha chhunzawm zela minute 38 naah Sweinsteiger pass chu Gomez bawkin goal-ah a lo chantir a. First Half hun pek belhah Dutch keeper Stekelenburg-a’n ropui taka a save leh avangin goal dang a luh belh tawh lo.

Second Half-ah Marjwik-a’n substitution a rawn siam ve ta hram
First half atanga thlir chuan Netherlands tan beisei tur a awm tawh lova. Mahse Dutch Coach Marjwik-a’n an Captain leh a makpa ni bawk Bommel aiah Van Der Vaart a rawn luh tir a. Ibrahmin Affelay aiah Huntelaar a rawn luhtir bawk. Dutch fans-te tan beiseina thar awm bawk mahse second half bul tan tha zawk chu Germany tho an ni.

Minute 52-naah Hummels-a’n chance a nei a, mahse Stekelenburg-a’n vawi hnih ngawt a lo save sak thung. Hemi hnu hi chuan Netherlands game a rawn fuh chho tana tun tournament a vanduai ve tak Persie a rawn lang a. Minute 58-naah a ke dinglamin mawi takin a thun a, minute 30 ngawt a la awm avangin players-te pawh an phur chho hle. Chance tha tak tak an rawn nei chho nghal a mahse Gemany bang rinawm Neuer an paltlang thei lo. Minute 71-naah a first game phalo Wesley Sneijder shot Jerome Boateng lo dan sak chu Dutch lam tan chuan uihawm tak a ni. Goal dang a luh belh tawhloh avangin Germany chu an chak ta a, mahse yellow card hmutu Boateng (Portugal nen a hmu tawh bawk) erawhin Denmark a tumve thei lovang. Germany hian tun chawlhni hian Lviv-ah Denmark an tum dawn a. Netherlands in Kharkiv-ah Portugal an tum thung dawn a ni.

Quarterfinal lut tur a chiang tawh em?
Germany hi an chak emaw an in draw anih chuan Quarterfinal an lut dawn a. Anni hi he group-ah chuan an dinhmun a tha bera, team dang kutah an inghat ve lo. First match a Netherlands hnehtu Denmark in Germany hi an hneh anih erawh chuan quarterfinal lut thei dinhmunah an ding dawn a, mahse Portugal in Netherlands an hneh anih rawh chuan Germany, Portugal leh Denmark ten 6 points theuh an hmuh dawn avangin head to head a en theih dawn lova, an pathum inkar goal difference hi a pawimawh ang. Chutihrualin Germany tan Denmark hneh chu thil harsa lutuk anih dawn loh avangin Netherlands tan beiseina a la awm dawn a. Gemany an chak a, Portugal goal hnih tala an hneh anih bawk chuan quarterfinal an lut thei dawn bawk a ni. Group B atang hian tupawh an tlang thei a, tlang tur erawh hriatthiam a har, tunge tlang tura i rinve le?

Match Statistics:
Netherlands
Playing XI: 01 Stekelenburg; 02 Van Der Wiel, 03 Heitinga, 04 Mathijsen, 15 Willems (Booked) ; 06 Van Bommel (Van der Vaart – 46′), 08 De Jong (Booked), 10 Sneijder, 11 Robben (Kuyt – 83′ ) ; 16 Van Persie, 20 Afellay (Huntelaar – 46′).
Substitutes: 12 Vorm, 22 Krul, 05 Bouma, 13 Vlaar, 21 Boulahrouz, 14 Schaars, 17 Strootman, 23 Van der Vaart, 07 Kuyt, 09 Huntelaar, 18 De Jong, 19 Narsingh
Germany
Playing XI : 01 Neuer; 05 Hummels, 14 Badstuber, 16 Lahm, 20 Boateng (Booked); 06 Khedira, 07 Schweinsteiger, 08 Ozil (Kroos – 81′ ), 13 Mueller (Bender – 90′ ), 10 Podolski, 23 Gomez (Klose – 72′ )
Substitutes: 12 Wiese, 22 Zieler, 03 Schmelzer, 04 Howedes, 17 Mertesacker, 02 Gundogan, 09 Schurrle, 15 Bender, 18 Kroos, 19 Gotze, 21 Reus, 11 Klose


Statistics Source: bbc.co.uk

16 thoughts on “Germany 2-1 Netherlands: Mario Gomez goal hnih hmangin Germany an chak

  1. Pingback: cialis coupon cvs

  2. Pingback: Buy viagra overnight delivery

  3. teteapachuau

    2nd goal kha chu keeper tha chuan an save ngei ang mole…angle ah shota ,a hniam bok siii bol kha

  4. Dinga

    Schweinsteiger kha a che tha solid tawp………….Robben kha an ti khawngaihthlak ger. defence Phillip a khan awmngaihna a hriat tir lo…2nd half ah phei chuan Lahm kha a kalsan tawp a ni ber mai…..euro2016 ah chuan hei aiin an tha tawh ngei ang…hahahaha……….hnehsa a awm theih loh marawhchu portugal leh holland ai chuan denmark chu khirh lutuk in ka ringlo thla ve tawp…rs 2000 ka hlawh tlat mai ka pawlte an chak avangin……2nd halh ah thingpui no 6 inleng tan no 5 leh Gomez atan no 1 ka lum tak kha mawle..

