FIFA World Cup 2010 finalist Netherlands chuan Euro 2012 a an ram aiawh tur an puang ve leh ta a, player 23 an thlanchhuahte hi an hraw hlawm hreih hrawih kher mai.

Netherlands coach Bert van Marwijk Netherlands hian a tirah player 36 a thlang phawt a, kar hmasa khan player 27 ah tla thlain, Inrinni (May ni 26) khan a ‘final’ squad hi a tichiang ta a ni. Kan hriat ṭheuh angin Netherlands hi Germany, Portugal leh Denmark te nen group khatah an awmho a, ‘group of death’ tih hiala harsa ni mahse an players neih leh an form enin group stage paltlang tura beisei ngam an ni awm e.

Keeper ṭha tak tia sawi theih pathum an nei a, midfield-ah Nigel de Jong, Wesley Sneijder, van Bommel, van der Vaart te ho an ther fur bawk. Defence hi an panna lai a ni mai awm mange aw a tih theih a, ‘world class’ han tih em tura ṭha ni hlawm chiah lo mahse, Europe-ah tunhnaia world class defender an tam loh zia ngaihtuah chuan a chhe pawl an ni chuang lo ang. A hmatâwnga awm turte mawlh hi midang tan an tawrhhlelhawm dawn. Robben, van Persie, Kuyt, Huntelaar te hi an inkawpfuh chhoh chuan Europe-a goal nawr na ber an ni thei mai angem?

Netherlands Squad:

Goalkeepers: Maarten Stekelenburg (Roma), Tim Krul (Newcastle United), Michel Vorm (Swansea City).

Defenders: Khalid Boulahrouz (Stuttgart), Wilfred Bouma, (PSV Eindhoven), John Heitinga (Everton), Joris Mathijsen (Malaga), Ron Vlaar (Feyenoord), Gregory van der Wiel (Ajax), Jetro Willems (PSV Eindhoven).

Midfielders: Ibrahim Afellay (Barcelona), Mark van Bommel (PSV Eindhoven), Nigel de Jong (Manchester City), Stijn Schaars (Sporting), Wesley Sneijder (Inter Milan), Kevin Strootman (PSV Eindhoven), Rafael van der Vaart (Tottenham Hotspur).

Forwards: Klaas Jan Huntelaar (Schalke), Luuk de Jong (FC Twente), Dirk Kuyt (Liverpool), Luciano Narsingh (Heerenveen), Robin van Persie (Arsenal), Arjen Robben (Bayern Munich).

source: sportinglife.com