Kum dang ang bawkin Company te inelna a ni leh dawn a. A bik takin kit sponsor tute an inel zual thin.

ADIDAS hi chungnung ber tura ngaih a ni a. A tournament hi sponsor-in ball an supply a. Tin, an jersey ha tur 6 – Russia, Greece, . Ukraine, Germany, Spain, Denmark te an nei a ni. An boot thar, Predator Absolado hi ball sem thin ho bun tlangpui a ni a. F50 XTRX FG hi a zan avangin ball tlanpui chi hovin an lo bun leh thup ang. Bun tur langsar te chu Xavi, Lampard, Lahm, Kroos, Alonso, Silva, Benzema, Neuer etc te an ni.

NIKE hian an jersey ha tur 5 – Croatia, Netherlands, Portugal, France, Poland te an nei ve thung a. Mahse UMBRO (3 – Sweden, England, Ireland) hi an lei tawh avangin Nike Kit ha tur chu 8 ah a sawi theih ang. Boot lamah chuan Adidas ai chuan an chungnung hret mai thei a, Mercurial Vapor VIII, Mercurial Glide III, Nike Tiempo, Total90 Laser Elite te hi an rawn bun fur ang. Bun tur langsar zualte chu Ronaldo, Ozil, Gotze, Eriksen, Iniesta, Rooney, Mata, Evra, Busquets etc. UMBRO Geometra leh UMBRO SPECIALI hi lar tak chu ni lo mah se hming lian ve tak tak – Clichy, Terry, Pepe, Jakobsen tih vel hian an bun dawn a ni.

Kumin chu PUMA hian 2 chiah an nei ve thung a, Czech Republic leh Italy te an ni. Puma V4.11 leh Puma powercat hi boot lar ve tak chu a ni. Bun tur thenkhat – Gomez, Llorente, Jones, Fabregas, Eduardo, etc.

A tu emaw ber pawh hian sum lalut hnem se, keini tan chuan tangkaina a nei thui lem lo. Mahse inkhel en ti nuam tura Kit mawi tak tak min supply sak tute an ni a, an ti tha reng reng e. An jersey siam leh boot hmang hian tunge pet goal hnem ber ang tih lam i lo thlir teh ang.