  5. lalhunliana royte

    Kei chu Schweinsteiger kha MoM ah ka thlang. Duh aiin a hming i tiri tlem deuhvin ka hria.

  6. zodina

    Holland hi last match ah 3-0 a chak tur in duhsakna ka hlan e, Tin, Denmark chaklo bok se.hahahaaa

  7. Ramenga

    Holland cu players an neih that ang hu in teamwork an nei tha lo deuh ka ti. Chuan, preview na a kan sawiho tawh ang khan, midfield ah an truan a inthat hleih hret a nh kha. Portugal nen an intum hun chu a pui mep2 ang chu awww

  8. Vuttaia

    Tlangtur chuan beisei nei chau viau mah ila, kan la zam lo e. SMS ka dawng hnem lutuk erawh hrehawm ka ti

  9. Rs colney

    Gomez ce bwn hle my.van persie pwh a khel tha.mhs dfnse mwlh kha a kw nasa ltk,dfnsv mdfd te khan an hnaihcilh har thy ltk,humels a rwn shot te kha tuman an hnaih hman lo reg2..an game kha a zwi ltk bwk,goal an cuah khan an zuai gal vk,goal 1 an thun v hnu pwh khn eg an la ag thy cuaglo..fightg spirit nei ce ltk tlat

  10. Ramenga

    Gomez chu a lo pet goal thei tak tak a nih hi hehe. Schweinsteiger a hmuhnawm khawp mai.
    Netherlands kha chak se, point 3 vek an hmu ang a, last match boruak a pui lehzual dawn asin le.

  11. SinlungSuok

    Rafael Van Der Vaart hi a zak ka ring, players thiam a ti miah lo ten an NUAI ania.haha

    “Netherlands lamin ball possession an neitha zawk a, chutihrualin a kheltha zawk chu Germany an ni.” adik bawka ka like bawk e..

  12. laipuichhuanga

    Ava na ngaih2 thn ve,dar lehlam sahthlak antih cu nepte,kan vanduai ve thn bwk anie,Willems atalbuai mah2 thn,abak cu kn dfending beisei aiin atha e,vwi 2 chaklo rau2 ah kan dinhmun ala duhwm agreng e,Dane ho tan German laka pt hmuh ahar dn,chutih laiin nzna kan khelhdan leh Por ho khelhdan enin lwngpu ho si 2 a hneh thil huphurhwm niin alang lo.

  13. Valpuia

    Inkhel en ve ta lo tan pawh en tlukin chiang e. Dutch dihhmun chu huphurh awm ta ve, an khelh tawh atang chuan

Leave a Reply

Germany 2-1 Netherlands: Mario Gomez goal hnih hmangin Germany an chak

Euro 2012 Group-B inkhel pawimawh takah Mario Gomez-a’n goal hnih mawi tak taka thunin an hmelma kumhlun Netherlands an hneh. He chakna hian Germany quarterfinals dinhmun a sawhnghet a, Netherlands dinhmun a ti derthawng hle thung. Amaherawhchu he group atang hian tla leh lut chiang an la awmlo thung.

Line up a danglam lo!

Netherlands in an match hmasa berah Denmark an hneh tawh lova. Hemi anih avang hian an khelh dan formation an thlak lo anih pawhin a khelte erawh an thlak a rinawm hle. Mahse Netherlands Coach Bert Van Marwijk-a’n a rilru a sawh sawn lova, inhliam vanga first match khel theilo Joris Mathisen-a’n Ron Vlaar a rawn thlak tih loh chu tih danglam a awm lova. Bundesliga top Scorer leh Germans ho hriatchiang tura ngaih Klass -Jan Huntelaar tan hmun a awm lova, Tottenham Hotspur star Rafael Van Der Vaart tan pawh hmun a awm chuanglo. Hei hi Coach Marwijk tihsual hmasaah a ngaih theih.

Germany coah Joachim Low pawn players pakhatmah a sik sawi lova. Portugal an hneh tuma Mats Hummels khelh that avang leh Mario Gomez-a’n goal a thun avangin a siksawilo hi thil awm tak a ni thung.

An inkhel e; Mario Gomez a ropui !

Tun tournament a Champion rinkai pahnih inkhel hi a tir atangin a hmuhnawm ngah a. Arsenal Striker Robin Van Persie hmangin Dutch lamin chance nei mahse Manuel Neuer an paltlang theilo thung. Netherlands lamin ball possession an neitha zawk a, chutihrualin a kheltha zawk chu Germany an ni. Mesut Oezil-a’n Mark Van Bommel clear tha tawk loh a ke veilam a volley chuan goal ban a per chu Netherlands tan chuan warning-ah a ngaih theih. Mahse an insiamthat loh avangin, minute 24 naah Bastian Schweinsteiger pass tha zet chu Gomez-a’n mawi taka lo dawngin Germany hmahruaina goal a thun a, Maarten Stekelenburg tan dan ngaihna a awmlo. Hemi hnu hian Holger Badstuber-a’n Oezil freekick atanga ball lo kal tha zet chu Stekelburg a head per bawk. Germany an chetha chhunzawm zela minute 38 naah Sweinsteiger pass chu Gomez bawkin goal-ah a lo chantir a. First Half hun pek belhah Dutch keeper Stekelenburg-a’n ropui taka a save leh avangin goal dang a luh belh tawh lo.

Second Half-ah Marjwik-a’n substitution a rawn siam ve ta hram

First half atanga thlir chuan Netherlands tan beisei tur a awm tawh lova. Mahse Dutch Coach Marjwik-a’n an Captain leh a makpa ni bawk Bommel aiah Van Der Vaart a rawn luh tir a. Ibrahmin Affelay aiah Huntelaar a rawn luhtir bawk. Dutch fans-te tan beiseina thar awm bawk mahse second half bul tan tha zawk chu Germany tho an ni.

Minute 52-naah Hummels-a’n chance a nei a, mahse Stekelenburg-a’n vawi hnih ngawt a lo save sak thung. Hemi hnu hi chuan Netherlands game a rawn fuh chho tana tun tournament a vanduai ve tak Persie a rawn lang a. Minute 58-naah a ke dinglamin mawi takin a thun a, minute 30 ngawt a la awm avangin players-te pawh an phur chho hle. Chance tha tak tak an rawn nei chho nghal a mahse Gemany bang rinawm Neuer an paltlang thei lo. Minute 71-naah a first game phalo Wesley Sneijder shot Jerome Boateng lo dan sak chu Dutch lam tan chuan uihawm tak a ni. Goal dang a luh belh tawhloh avangin Germany chu an chak ta a, mahse yellow card hmutu Boateng (Portugal nen a hmu tawh bawk) erawhin Denmark a tumve thei lovang. Germany hian tun chawlhni hian Lviv-ah Denmark an tum dawn a. Netherlands in Kharkiv-ah Portugal an tum thung dawn a ni.

Quarterfinal lut tur a chiang tawh em?

Germany hi an chak emaw an in draw anih chuan Quarterfinal an lut dawn a. Anni hi he group-ah chuan an dinhmun a tha bera, team dang kutah an inghat ve lo. First match a Netherlands hnehtu Denmark in Germany hi an hneh anih erawh chuan quarterfinal lut thei dinhmunah an ding dawn a, mahse Portugal in Netherlands an hneh anih rawh chuan Germany, Portugal leh Denmark ten 6 points theuh an hmuh dawn avangin head to head a en theih dawn lova, an pathum inkar goal difference hi a pawimawh ang. Chutihrualin Germany tan Denmark hneh chu thil harsa lutuk anih dawn loh avangin Netherlands tan beiseina a la awm dawn a. Gemany an chak a, Portugal goal hnih tala an hneh anih bawk chuan quarterfinal an lut thei dawn bawk a ni. Group B atang hian tupawh an tlang thei a, tlang tur erawh hriatthiam a har, tunge tlang tura i rinve le?

Match Statistics:

Netherlands

Playing XI: 01 Stekelenburg; 02 Van Der Wiel, 03 Heitinga, 04 Mathijsen, 15 Willems (Booked) ; 06 Van Bommel (Van der Vaart – 46′), 08 De Jong (Booked), 10 Sneijder, 11 Robben (Kuyt – 83′ ) ; 16 Van Persie, 20 Afellay (Huntelaar – 46′).

Substitutes: 12 Vorm, 22 Krul, 05 Bouma, 13 Vlaar, 21 Boulahrouz, 14 Schaars, 17 Strootman, 23 Van der Vaart, 07 Kuyt, 09 Huntelaar, 18 De Jong, 19 Narsingh

Germany

Playing XI : 01 Neuer; 05 Hummels, 14 Badstuber, 16 Lahm, 20 Boateng (Booked); 06 Khedira, 07 Schweinsteiger, 08 Ozil (Kroos – 81′ ), 13 Mueller (Bender – 90′ ), 10 Podolski, 23 Gomez (Klose – 72′ )

Substitutes: 12 Wiese, 22 Zieler, 03 Schmelzer, 04 Howedes, 17 Mertesacker, 02 Gundogan, 09 Schurrle, 15 Bender, 18 Kroos, 19 Gotze, 21 Reus, 11 Klose

Statistics Source: bbc.co.uk

Leave a Reply